ខេត្តត្បូងឃ្មុំ ៖ ២នាក់ប្តី-ប្រពន្ធ ត្រូវរថយន្តLEXUS RX300មួយគ្រឿង ពណ៌.ស្ករ ពាក់ស្លាកលេខភ្នំពេញ 2K-6931 បុកយ៉ាងពេញទំហឹង បណ្តាលឱ្យស្ត្រីជាប្រពន្ធស្លា.ប់ និងបុរសជាប្តីរងរបួសធ្ងន់ ហើយបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តកំពង់
ខេត្តត្បូងឃ្មុំ ៖ ២នាក់ប្តី-ប្រពន្ធ ត្រូវរថយន្តLEXUS RX300មួយគ្រឿង ពណ៌.ស្ករ ពាក់ស្លាកលេខភ្នំពេញ 2K-6931 បុកយ៉ាងពេញទំហឹង បណ្តាលឱ្យស្ត្រីជាប្រពន្ធស្លាប់ និងបុរសជាប្តីរងរបួសធ្ងន់ ហើយបានបញ្ជូនទៅសង្គ្រោះបន្ទាន់នៅមន្ទីរពេទ្យខេត្តកំពង់ចាម ដែលហេតុការណ៍នេះកើតឡើងកាលពីវេលាម៉ោង១១ និង៤០នាទីព្រឹកថ្ងៃទី១៨ មិថុនា ២០១៥ ស្ថិតនៅលើកំណាត់ផ្លូវជាតិលេខ១១ ក្នុងភូមិលេខ៥ ឃុំអំពិលតាពក ស្រុកអូររាំងឪ ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះហុង ឆេងទាង អាយុ៧២ឆ្នាំ និងបុរសជាប្តីរងរបួសធ្ងន់ឈ្មោះអាន់ តេងហោ អាយុ៧៩ឆ្នាំ រស់នៅភូមិលេខ៥ ឃុំអំពិលតាពក ស្រុកអូររាំងឪ ។
ប្រភពបន្តថា នៅពេលមុនកើតហេតុ គេឃើញម៉ូតូជិះក្នុងទិសដៅពីត្បូងទៅជើង ដោយមិនបានពាក់មួកសុវត្ថិភាពនោះទេ ។ ស្របពេលដែលជិះមកដល់ភូមិលេខ៥ ស្រាប់តែមានរថយន្តម៉ាកឡិចស៊ីស១គ្រឿង បើកបរក្នុងទិសដៅស្របគ្នាមកពីក្រោយ ក៏បុកពេញទំហឹងតែម្តង បណ្តាលឱ្យជនរងគ្រោះទាំង២នាក់ផ្លោងខ្ទាតចេញពីម៉ូតូ ហើយអ្នកបើករថយន្តបង្កមិនស្គាល់អត្តសញ្ញាណឡើយ ព្រោះគេចខ្លួនចូលទៅក្នុងព្រៃ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ