ខេត្តបន្ទាយមានជ័យ​ ៖ មនុស្សក្មេង​​ចាស់ប្រុសស្រី​​បានរត់ប្រសាចចេញពី​ក្នុងផ្សារត្រី ​(អតីតផ្សារអគ្គ)​​ ដោយសារឮ​​សំឡេងផ្ទុះ​​ស្មានតែផ្ទុះគ្រាប់ ​តាម​ការ​ពិត​ផ្ទុះកំប៉ុង​ហ្កាស។

ហេតុការណ៍នេះ ​​បានកើតឡើង​នៅប៉ុន្មាននាទីមុននេះ ​​ស្ថិតក្នុងភូមិបាលិលេយ្យ ​​សង្កាត់-​ក្រុងប៉ោយប៉ែត ។

បើតាមអ្នកឆ្លើយឆ្លង​​ព័ត៌មានកោះសន្តិភាព​បានបញ្ជាក់ឲ្យដឹងទៀតថា ​ការផ្ទុះកំប៉ុងហ្កាស​ប្រមាណ១០កំប៉ុងនេះ ​​(សង្ស័យបណ្តាល​មកពីកម្តៅថ្ងៃខ្លំាង)​ចេញ​ពីតូបលក់គ្រឿង​ទេសដែលមានម្ចាស់ឈ្មោះ​ នៅ ស៊ី​នួន​ អាយុ៣៨ឆ្នាំ ​និងប្រពន្ឋឈ្មោះ​ សុខ ឡី ​អាយុ៣៣ឆ្នាំ ។​

យ៉ាងណាក៍ដោយ​ក្នុងហេតុការណ៍នេះ​ ពុំមានមនុស្សណា​ម្នាក់រងរបួសនោះទេ ៕