រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោតហៅកាត់ថា គ.ជ.ប បានទទួលចុះបញ្ជីឈ្មោះបេក្ខជនឈរឈ្មោះបោះឆ្នោតជ្រើសតាំងអ្នកតំណាងរាស្ត្រអាណត្តិទី៦បានចំនួន២ហើយ សម្រាប់ថ្ងៃទី៣០ ខែមេសាជាថ្ងៃដំបូងនេះ ។
លោក ឌឹម សុវណ្ណារុំសមាជិក គ.ជ.ប និងជាអ្នកនាំពាក្យបានឲ្យដឹងថា គ.ជ.ប ផ្តើមចុះឈ្មោះគណបក្ស-បញ្ជីបេក្ខជនឈរឈ្មោះបោះឆ្នោតពីថ្ងៃ៣០ មេសាដល់១៤ ឧសភាពេញ១ព្រឹកនេះ មានគណបក្ស២បានមកចុះឈ្មោះបោះឆ្នោត និងបញ្ជីបេក្ខជនឈរឈ្មោះ តាមប្រតិទិនរបស់គណៈកម្មាធិការជាតិរៀបចំការបោះឆ្នោតបានកំណត់ទុ ករួចមកហើយ គឺការចុះឈ្មោះគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ និងការប្តឹងតវ៉ាការដោះស្រាយពាក្យបណ្តឹងទាក់ទងនឹងការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះ ។
លោក ឌឹម សុវណ្ណារុំបានបញ្ជាក់នៅព្រឹកថ្ងៃទី៣០ ខែមេសានេះថា ចំពោះការសុំចុះបញ្ជីគណបក្សនយោបាយឈរឈ្មោះបោះឆ្នោត គ.ជ.ប ត្រូវពិនិត្យសម្រេចជូនក្នុងរយៈពេលយ៉ាងយូរ៧ថ្ងៃ បន្ទាប់ពីទទួលបានពាក្យសុំ ។
អ្នកនាំពាក្សរូបនេះបន្តថា គិតចាប់ពីម៉ោងប្រមាណជា៩រហូតមកដល់ម៉ោងជាង១ថ្ងៃទី៣០ មេសានេះ មានគណបក្សនយោបាយចំនួន២ គឺគណបក្សប្រជាជនកម្ពុជា គណបក្សយុវជនកម្ពុជា ចំណែកឯកគណបក្សសំបុក្រឃ្មុំ សង្គមប្រជាធិបតេយ្យ បានយកប្រាក់ចំនួន១៥ម៉ឺនរៀលដែលតម្កល់នៅរតនាគារជាតិមកបញ្ជាក់នៅគ.ជ.ប ។
លោកបានបញ្ជាក់ថា គណបក្សដែលបានទទួលពាក្សពីគ.ជ.ប មកដល់ពេលនេះមានចំនួន១៧គណបក្សរួចហើយ បានមកយកពាក្យពីគ.ជ.ប ។ ហើយក៏មានគណបក្សផ្សេងៗទៀត ក៏នឹងមកដាក់ពាក្សជាបន្តបន្ទាប់ទៀត ។ យ៉ាងណាលោកបញ្ជាក់យ៉ាងច្បាស់ថា ពីថ្ងៃទី៣០ ដល់ថ្ងៃទី១៤ ខែឧសភា មិនអាចពន្យាបានទេ ព្រោះច្បាប់មិនអនុញ្ញាតិ ។
ជាមួយគ្នានោះដែរលោក ឌឹម សុវណ្ណារុំក៏បានឲ្យដឹងថា រហូតមកដល់ពេលនេះ មានគណបក្សនយោបាយចំនួន៥ បានផ្ញើបង្កាន់ដៃដែលបានដាក់ពាក្យតម្កល់ថវិកាចំនួន១៥លានរៀល នៅរតនាគារជាតិរួចរាល់ផងដែរ ក្នុងនោះរួមមាន ៖ គណបក្សប្រជាជនកម្ពុជា គណបក្សហ្វ៊ុនស៊ិនប៉ិច គណបក្សយុវជនកម្ពុជា គណបក្សសម្ព័ន្ធ ដើម្បីប្រជាធិបតេយ្យ និងគណបក្សពន្លឺថ្មី ។
សូមរំលឹកថា កាលពីការបោះឆ្នោតជ្រើសតាំងតំណាងរាស្ត្រ នីតិកាលទី៥ ឆ្នាំ២០១៣ មានគណបក្សនយោបាយចំនួន៨ បានចូលរួមឈរឈ្មោះបោះឆ្នោត ។ ដោយឡែកចំពោះការបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨ ខាងមុខ បើយោងតាមរបាយការណ៍ដែលគ.ជ.ប ទទួលបានពីក្រសួងមហាផ្ទៃមកទល់ពេលនេះមា នគណបក្សនយោបាយដែលបានចុះបញ្ជីផ្លូវការចំនួន៣៧ គណបក្សហើយ ៕
ចែករំលែកព័តមាននេះ