រាជធានីភ្នំពេញ ៖ ផ្ទះលក់កាហ្វេ និងផ្សារដែកធ្វើពីឈើលើថ្មក្រោមមួយខ្នង ស្ថិតនៅខាងកើតវត្តក្រាំងធ្នង់ ត្រូវបានអភិភ័យឆាបឆេះយ៉ាងសន្ធោសន្ធៅ បណ្តាលរងការខូចខាតទាំងស្រុង និងឆេះរាលដាលទៅផ្ទះមួយខ្នងទៀត ដែលនៅជាប់គ្នានោះ ។…
រាជធានីភ្នំពេញ ៖ ផ្ទះលក់កាហ្វេ និងផ្សារដែកធ្វើពីឈើលើថ្មក្រោមមួយខ្នង ស្ថិតនៅខាងកើតវត្តក្រាំងធ្នង់ ត្រូវបានអភិភ័យឆាបឆេះយ៉ាងសន្ធោសន្ធៅ បណ្តាលរងការខូចខាតទាំងស្រុង និងឆេះរាលដាលទៅផ្ទះមួយខ្នងទៀត ដែលនៅជាប់គ្នានោះ ។
ហេតុការណ៍នេះ បង្កឲ្យមានការភ្ញាក់ផ្អើល កាលពីវេលាម៉ោង៩និង៤០នាទីព្រឹក ថ្ងៃទី២៩ ខែវិច្ឆិកា ឆ្នាំ២០២៤ នៅតាមបណ្ដោយផ្លូវលេខ ១៩៦២ ខាងកើតវត្តក្រាំងធ្នង់ ក្នុងភូមិព្រៃខ្លា សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ម្ចាស់ផ្ទះដើម ភ្លើងដែលជាអ្នកជួលស្នាក់នៅឈ្មោះ អ៊ន់ រដ្ឋា ភេទប្រុស អាយុ៤០ឆ្នាំ មុខរបរជាងដែក និងមានប្រពន្ធលលក់កាហ្វេ ។ តាមសាក្សីបានឲ្យដឹងថា នៅមុនពេលកើតហេតុឃើញភ្លើងបានឆាប់ឆេះចេញពីផ្ទះផ្សារដែក និងលក់កាហ្វេដែលធ្វើអំពីឈើលើថ្មក្រោមនៅចំណុចផ្លូវកែង យ៉ាងសន្ធោសន្ធៅ បង្កអោយមានការភ្ញាក់ផ្អើលដល់អ្នកក្បែរខាងនាំគ្នាជួយពន្លត់ និងទាក់ទងហៅរថយន្តពន្លត់អគ្គិភ័យជាច្រើនគ្រឿងទៅអន្តរាគមន៍ ។
នៅក្នុងហេតុការណ៍នេះ ភ្លើងបានឆាប់ឆេះយ៉ាងរហ័ស បណ្ដាលឲ្យផ្ទះចំនួន២ខ្នងដែលមានម្ចាស់តែមួយ រងការខូចខាតទាំងស្រុង និងឆេះរាលដាលទៅផ្ទះមួយខ្នងទៀត ។
តាមនគរបាលការិយាល័យបង្ការពន្លត់អគ្គិភ័យ និងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នេះរថយន្តពន្លត់អគ្គិភ័យចំនួន៨គ្រឿង បានទៅអន្តរាគមន៍បាញ់ពន្លត់ហើយភ្លើងបានរលត់ទៅវិញ នៅវេលាម៉ោង១០និង៤០នាទីព្រឹកថ្ងៃដដែល ។
តាមនគរបាលឲ្យដឹងទៀតថា អគ្គិភ័យនេះ បណ្ដាលអោយផ្ទះធ្វើអំពីឈើប្រក់ស័ង្កសីទំហំ៨ ម៉ែត្រគុណនឹង១២ម៉ែត្រ ដែលខណ្ឌជា២ខ្នងមានម្ចាស់តែមួយ ,មួយខ្នងម្ចាស់ស្នាក់នៅលក់ទូរស័ព្ទ និងមួយខ្នងទៀតបានជួលទៅឲ្យជាងដែក និងលក់កាហ្វេដែលជាផ្ទះដើមហេតុខាងលើ ត្រូវភ្លើងឆេះរោងការខូចខាតទាំងស្រុង និងឆេះរាលដាលដល់ដំបូលនឹងពិដានផ្ទះអ្នកក្បែរខាង អស់ប្រមាណ៣០ភាគរយ ។
ទាក់ទិននឹងការកើតមានអគ្គិភ័យនេះ នគរបាលឲ្យដឹងថា បណ្តាលមកពីឆ្លងចរន្តអគ្គិសនីដែលជាងផ្សារដែកបានដោតប៉ុស្តិ៍ផ្សារទុកចោល ។ អគ្គិភ័យនេះ គឺបង្កឲ្យមនុស្សរងរបួសឡើយ ៕
ចែករំលែកព័តមាននេះ