ពិតជាស្ត្រីគំនូរក្នុងដួងចិត្តមហាជន ស្ត្រីម្នាក់ដើរតួនាទីជាម្តាយ ជាមន្ត្រីប៉ូលិស និងអ្នកជាប្រកបមុខរបរលក់ប្រហិតទៀត ដើម្បីចិញ្ចឹមកូនប្រុសស្រីអោយធំធាត់ ខណៈនាពេលបច្ចុប្បន្ន ស្ត្រីរូបនេះបានចូលនិវត្តន៍ពីការងារ និងឆ្លៀតលក់ប្រហិតដល់យប់រំលងអធ្រាត្រមិនខ្លាចនឿយហត់ ។ ជាការពិត…
ពិតជាស្ត្រីគំនូរក្នុងដួងចិត្តមហាជន ស្ត្រីម្នាក់ដើរតួនាទីជាម្តាយ ជាមន្ត្រីប៉ូលិស និងអ្នកជាប្រកបមុខរបរលក់ប្រហិតទៀត ដើម្បីចិញ្ចឹមកូនប្រុសស្រីអោយធំធាត់ ខណៈនាពេលបច្ចុប្បន្ន ស្ត្រីរូបនេះបានចូលនិវត្តន៍ពីការងារ និងឆ្លៀតលក់ប្រហិតដល់យប់រំលងអធ្រាត្រមិនខ្លាចនឿយហត់ ។
ជាការពិត កាលពីនៅអំឡុងពេលបំពេញការងារជាប៉ូលិសនោះ ស្ត្រីចំណាស់រូបនេះពេលថ្ងៃបំពេញការងារជាប៉ូលិស ពេលយប់ឡើងទំនេរឆ្លៀតលក់ប្រហិត ពងទាកូន និងភេសជ្ជៈផ្សេងៗដល់ម៉ោង២រំលងអធ្រាត្រក៏មាន នេះបើតាមការលើកឡើងរបស់អ្នកមីង ជឹម ស៊ីម ។
តស់មកស្តាប់ពីជីវិតដ៏ជូរចត់របស់អតីតប៉ូលិសស្រីរូបនេះ ដោយក្នុងអំឡុងឆ្នាំ២០១៥ ស្ត្រីរូបនេះពិតជាតស៊ូជំនះបញ្ហាជីវិតជាច្រើន ហើយនាពេលបច្ចុប្បន្នកំពុងរួមរឹតដោយជម្ងឺទៀតនោះ ពោលជីវិតជាម្តាយពិតជាលំបាក ប្រឹងចិញ្ចឹមកូនរហូតដល់ចូលនិវត្តន៍ដោយនៅហត់លំបាកទៀត ។
តាមរយៈបទសម្ភាសន៍ជាមួយសារព័ត៌មានកោះសន្តិភាព អ្នកមីង ជឹម ស៊ីម ដែលជាអតីតមន្ត្រីប៉ូលិស អនុសេនីយ៍ឯក ថា កាលពីប្រឡូក្នុងការងារដំបូងខ្ទង់ឆ្នាំ១៩៨៥ កាលនោះអ្នកមីង មានអាយុប្រហែល២០ឆ្នាំ និងបានចូលនិវត្តន៍នៅឆ្នាំ២០២១ បើគិតមកបច្ចុប្បន្នជាង៣ឆ្នាំហើយដែលសម្រាកពីការងារ ។ ស្ថិតនៅក្នុងវ័យ៥៩ឆ្នាំ អ្នកមីង ជីម ស៊ឹម បន្តថា ការងារដែលអ្នកមីងលក់ប្រហិត សព្វថ្ងៃជួបការលំបាកច្រើនពិបាកនឹងពិពណ៌នា ដោយមុនឆ្នាំ២០១៥ អ្នកមីងចិញ្ចឹមកូនដល់ទៅ៦នាក់ ជាមួយស្វាមី ដោយការងារលក់ប្រហិត ។
ក្នុងនេះដែរ កាលពីមុនទាន់ចូលនិវត្តន៍ ពេលថ្ងៃអ្នកមីងបំពេញការងារ ប្រសិនបើពេលយប់ត្រូវចុះតាមគោលដៅ គឺមិនបានលក់នោះទេ តែបានស្វាមី និងកូនលក់ជំនួស ។ ស្ត្រីចូលនិវត្តន៍ជាប៉ូលិសស័ក្ខិបីរូបនេះបន្តថា ក្រោយឆ្នាំ២០១៥ ក៏ចាប់ផ្តើមវាយរទះដឹកប្រហិតលក់ ដោយមានជីវភាពរៀងប្រសើរបន្តិច ហើយកូនៗក៏មានគូស្រករខ្លះ ពោលនាពេលបច្ចុប្បន្ននៅសល់កូន៣នាក់ ដោយកូនប្រុសពីរនាក់នៅលីវ និងកូនស្រីពៅម្នាក់ ដែលកំពុងបន្តការសិក្សានៅសាកលវិទ្យាល័យ ក្នុងរាជធានីភ្នំពេញ ត្រូវការផ្ចុងផ្តើមពីម្តាយឪពុក ។
អ្នកមីង ជីម ស៊ឹម មានវ័យក្បែរ៦០ឆ្នាំ បន្តទៀតថា ក្រោយបេសកម្មចិញ្ចឹមកូនៗស្ទើរតែអស់មួយជីវិត អ្នកមីង បានរួមរឹតដោយជម្ងឺដោយជាច្រើនក្នុងនោះអ្នកមីងថា មានជំងឺលើសឈាម ទឹកនោមផ្អែម និងជំងឺខ្លាញ់រុំបេះដូង ៕
ចែករំលែកព័តមាននេះ