ខេត្តបន្ទាយមានជ័យ ៖ អ្នកយកព័ត៌មានទូរទស្សន៍អាស៊ីអាគ្នេយ៍ម្នាក់ និងអតីតអ្នកយកព័ត៌មានទូរទស្សន៍អប្សរាម្នាក់ទៀត ត្រូវបានមនុស្សមួយក្រុមឃាត់ខ្លួន និងបិទទ្វារមិនឱ្យចេញពីច្រករបៀងបន្ទាត់ព្រំដែន បន្ទាប់ពីអ្នកយកព័ត៌មានទាំង២នាក់នោះ ចុះទៅផ្តិត
ខេត្តបន្ទាយមានជ័យ ៖ អ្នកយកព័ត៌មានទូរទស្សន៍អាស៊ីអាគ្នេយ៍ម្នាក់ និងអតីតអ្នកយកព័ត៌មានទូរទស្សន៍អប្សរាម្នាក់ទៀត ត្រូវបានមនុស្សមួយក្រុមឃាត់ខ្លួន និងបិទទ្វារមិនឱ្យចេញពីច្រករបៀងបន្ទាត់ព្រំដែន បន្ទាប់ពីអ្នកយកព័ត៌មានទាំង២នាក់នោះ ចុះទៅផ្តិតយករូបភាពនៅទីតាំងនោះដែលសង្ស័យថា មានបទល្មើសខុសច្បាប់ កាលពីវេលាម៉ោង១០ និង៣៥នាទីថ្ងៃទី២០ មិថុនា ២០១៥ ស្ថិតនៅចំណុចភូមិក្បាលកោះ សង្កាត់ប៉ោយប៉ែត ក្រុងប៉ោយប៉ែត ។
ប្រភពបានឱ្យដឹងថា បុរសដែលត្រូវគេឃាត់ខ្លួនម្នាក់ឈ្មោះនីម វណ្ណា និងម្នាក់ទៀតឈ្មោះធីម ថា ។ ហើយច្រករបៀងខាងលើ ត្រូវគេដឹងថា ជារបស់លោកមេបញ្ជាការរងនគរបាលការពារព្រំដែនគោកលេខ៨៩១ ឈ្មោះឈិន ឈាង ។
ការឃាត់ខ្លួនបុរសទាំង២នាក់នោះ ត្រូវគេអះអាងថា ចូលមកដោយមិនបានសុំការអនុញ្ញាតជាមុន ប៉ុន្តែទីតាំងខាងលើនោះត្រូវគេដឹងថា តែងតែមានបទល្មើសខុសច្បាប់ជាច្រើន ។
ទន្ទឹមនឹងការឃាត់ខ្លួននេះ ចុងក្រោយគេឃើញលោកឈិន ឈាង បានចុះមកធ្វើការសម្របសម្រួល ដោយព្រមបើកទ្វារឱ្យអ្នកយកសារព័ត៌មានទាំង២ ត្រឡប់ទៅវិញបាន ។
ចែករំលែកព័តមាននេះ