ថៃ ៖ ឧបទ្ទវហេតុដា.ច់បា.ក់ធ្នឹម នៅក្នុងការដ្ឋានសាងសង់ផ្លូវអាកាសរាមាទី២ ស្ថិតនៅក្នុងទឹកដីខេត្តសាមុតសាខន បណ្ដាលឲ្យកម្មករយ៉ាងហោចណាស់៤នាក់បានស្លា.ប់១០នាក់រងរបួស និង៣នាក់បាត់ខ្លួន កាលពីវេលាម៉ោង៤ទៀបភ្លឺ ថ្ងៃសុក្រ ទី២៩…
ថៃ ៖ ឧបទ្ទវហេតុដា.ច់បា.ក់ធ្នឹម នៅក្នុងការដ្ឋានសាងសង់ផ្លូវអាកាសរាមាទី២ ស្ថិតនៅក្នុងទឹកដីខេត្តសាមុតសាខន បណ្ដាលឲ្យកម្មករយ៉ាងហោចណាស់៤នាក់បានស្លា.ប់១០នាក់រងរបួស និង៣នាក់បាត់ខ្លួន កាលពីវេលាម៉ោង៤ទៀបភ្លឺ ថ្ងៃសុក្រ ទី២៩ ខែវិច្ឆិកា ឆ្នាំ២០២៤ ។ នេះបើយោងតាមចុះផ្សាយសារព័ត៌មាន Thairath និង PBS ។
ភ្លាមៗសាកស.ពចំនួន២ត្រូវបានគេរកឃើញនៅកន្លែងកើតហេតុ ខណៈសាកស.ពពីរទៀត ត្រូវបានរកឃើញពីក្រោមគំនរបាក់បែក ដោយឡែក មនុស្ស៣នាក់ នៅតែបាត់ខ្លួនត្រូវបានប៉ូលិសសន្និដ្ឋានថា អាចទៅរួចដែលពួកគេត្រូវបានបញ្ជូនទៅកាន់មន្ទីរពេទ្យ នៅក្បែរទីតាំងកើតហេតុ ហើយមន្ត្រីកំពុងស្វែងរកពួកគេ ។
ជនរងគ្រោះទាំងអស់ត្រូវគេជឿថា ជាកម្មករសំណង់ ប៉ុន្តែជាសំណាងល្អដែលគ្រោះថ្នាក់នេះបានកើតឡើង នៅវេលាទៀបភ្លឺទើបមិនមានរថយន្តបើកបរនៅផ្នែកខាងក្រោមទើបមិនមានអ្នករងគ្រោះក្រៅពីនេះ ។ ប៉ូលិសថៃបានអះអាងថា ឧប្បត្តិហេតុនៃធ្នឹមបេតុង និងរថយន្តស្ទូចបានដួលរលំចុះមកក្រោមនេះបានកើតមាននៅវេលាម៉ោង៤និង៧ នាទីទៀបភ្លឺចំណុចគីឡូម៉ែត្រ លេខ 21+100 ទល់មុខ ក្នុងឃុំគោកក្របៅ ស្រុកម៉ឿង ខេត្តខេត្តសាមុតសាខន ។
ឆ្លើយតបនឹងឧបទ្ទវហេតុចុងក្រោយ ក្នុងការដ្ឋានសាងសង់ដ៏មរណៈមួយនេះ លោកឧបនាយករដ្ឋមន្ត្រី សូរិយា ចំរុងរឿងគីត រដ្ឋមន្ត្រីក្រសួងដឹកជញ្ជូនថៃ បានបញ្ជាឱ្យប្រធាននាយកដ្ឋានផ្លូវថ្នល់ បង្កើតគណៈកម្មការស្រាវជ្រាវមួយ ដើម្បីស៊ើបអង្កេត និងរាយការណ៍ជុំវិញករណីគ្រោះថ្នាក់នេះក្នុងរយៈពេល១៥ថ្ងៃ ។ រដ្ឋមន្ត្រីក្រសួងដឹកជញ្ជូនថៃ ក៏បានបញ្ជាឲ្យអគ្គនាយកនៃនាយកដ្ឋានផ្លូវហាយវេផ្តល់សំណងឱ្យបានសមរម្យដល់គ្រួសារអ្នកស្លា.ប់ និងរបួសផងដែរ ។
យោងតាមរបាយការណ៍ កម្មករដែលរងរបួស និងស្លា.ប់ ជាបុគ្គលិករបស់ក្រុមហ៊ុន ភី.ស៊ី.អាយ.ស៊ី.សំណង់ ដែលត្រូវគេស្គាល់អត្តសញ្ញាណគ្រប់រូបហើយ ដោយមានទាំងជនជាតិថៃ និងជនជាតិមីយ៉ាន់ម៉ា ។ គេនៅចាំបានថា កាលពីដើមឆ្នាំ២០២៤ នៅការដ្ឋានមួយនេះ បានកើតមានគ្រោះថ្នាក់ផ្ទួនៗជាប់ៗគ្នាដល់ទៅពីរលើកដោយលើកទី១ កាលពីថ្ងៃទី១៣ មករា ហេតុការណ៍ដាច់ខ្សែដងស្ទូច ក្នុងពិព័រកុមារខេត្តសាតូន ដែលបណ្ដាលឲ្យមនុស្ស២០នាក់ រងរបួសធ្ងន់ ក្រោយមក៥ថ្ងៃ ពោលកាលពីថ្ងៃទី១៩ មករា គ្រោះថ្នាក់ដា.ច់ធ្លាក់កន្ត្រកឡានស្ទូច បណ្តាលឱ្យកម្មករ២នាក់ស្លា.ប់ ។
គួរកត់សម្គាល់ថា ការដ្ឋានសាងសង់ផ្លូវអាកាស រាមាទី២ មានភាពល្បីល្បាញខ្លាំង ដោយសារការសាងសង់គ្មានទីបញ្ចប់នៅដែលបានបន្តអស់រយៈពេលជាង៥០ឆ្នាំមកហើយ ជាពិសេសផ្លូវនេះត្រូវបានប្រជាជនថៃដាក់រហ័សនាមថា«ផ្លូវនរក៧ជាន់» ព្រោះថាតាមរយៈគ្រោះថា្នក់ទាំងធំទាំងតូច ដែលកើតមានញឹកញាប់រាប់មិនអស់បានឆ.ក់យកអាយុជីវិតកម្មករក៏ដូចជា អ្នកដំណើរអស់ជាច្រើននាក់ ។ ផ្លូវនេះបានចាប់ផ្តើមសាងសង់ក្នុងកំឡុងឆ្នាំ១៩៧០ ហើយបញ្ចប់ និងបើកជាផ្លូវការនៅថ្ងៃទី១ ខែមេសា ឆ្នាំ១៩៧៣ ជាផ្លូវសំខាន់ឆ្ពោះទៅកាន់តំបន់ភាគខាងត្បូង ។
ក្រោយមកពេលមានមនុស្សធ្វើដំណើរតាមផ្លូវនោះច្រើនបានបង្កឱ្យមានការសាងសង់ពង្រីក និងផ្លូវបំបែកជាច្រើន រួមទាំងការជួសជុលផ្លូវជាបន្តបន្ទាប់ ដែលមកដល់ឆ្នាំ២០២៤នេះ ការដ្ឋានសាងសង់កំពុងដំណើរមិនទាន់ចប់នៅឡើយទេ ប៉ុន្តែរដ្ឋមន្ត្រីថៃទើបតែប្រកាសថ្មីៗនេះថា ការដ្ឋានមួយនេះគ្រោងនឹងបញ្ចប់ទាំងស្រុងត្រឹមតែមិថុនា ឆ្នាំ២០២៥ ។
យោងតាមស្ថិតិរួមពីការសាងសង់ផ្លូវល្បឿនលឿនរាមាទី២ ក្នុងរយៈពេល៥ឆ្នាំ ចាប់ពីឆ្នាំ២០១៨ ដល់២០២២ មានគ្រោះថ្នាក់ចរាចរណ៍សរុបចំនួន២,២៤២លើក ស្លា.ប់១៣០នាក់ និងរបួស១,៣០៣នាក់ ។ ចំនួនអ្នកស្លា.ប់នេះនៅមិនទាន់បូកបញ្ចូល ហេតុការណ៍គ្រោះថ្នាក់ឆ្នាំ២០២៣ និង២០២៤នៅឡើយទេ៕
ចែករំលែកព័តមាននេះ