ខេត្តពោធិ៍សាត់ ៖ សំណាបពង្រោះ សន្ទូងរបស់ប្រជាកសិករ ក្នុងក្រុងពោធិ៍សាត់ និងស្រុកចំនួន៥ទៀត ទូទាំងខេត្តពោធិ៍សាត់ បានក្រៀមស្វិតជាបណ្ដើរៗហើយ ដោយសារគ្រោះរាំងស្ងួតអូសបន្លាយអស់រយៈពេលប្រហែលពីរខែកន្លងមកនេះ ។ ទឹកបឹង ព្រែក អូរ ប្រឡាយដែលនៅសល់តិចតួច ត្រូវប្រជាកសិករដណ្ដើមគ្នា បូមដាក់ស្រែរៀងៗខ្លួន ធ្វើឲ្យរីងស្ងួតហួតហែង បង្កការលំបាកដល់ការរស់នៅរបស់សត្វពាហនៈថែមទៀតផង។
ស្ថិតក្នុងស្ថានភាពបែបនេះកាលពីថ្ងៃទី២១ កក្កដា ២០១៥ លោកម៉ៅ ធនិន អភិបាលនៃគណៈអភិបាលខត្ត លោកកែវ វ័យ ប្រធានមន្ទីរធនធានទឹក និងឧតុនិយម និងលោកឡាយ វិសិដ្ឋ ប្រធានមន្ទីរកសិកម្មរុក្ខាប្រមាញ់ និងនេសាទ បានចុះត្រួតពិនិត្យមើលផលប៉ះពាល់ នៃគ្រោះរាំងស្ងួតនេះ ព្រមទាំងបាននាំយកម៉ាស៊ីនបូមទឹកទៅជួយបូមអន្តរាគមន៍ផងដែរ ។
ព័ត៌មានលម្អិតនឹងផ្សាយជូននៅលើកាសែតកោះសន្តិភាព
ចែករំលែកព័តមាននេះ