ខេត្តសៀមរាប ៖ កម្លាំងអាវុធហត្ថប្រឆាំងគ្រឿងញៀនខេត្ត បានធ្វើការចុះឆែកឆេរក្នុងផ្ទះជួលមួយកន្លែង ដោយបានឃាត់ខ្លួនជនសង្ស័យជួញដូរគ្រឿងញៀ.នប្រុស-ស្រីចំនួន៣នាក់ កាលពីវេលាម៉ោង១២ និង៥៥នាទីថ្ងៃទី១៨ ឧសភា ២០១៥ នេះ ស្ថិតនៅ
ខេត្តសៀមរាប ៖ កម្លាំងអាវុធហត្ថប្រឆាំងគ្រឿងញៀនខេត្ត បានធ្វើការចុះឆែកឆេរក្នុងផ្ទះជួលមួយកន្លែង ដោយបានឃាត់ខ្លួនជនសង្ស័យជួញដូរគ្រឿងញៀនប្រុស-ស្រីចំនួន៣នាក់ កាលពីវេលាម៉ោង១២ និង៥៥នាទីថ្ងៃទី១៨ ឧសភា ២០១៥ នេះ ស្ថិតនៅចំណុចក្នុងភូមិខ្នារថ្មី សង្កាត់ជ្រាវ ក្រុងសៀមរាប ។
ប្រភពបានឱ្យដឹងថា ជនសង្ស័យទាំង៣នាក់ ១-ឈ្មោះសួន ផល្លា អាយុ៥២ឆ្នាំ ជាអ្នករើសអេតចាយ មានទីលំនៅក្នុងភូមិកើតហេតុខាងលើ ២-ឈ្មោះសាត់ ម៉ារ៉ាឌី អាយុ១៨ឆ្នាំ មានទីលំនៅក្នុងភូមិជ័យ សង្កាត់ទឹកវិល ក្រុងសៀមរាប និង៣-ឈ្មោះមូល សុរានាថ ភេទស្រី អាយុ១៨ឆ្នាំ ស្នាក់នៅភូមិកសិកម្ម សង្កាត់ស្រង៉ែ ក្រុងសៀមរាប ។ ចំណែកវត្ថុតាងដែលដកហូតបានមានម្សៅគ្រើមពណ៌ថ្លា១កញ្ចប់ធំ ទម្ងន់៣,៣៨ក្រាម និងទូរស័ព្ទដៃ៥គ្រឿង ។
បច្ចុប្បន្ន ជនសង្ស័យប្រុស-ស្រីទាំង៣នាក់ ត្រូវបានកម្លាំងជំនាញកសាងសំណុំរឿងបញ្ជូនទៅតុលាការ ។
ចែករំលែកព័តមាននេះ