រាជធានីភ្នំពេញ ៖ បើនិយាយពីម្ចាស់គណនីហ្វេសប៊ុកផេកឈ្មោះ Doctor Sem Ratana (សែម រតនា) ប្រិយមិត្តដែលនិយមលេងក្នុងបណ្តាញសង្គមហ្វេសប៊ុក ប្រាកដជាស្គាល់គាត់រួចមកហើយថា…
រាជធានីភ្នំពេញ ៖ បើនិយាយពីម្ចាស់គណនីហ្វេសប៊ុកផេកឈ្មោះ Doctor Sem Ratana (សែម រតនា) ប្រិយមិត្តដែលនិយមលេងក្នុងបណ្តាញសង្គមហ្វេសប៊ុក ប្រាកដជាស្គាល់គាត់រួចមកហើយថា គាត់គឺជាអ្នកផលិតវីដេអូចែករំលែកបទពិសោធន៍ និងចំណេះដឹងទូទៅផ្សេងៗនៅលើបណ្តាញសង្គមហ្វេសប៊ុកដំបូងគេ ហើយក៏ឈានមុខគេម្នាក់នៅក្នុងប្រទេសកម្ពុជា ។
យ៉ាងណាមិញលោក សែម រតនា គឺជាដុកទ័រម្នាក់ដែលពោរពេញទៅដោយចំណេះដឹងខ្ពស់ និងមានបទពិសោធន៍ច្រើន ជាពិសេសរាល់អត្ថបទនីមួយៗឆ្លុះបញ្ចាំងពីសង្គមជាតិពិតៗ មិនថាវីដេអូរឿងអប់រំ វីដេអូផលិតដោយខ្លួនឯងផ្ទាល់ ពោលគឺសុទ្ធសឹងជាការចែករំលែកគមនិតល្អៗ និងទទួលបានការគាំទ្រជាច្រើនពីបងប្អូនប្រជាជនខ្មែរ សូម្បីតែហ្វេសប៊ុករបស់គាត់ ក៏ទទួលបានការ Like & Share រាប់មឺនសែននាក់ឯណោះ ។ ហើយអ្វីដែលលោកធ្វើនេះ គឺចង់ចែករំលែក ដើម្បីឲ្យប្រជាពលរដ្ឋខ្មែរយើងបានស្គាល់ និងយល់ដឹងពីរឿងរ៉ាវសង្គមចៀសឆ្ងាយពីទង្វើអាក្រក់ដែលកើតឡើងក្នុងសង្គមបច្ចប្បន្ន ។
ទន្ទឹមនឹងនេះដែរ រាល់វីដេអូរបស់លោក ដុកទ័រ សែម រតនា បានធ្វើឲ្យប្រជាជនខ្មែរជាច្រើនសប្បាយចិត្តចំពោះការចែករំលែកនេះ ហើយមួយទៀត គឺប្រជាជនខ្មែរ គាំទ្រចំពោះកិច្ចការដែលលោកកំពុងបធ្វើរាល់ថ្ងៃនេះ អ្វីដែលកាន់តែពិសេសនោះ គឺជាចំណង់ចំណូលចិត្តរបស់លោកផងដែរ ធ្វើយ៉ាងណាឲ្យប្រទេសកម្ពុជាសម្បូរទៅដោយធនធានមនុស្សដែលមានចំណេះដឹងពិតប្រាកដ ។
លោក ដុកទ័រ សែម រតនា មិនត្រឹមតែជាមនុស្សដែលមានចំណោះដឹងនោះទេ លោកថែមទាំងជួយដល់ប្រជាជនដែលមានជីវភាពលំបាកផងដែរ ។ យើងសូមលើកទឹកចិត្តឲ្យលោក ដុកទ័រ សែម រតនា បន្តចែករំលែកនូវបទពិសោធន៍ល្អៗ និងចំណេះដឹងថ្មីៗបន្តទៀត ដើម្បីឲ្យកូនខ្មែរយល់ដឹងកាន់តែច្បាស់ ៕ ដោយសហការ
ចែករំលែកព័តមាននេះ