ADផ្ទាំងផ្សព្វផ្សាយពាណិជ្ជកម្ម

Picture

ការជួញដូរផ្សារហ៊ុនម្សិលមិញមានទំហំប្រាក់១៨៤០៧ លានរៀលខណៈសន្ទស្សន៍ធ្លាក់ចុះ៤%

3 ឆ្នាំ មុន
  • ភ្នំពេញ

រាជធានីភ្នំពេញ ៖ ទំហំជួញដូរភាគហ៊ុននៅកម្ពុជា សរុបថ្ងៃទី១១ មករា ឆ្នាំ២០២១ មានចំនួន១៨៤,០៧ លានរៀល ។ ផ្សារមូលបត្រកម្ពុជាថា…

រាជធានីភ្នំពេញ ៖ ទំហំជួញដូរភាគហ៊ុននៅកម្ពុជា សរុបថ្ងៃទី១១ មករា ឆ្នាំ២០២១ មានចំនួន១៨៤,០៧ លានរៀល ។ ផ្សារមូលបត្រកម្ពុជាថា សន្ទស្សន៍ផ្សារហ៊ុន បានធ្លាក់ចុះ៤%ធៀបនឹងដើមត្រីមាសទី៤ ឆ្នាំ២០២០ ។

 ចាប់ពីដើមត្រីមាសទី៤ ឆ្នាំ២០២០មក សន្ទស្សន៍ផ្សារហ៊ុនកម្ពុជា បានបង្ហាញនូវទំនោរធ្លាក់ចុះ ដែលគិតជា ភាគរយស្មើនឹង៤% ពោល គឺមានការធ្លាក់ចុះពី ៦៦១,៨៥ពិន្ទុ មកត្រឹម៦៣៣,៨៣ពិន្ទុតែប៉ុណ្ណោះត្រឹមពេលផ្សារបិទថ្ងៃទី១១ មករា ។ ភាគហ៊ុនដែលធ្វើឱ្យសន្ទស្សន៍ផ្សារហ៊ុន មានការធ្លាក់់ចុះបន្ថែមទៀត ក្នុងថ្ងៃនេះ គឺភាគហ៊ុនABC (ធនាគារអេស៊ីលីដា) PAS (កំពង់ផែស្វយ័តខេត្តព្រះសីហនុ) និងPWSA (រដ្ឋករទឹកភ្នំពេញ)ដែលមានថ្លៃថយចុះមកត្រឹម១៦.៧០០រៀល ១៣.៩០០រៀល និង៥.៩៨០រៀល ។

ដោយឡែក ភាគហ៊ុន PEPC (Pestech Cambodia Plc.)ជាថ្មីម្តងទៀត បានបិទនៅថ្លៃពិសេស គឺ២.៧៨០រៀលដែលមានកំណើនខ្ពស់ជាងថ្លៃមូលដ្ឋាន ១០រៀល ។ ក្រៅពីនេះ ភាគហ៊ុន GTI PPAP (កំពង់ផែស្វយ័តភ្នំពេញ) និងPPSP (Phnom Penh SEZ Plc.)បានរក្សាថ្លៃថេរដដែលត្រឹម៣.២៩០រៀល ១១.៧៨០រៀល និង១.១៦០រៀល រៀងគ្នា ។

សូមជម្រាបថា នៅលើទីផ្សារភាគហ៊ុនកម្ពុជា មានក្រុម៧បានដាក់លក់មូលបត្រកម្មសិទ្ធិរបស់ខ្លួន និងក្រុមហ៊ុនចំនួន៨លក់មូលបត្របំណុល​៕    

អត្ថបទសរសេរ ដោយ

កែសម្រួលដោយ