រាជធានីភ្នំពេញ ៖ យោងតាមការប្រកាសព័ត៌មានពីស្ថានទូតបារាំងកាលពីថ្ងៃទី១៣ កញ្ញា បានឱ្យដឹងថា រូបថតជាច្រើនដែលជាស្នាដៃរបស់សិល្បករថតរូបកម្ពុជាពីររូប គឺលោកគីម ហាក់ និងលោកសុវណ្ណ ភីឡុង ត្រូវបានជ្រើសរើសយកទៅតាំងបង្ហាញចាប់ពីថ្ងៃទី១៣ កញ្ញា ដល់ថ្ងៃទី១១ វិច្ឆិកា ឆ្នាំ២០១១ នៅសារមន្ទីរ Quai Branly នៅទីក្រុងប៉ារីស ក្នុងឱកាសពិព័រណ៍រូបថត
រាជធានីភ្នំពេញ ៖ យោងតាមការប្រកាសព័ត៌មានពីស្ថានទូតបារាំងកាលពីថ្ងៃទី១៣ កញ្ញា បានឱ្យដឹងថា រូបថតជាច្រើនដែលជាស្នាដៃរបស់សិល្បករថតរូបកម្ពុជាពីររូប គឺលោកគីម ហាក់ និងលោកសុវណ្ណ ភីឡុង ត្រូវបានជ្រើសរើសយកទៅតាំងបង្ហាញចាប់ពីថ្ងៃទី១៣ កញ្ញា ដល់ថ្ងៃទី១១ វិច្ឆិកា ឆ្នាំ២០១១ នៅសារមន្ទីរ Quai Branly នៅទីក្រុងប៉ារីស ក្នុងឱកាសពិព័រណ៍រូបថតអន្ដរជាតិ PHOTOQUAI លើកទី៣ ដែលរៀបចំធ្វើឡើងរាល់ពីរឆ្នាំម្ដង។ សាធារណជនបានស្គាល់លោកគីម ហាក់ និងលោកសុវណ្ណ ភីឡុង ដែលជាអ្នកថតរូបជំនាន់ថ្មីដ៏មានទេពកោសល្យ តាមរយៈការចូលរួមរបស់ពួកគាត់ជាច្រើនលើកនៅក្នុងមហោស្រពរូបថតភ្នំពេញ ដែលបានរៀបចំឡើងតាំងពីឆ្នាំ២០០៨ ដោយវិទ្យាស្ថានបារាំងនៅកម្ពុជា ក្រោមការចាត់ចែងផ្នែកការងារសិល្បៈរបស់លោកគ្រីស្យង់ កូហ្សូល។
ដោយផ្ដោតតែលើរូបថតដែលមិនមែនមកពីប៉ែកអឺរ៉ុប ពិព័រណ៍រូបថត PHOTOQUAI មានគោលដៅជួយលើកតម្កើង និងធ្វើឱ្យគេបានស្គាល់សិល្បករនានា ដែលស្នាដៃរបស់ពួកគាត់មិនធ្លាប់តាំងបង្ហាញពីមុនមក ឬមានគេស្គាល់តិចតួចប៉ុណ្ណោះនៅប្រទេសបារាំង ព្រមទាំងជំរុញឱ្យមានការផ្លាស់ប្ដូរ និងការជួបគ្នានៃរូបភាពនានាលើពិភពលោក។ សម្រាប់ពិព័រណ៍លើកទី៣នេះ មានតាំងបង្ហាញរូបភាពប្រមាណ៤០០ផ្ទាំង ដែលជាស្នាដៃរបស់អ្នកថតរូបសហសម័យ៤៦នាក់មកពីទូទាំងពិភពលោក៕
ចែករំលែកព័តមាននេះ