រាជធានីភ្នំពេញ ៖ មហាព្រឹត្តិការណ៍ប្រដាល់គុនខ្មែរ ដ៏ល្បីកក្រើកដណ្ដើមឡានថ្មីខ្លាញ់គោ ទី ៧ របស់ភេសជ្ជៈប៉ូវកម្លាំង ប៊ូសស្ត្រង កាន់តែគគ្រឹកគ្រេង និងរំភើបផ្ទួនៗ…
រាជធានីភ្នំពេញ ៖ មហាព្រឹត្តិការណ៍ប្រដាល់គុនខ្មែរ ដ៏ល្បីកក្រើកដណ្ដើមឡានថ្មីខ្លាញ់គោ ទី ៧ របស់ភេសជ្ជៈប៉ូវកម្លាំង ប៊ូសស្ត្រង កាន់តែគគ្រឹកគ្រេង និងរំភើបផ្ទួនៗ ។ ប៊ូសស្ត្រង នាំមកជូននូវមហាព្រឹត្តិការណ៍ប្រដាល់គុនខ្មែរដណ្ដើមឡាន និងមហាព្រឹត្តិការណ៍ប្រគំតន្ត្រីគុនខ្មែរដ៏ក្រកើក Boostrong King of Fighter Kun Khmer ដែលគ្រប់គ្នាកំពុងទន្ទឹងរង់ចាំ ។
នៅថ្ងៃទី ១៩ ខែវិច្ឆិកា ឆ្នាំ ២០២៤ នេះ ទូរទស្សន៍រស្មីហង្សមាស HDTV, សហព័ន្ធកីឡាប្រដាល់គុនខ្មែរ និងក្រុមហ៊ុន ប៊ូសស្ត្រង បានធ្វើសន្នីសីទសារព័ត៌មានរួមគ្នាស្តីពី កម្មវិធីប្រកួតគុនខ្មែរដណ្តើមឡានថ្មីខ្លាញ់គោ ទី ៧ «Boostrong King of Fighter Kun Khmer» នៅស្ថានីយ៍ទូរទស្សន៍ហង្សមាស រស្មីហង្សមាស HDTV ផ្ទាល់ ។
លោក មាស រីទ្ធី អគ្គនាយរង នៃទូរទស្សន៍ហង្សមាស រស្មីហង្សមាស HDTV បាននិយាយថា ៖ «គោលបំណងដែលយើងបង្កើត មហាព្រឹត្តិការណ៍ប្រដាល់គុនខ្មែរនេះឡើង គឺមិនមែនសំដៅតែលើឡាន ប៊ូសស្ត្រង មួយមុខនោះទេ គឺយើងមានគុណតម្លៃចង់បង្ហាញអំពីគុនខ្មែរសម្រាប់ប្រទេសកម្ពុជារបស់យើង និងដើម្បីផ្សព្វផ្សាយឱ្យទូលំទូលាយ ឱ្យកាន់តែល្បីល្បាញសម្រាប់គុនខ្មែររបស់យើង ។ ក្រុមហ៊ុន ហង្សមាស មានពហុបំណងដែលភ្ជាប់ទំនាក់ទំនងទៅគ្រប់ស្ថាប័ន និងក្រុមហ៊ុនអភិវឌ្ឍន៍ផ្សេងៗ ហើយនៅតាមបណ្តាក្លិបទាំងអស់ដែលមានកីឡាករកីឡាការនី យើងភ្ជាប់ទំនាក់ទំនងសហការ ដោយមិនរើសអើងជាមួយក្លិបណាមួយនោះទេ ហើយគ្មានក្លិបណាមួយជារបស់ក្រុមហ៊ុន ហង្សមាស ផ្តាច់មុខនោះដែរ គឺយើងបើកទូលាយ» ។
ជាមួយគ្នានេះផងដែរ ឯកឧត្តម ខូវ ឆាយ ប្រធានសហព័ន្ធកីឡាប្រដាល់គុនខ្មែរ ក៏បានឱ្យដឹងថា ៖ «ឆ្លៀតក្នុងឱកាសនេះខ្ញុំសូមអរគុណសម្រាប់ម្ចាស់ឧត្តមទាំងអស់ជាពិសេសក្រុមហ៊ុន ប៊ូសស្ត្រង តែងតែដាក់នូវរង្វាន់ធំៗសម្រាប់កីឡាករកីឡាការិនី មានទាំងម៉ូតូ ឡានថ្មី ហើយឥឡូវមានទាំងផ្ទះទៀត ។ ទាំងនេះជាកម្លាំងជំរុញឱ្យកីឡាករយើង ប្រឹងប្រែងហ្វឹកហាត់ ក៏ដូចជាប្រកួតឱ្យអស់ពីសមត្ថភាពផងដែរ ដែលសុទ្ធសឹងតែជាកីឡាករមានជីវភាពខ្វះខាត ។ ខ្ញុំជឿជាក់ថា ទៅថ្ងៃអនាគត ក្រុមហ៊ុន ប៊ូសស្ត្រង នឹងដាក់ឡានកាន់តែច្រើនជាងនេះទៀត ដើម្បីផ្តល់ឱកាសដល់កីឡាករ កីឡាការិនី មានឱកាសមានសំណាង ដូចជារៀមច្បងយើងមុនៗ ។ ដូចនេះយើងមានកីឡាករ ៨រូប និងមកជួបគ្នាដើម្បីប្រកួតដណ្តើមឡានខ្លាញ់គោ របស់ក្រុមហ៊ុន ប៊ូសស្ត្រង» ។
ដើម្បីបន្តលើកកម្ពស់គុនខ្មែរឱ្យកាន់តែរីកចម្រើន និងល្បីល្បាញបន្ថែមទៀត លោក គ្រីស តូបភើ តំណាងក្រុមហ៊ុន ប៊ូសស្ត្រង បានបញ្ជាក់ថា ៖ «ដូចគ្រប់គ្នាបានដឹងហើយថា ក្រុមហ៊ុន ប៊ូសស្ត្រង ធ្លាប់បានជ្រួយជ្រោមជ្រែងមែនទែន និងតែងតែគាំទ្រប្រដាល់គុនខ្មែរ ច្រើនបំផុតមិនធ្លាប់ទេ តួរយ៉ាងដូចជា ព្រុំ សំណាង មានឡាន មានផ្ទះ និងមានអ្វីៗគ្រប់យ៉ាង ក៏ដោយសារប៊ូសស្ត្រងមើលឃើញពីភាពលំបាក និងការតស៊ូ សម្រាប់កីឡាករគុនខ្មែរគ្រប់រូប ។ ហើយថ្ងៃនេះប៊ូសស្ត្រងបានដាក់ឡាន ទី ៧ ទៅលើប្រភេទប្រកួត សម្រាប់កីឡាករទំងន់ ៦០ គីឡូក្រាមបន្ថែមទៀត» ។
លោក គ្រីស តូបភើ បានបញ្ជាក់ថា នាពេលនេះ ក្រុមហ៊ុន ប៊ូសស្ត្រង មិនទាន់បានកំណត់កាលបរិច្ឆេតបញ្ចប់ ក្នុងការផ្តល់រង្វាន់ដល់កីឡាករនោះទេ មានន័យថា យើងនៅតែបន្តផ្តល់រង្វាន់ដល់កីឡាករទាំងអស់ជារៀងរហូត ។
សូមជម្រាបជូនផងដែរថា បងប្អូនទិញ ប៊ូសស្ត្រង គឺជាចំណែកដ៏សំខាន់ជួយឱ្យមានកម្មវិធីប្រកួតដណ្ដើមឡាន ជាប្រវត្តិសាស្ត្រគុនខ្មែរនេះកើតឡើង ។ Boostrong King of Fighter Kun Khmer ! នាំមកជូនផ្ដាច់មុខវិសេសវិសាលអស្ចារ្យដោយ ប៊ូសស្ត្រង រង្វាន់ច្រើន ឆ្ងាញ់ជាងគេ ! ។
តោះ ! កុំឱ្យខកខានណាត់គ្នាមកមើលការប្រគំតន្ត្រីគុនខ្មែរ នៅថ្ងៃសុក្រ ទី ២២ និងកម្មវិធីប្រដាល់គុនខ្មែរដណ្ដើមឡានថ្មីខ្លាញ់គោ នៅថ្ងៃសៅរ៍ ទី ២៣ ខែវិច្ឆិកា ឆ្នាំ ២០២៤ នៅក្នុងបរិវេណជិតរង្វង់មូលសាលាខេត្តត្បូងឃ្មុំ ចាប់ពីម៉ោង ៦ល្ងាចតទៅ ។ ទូរទស្សន៍រស្មីហង្សមាស HDTV និងផេកហ្វេសប៊ុកផ្លូវការ ប៊ូសស្ត្រង ផ្សាយផ្ទាល់ពិសេសទាំង២ថ្ងៃចាប់ពីម៉ោង ០៨យប់រហូតដល់ចប់កម្មវិធី ។
ខាងក្រោមនេះជាព័ត៌មានលម្អិត អំពីកាលបរិច្ឆេត និងទីតាំងប្រកួត ៖
១. ថ្ងៃទី ២២-២៣ ខែវិច្ឆិកា ឆ្នាំ ២០២៤ នៅបរិវេណជិតរង្វង់មូលសាលាខេត្តត្បូងឃ្មុំ ។
២. ថ្ងៃទី ០៦-០៧ ខែធ្នូ ឆ្នាំ ២០២៤ នៅបរិវេណរង្វង់មូល វិមានឯករាជ្យ ទីរួមខេត្តស្វាយរៀង ។
៣. ថ្ងៃទី ២១-២២ ខែធ្នូ ឆ្នាំ ២០២៤ នៅបរិវេណសួនមាត់ស្ទឹងព្រះអង្គចេក ព្រះអង្គចម ក្រុងសៀមរាប ។
៤. ថ្ងៃទី ០៣-០៤ ខែមករា ឆ្នាំ ២០២៥ នៅក្នុងតារាងបាល់ទាត់វាលបែកចាន ក្រុងបាត់ដំបង ខេត្តបាត់ដំបង ។
៥. ថ្ងៃទី ១៧-១៨ ខែមករា ឆ្នាំ ២០២៥ នៅបរិវេណដីឡូតិ៍ជាប់ផ្លូវជាតិលេខ ៤ ភូមិស្ងួនពេជ្រ ខណ្ឌកំបូល រាជធានីភ្នំពេញ ៕ អត្ថបទសហការ
ចែករំលែកព័តមាននេះ