កីឡាជាតិ
ថ្ងៃពុធ ទី២៥ ខែមករា ឆ្នាំ២០១២ ម៉ោង ១៧:៣០
រាជធានីភ្នំពេញ ៖ ផុន ផាន់ណា មកពីក្លឹបអប្សរាគុនខ្មែរ ជួបប្រកួតជាមួយវ៉ាន់់ ចាន់វៃ មកពីក្លឹបសិង្ហកីឡា ឯសារឹម ង៉ា មកពីក្លឹបកីឡាប្រដាល់ក្រសួងការពារជាតិចង់សាកកម្លាំងជាមួយធី ណារិន មកពីក្លឹបកងពលធំអន្តរាគមន៍លេខ៣ព្រះវិហារ នៅលើសង្វៀនស្ថានីយទូរទស្សន៍ប៉ុស្តិ៍លេខ៥ នាថ្ងៃអាទិត្យទី២៩ មករាខាងមុខនេះ ។ ផាន់ណា និងវ៉ាន់ ចាន់វៃ ធ្លាប់បានប៉ះគ្នាចំនួន២-៣លើករួចមកហើយ ឯលទ្ធផលគឺមានឈ្នះទៅវិញទៅមកដូចគ្នា ផាន់ណា ពូកែស្នៀតកែងនិងជង្គង់ជាង។
ថ្ងៃអង្គារ ទី២៤ ខែមករា ឆ្នាំ២០១២ ម៉ោង ១៧:១៩
រាជធានីភ្នំពេញ ៖ គូប្រកួតដណ្តើមខ្សែក្រវាត់ខារ៉ាបាវ ប្រភេទទម្ងន់៦០គីឡូក្រាម នៅលើសង្វៀនស្ថានីយទូរទស្សន៍ CTN នាថ្ងៃសុក្រ ទី២៧ មករា ខាងមុខ មានតែ១គូប៉ុណ្ណោះ ។ កាន់ សុវណ្ណ មកពីក្លឹបយុវកីឡាខេត្តកណ្តាល ជួប ផុន ផុល មកពីក្លឹមសម្រែករាជសីហ៍បង្ក្រាបគ្រឿងញៀន។ សុវណ្ណ ប្រកួតបាន៣ដងរួចមកហើយ ប៉ុន្តែលទ្ធផលជាបណ្តោះអាសន្នឈ្នះ១ ចាញ់២ ទើបតែរកបាន៥ពិន្ទុប៉ុណ្ណោះ រីឯផុន ផុល វិញឈ្នះ២ ចាញ់១ រកបាន៧ពិន្ទុហើយ ។
ថ្ងៃចន្ទ ទី២៣ ខែមករា ឆ្នាំ២០១២ ម៉ោង ១៧:៣៦
រាជធានីភ្នំពេញ ៖ កែវ វីរៈ មកពីក្លឹបគជសារកីឡា បានយកឈ្នះសេរី រតនា មកពីក្លឹបឃ្លាំងមឿងកីឡា នៅក្នុងទឹកទី៣ ខណៈ ទេស សំខាន់ មកពីក្លឹបកងពលតូចលេខ៧០ បានផ្តួលទី ពន្លែត មកពីក្លឹបសឹករងខេត្តសៀមរាប នៅត្រឹមទឹកទី២ នៅលើសង្វៀនស្ថានីយទូរទស្សន៍ CTN កាលពីថ្ងៃសៅរ៍ទី២១ មករា ។ កែវ វីរៈ មានការធ្វេសប្រហែសបន្តិចនៅទឹកទី១ និងទី២ ជាពិសេសទឹកទី១តែម្តង គេបានបណ្តោយឱ្យរតនា វាយចំពីលើក្បាល១កែងប៉ុន្តែរតនា ក៏ត្រូវវីរៈ វាយបកសងវិញយ៉ាងចាស់ដៃផងដែរ ចាប់ពីចុងទឹកទី២ ។
ថ្ងៃចន្ទ ទី២៣ ខែមករា ឆ្នាំ២០១២ ម៉ោង ១៧:៣៨
រាជធានីភ្នំពេញ ៖ ការប្រកួតបាល់ទាត់វគ្គជម្រុះ១៦ក្រុមដណ្តើមពានរង្វាន់សម្តេចតេជោ ហ៊ុន សែន លើកទី៦ ឆ្នាំ២០១២ នឹងចាប់ផ្តើមប្រកួតពីថ្ងៃទី១ កុម្ភៈ ខាងមុខនេះហើយ ។ មន្ត្រីគណៈកម្មការរៀបចំការប្រកួតឱ្យដឹងថា សម្រាប់ក្រុមទាំង១៦ដែលមានឱកាសឆ្លងផុតពីវគ្គប្រកួតជម្រុះតាមមណ្ឌលឡើងមកដល់វគ្គជម្រុះចុងក្រោយនេះ ត្រូវបានចែកចេញជា៤ពូល ក្នុង១ពូលមាន៤ក្រុម។ ពូល A មានឆ្លាមសមុទ្រ ក្រុមណាហ្គាខប ក្រុមបាត់ដំបង និងក្រុមបៃលិន។
ថ្ងៃអាទិត្យ ទី២២ ខែមករា ឆ្នាំ២០១២ ម៉ោង ១៧:៣៥
លោកគ្រូមាស សុខ បានធ្វើដំណើរទៅសហរដ្ឋអាមេរិកតាមការអញ្ជើញរបស់សហព័ន្ធគុនខ្មែរនៅរដ្ឋម៉ាសាឈូសេត ទីក្រុងឡូវែល ដែលមានលោកកាន់ វណ្ណៈ ជាប្រធានសហព័ន្ធ ។ លោកគ្រូបានបំពេញការងារបង្ហាត់សិស្សអស់រយៈពេលបីខែគឺចាប់ពីថ្ងៃទី២២ កញ្ញា ២០១១ រហូតដល់ថ្ងៃទី១៦ មករា ២០១២ ។ កោះសន្តិភាពបានធ្វើសម្ភាសន៍ជាមួយលោកគ្រូពីបញ្ហាមួយចំនួនដូចខាងក្រោម ៖
សំណួរ ៖ តើលោកគ្រូអញ្ជើញទៅនេះបង្ហាត់ក្បាច់គុនរបៀបណាខ្លះ ?
ចម្លើយ ៖ តាមការឯកភាពគ្នាជាមួយលោកកាន់ វណ្ណៈ ប្រធានសហព័ន្ធគុនខ្មែរឱ្យខ្ញុំបង្ហាត់របៀបក្បាច់បុរាណខ្មែរជំហរខ្ពស់ ។
ថ្ងៃអាទិត្យ ទី២២ ខែមករា ឆ្នាំ២០១២ ម៉ោង ១៧:២៩
រាជធានីភ្នំពេញ ៖ ពុទ្ធ ឆាយរិទ្ធី មកពីក្លឹបពុទ្ធសេរីវង្សកីឡា បានប្រើស្នៀតកណ្តាប់ដៃវាយផ្តួល Leonard Nganga កីឡាករកេនយ៉ា ឱ្យសន្លប់នៅទឹកទី២ ក្នុងការប្រកួតនៅលើសង្វៀនស្ថានីយទូរទស្សន៍ប៉ុស្តិ៍លេខ៣កាលពីថ្ងៃសៅរ៍ទី២១ មករា កន្លងមកនេះ ។ Leonard ក៏ជាកំពូលអ្នកលេងស្នៀតកណ្តាប់ដៃយ៉ាងល្អម្នាក់ដែរ ប៉ុន្តែសម្រាប់ការមកប៉ះឆាយរិទ្ធីនាពេលនេះទៅអត់រួចឡើយ។ Leonard បានវាយសម្រុកចូលមុខឆាយរិទ្ធីពេញៗនៅទឹកទី១ និងទី២ ប៉ុន្តែត្រូវឆាយរិទ្ធីគេចផុតរហូត ។
ថ្ងៃអាទិត្យ ទី២២ ខែមករា ឆ្នាំ២០១២ ម៉ោង ១៧:២៥
រាជធានីភ្នំពេញ ៖ ព្រឹត្តិការណ៍ប្រដាល់នៅលើសង្វៀនស្តាតចាស់ដែលរៀបចំឡើងដោយស្ថានីយទូរទស្សន៍ប៉ុស្តិ៍លេខ៥ កាលពីយប់ថ្ងៃសៅរ៍ទី២១ មករា កន្លងមកនេះ អ្នកប្រដាល់ជើងខ្លាំងមកពីប្រទេសថៃ៣រូប សុទ្ធតែបានចាញ់សន្លប់នៅក្រោមកណ្តាប់ដៃអ្នកប្រដាល់កម្ពុជានៅមុនស្នូរជួងបញ្ចប់ទឹកទី៥ ទាំងអស់ ។ សៅ ប៊ុននឿន មកពីក្លឹបកីឡាប្រដាល់ក្រសួងមហាផ្ទៃ បានយកឈ្នះភូមិ ពឿន កីឡាករថៃ នៅទឹកទី៤ ។ ស្នៀតកណ្តាប់ដៃរបស់ប៊ុននឿន បានវាយសន្ធាប់ទៅលើផ្ទៃមុខភូមិ ពឿន តាំងពីទឹកទី១ ។
ថ្ងៃអាទិត្យ ទី២២ ខែមករា ឆ្នាំ២០១២ ម៉ោង ១៧:១៧
រាជធានីភ្នំពេញ ៖ បន្ទាប់ពីទទួលបានជោគជ័យនៅក្នុងការរៀបចំការប្រកួតរត់ពាក់កណ្តាលម៉ារ៉ាតុន នៅក្រុងអង្គរ ខេត្តសៀមរាប អស់រយៈពេលជាច្រើនឆ្នាំរួចមកនោះ គណៈកម្មការរៀបចំព្រឹត្តិការណ៍អន្តរជាតិមួយនេះ បានខិតខំពង្រីកសកម្មភាពរបស់ខ្លួនបន្ថែមទៀត គឺការរត់ពាក់កណ្តាលម៉ារ៉ាតុនអន្តរជាតិលើកទី១ នៅខេត្តព្រះសីហនុជាបន្តទៀតនៅថ្ងៃទី១១ ខែមីនា ឆ្នាំ២០១២ ។
ថ្ងៃសុក្រ ទី២០ ខែមករា ឆ្នាំ២០១២ ម៉ោង ១៧:១៨
រាជធានីភ្នំពេញ ៖ ព្រឹត្តិការណ៍ប្រកួតកីឡាថ្នាក់តំបន់អាស៊ីអាគ្នេយ៍ ឬស៊ីហ្គេម(SEA Games)ដែលបានប្រព្រឹត្តឡើងនៅប្រទេសឥណ្ឌូណេស៊ីលើកទី២៦ កាលពីថ្ងៃទី១១ ដល់ថ្ងៃទី២២វិច្ឆិកា ឆ្នាំ២០១១ បានទាក់ទាញនូវការចាប់អារម្មណ៍យ៉ាងខ្លាំងពីសំណាក់មហាជនទូទៅ និងពីវិស័យឯកជននានា ពិសេសពីក្រុមហ៊ុនទូរស័ព្ទចល័តSmart Mobile ។ ការចេញដំណើរទៅប្រកួតនៅលើកនេះពីសំណាក់អត្តពលិកកម្ពុជាប្រមាណ២១ប្រភេទកីឡា ជាលទ្ធផលកម្ពុជាទទួលបានមេដាយមាស៤ (៨គ្រឿង) ប្រាក់១១(១៧គ្រឿង) និងសំរឹទ្ធិ២៣(២៥គ្រឿង)។
ថ្ងៃសុក្រ ទី២០ ខែមករា ឆ្នាំ២០១២ ម៉ោង ១៧:១៤
រាជធានីភ្នំពេញ ៖ ហួន សុខនីម មកពីក្លឹបសិង្ហកីឡា ណាត់ជួបយឹម ឌៀប មកពីក្លឹបកីឡាប្រដាល់ក្រសួងការពារជាតិនៅលើសង្វៀនស្ថានីយទូរទស្សន៍ CTN ថ្ងៃសៅរ៍ ទី២១ មករា ខណៈទេស សំខាន់មកពីក្លឹបកងពលតូចលេខ៧០ ជួបទី ពន្លែត មកពីក្លឹបសឹករងខេត្តសៀមរាប ។ សុខនីម និងយឹម ឌៀប សុទ្ធតែកំពូលអ្នកប្រដាល់ដែលមានល្បិចប្រយុទ្ធនៅលើសង្វៀនខ្ពស់ដូចគ្នា ។ ប៉ុន្តែសុខនីម ចិត្តរបស់គេមិនសូវសឿងទេ ហើយចលនាវាយលុកទៅលើគូប្រកួតក៏មានការយឺតយ៉ាវណាស់ដែរ ។
ថ្ងៃព្រហស្បត្ត៏ ទី១៩ ខែមករា ឆ្នាំ២០១២ ម៉ោង ១៨:០២ 
រាជធានីភ្នំពេញ ៖ ការប្រកួតប្រដាល់ក្បាច់បុរាណខ្មែរ ដណ្តើមខ្សែក្រវាត់ស្ថានីយទូរទស្សន៍ប៉ុស្តិ៍លេខ៥ ប្រភេទសទម្ងន់៥៧គីឡូក្រាម វគ្គជម្រុះវិលជុំតាមពូលនឹងបញ្ចប់នៅថ្ងៃ
អាទិត្យ ទី២២ មករា ខាងមុខ ។ នៅពូល A ផាន់ សារុន មកពីក្លឹបគជសារកីឡាជួបជាមួយសួង សុវណ្ណថា មកពីក្លឹបក្រសួងការពារជាតិ ។ ចំណែកពូល B ចន្ថា សារឹម មកពីក្លឹបយុវកីឡាខេត្តកណ្តាល ជួបរឿង សោភ័ណ្ឌ មកពីក្លឹបខេមរកីឡា ។ សារុន ទំនងជាអស់ផ្លូវអ៊ុតហើយ ព្រោះថា ២ប្រកួតកន្លងមកនេះអត់ទាន់ស្គាល់ឈ្នះម្តងណាឡើយ ។
ថ្ងៃព្រហស្បត្ត៏ ទី១៩ ខែមករា ឆ្នាំ២០១២ ម៉ោង ១៧:៥៥
រាជធានីភ្នំពេញ ៖ សេន ប៊ុនថេន មកពីក្លឹបក្រសួងមហាផ្ទៃ ត្រៀមជួបប្រកួតសាកកម្លាំងជាមួយអ្នកប្រដាល់ជើងខ្លាំងមកពីប្រទេសថៃ Nontakom នៅលើសង្វៀនស្ថានីយទូរទស្សន៍ប៉ុស្តិ៍លេខ៣ ថ្ងៃសៅរ៍ទី២១ មករា ខណៈពុទ្ធ ឆាយឫទ្ធី មកពីក្លឹបពុទ្ធសេរីវង្សព្រែកតាទែន ជួបកីឡាករ Leonard Nganga ជនជាតិកេនយ៉ា ។ សេន ប៊ុនថេន ពូកែស្នៀតជើង ដែលសប្តាហ៍មុនគេបានប្រើស្នៀតជើងទាត់បំបាក់ដៃកីឡាករថៃម្នាក់ នៅលើសង្វៀនស្តាតចាស់ ។
ថ្ងៃពុធ ទី១៨ ខែមករា ឆ្នាំ២០១២ ម៉ោង ១៧:៥៤
រាជធានីភ្នំពេញ ៖ សហព័ន្ធកីឡាបាល់ទាត់អន្តរជាតិ(FIFA) និងសហព័ន្ធកីឡាបាល់ទាត់កម្ពុជា កាលពីរសៀលថ្ងៃអង្គារទី១៧ មករា នៅសណ្ឋាគារសាន់វេ បានធ្វើពិធីចុះហត្ថលេខារួមគ្នាមួយស្តីអំពីការផ្តល់ជំនួយជាទឹកប្រាក់ចំនួន៥០ម៉ឺនដុល្លារសហរដ្ឋអាមេរិកដល់សហព័ន្ធកីឡាបាល់ទាត់កម្ពុជា ក្នុងការអភិវឌ្ឍមជ្ឈមណ្ឌលកីឡាបាល់ទាត់ជាតិ នៅទន្លេបាទី ដែលជាគម្រោងទី៤ ជាបន្តទៀត ។
ថ្ងៃពុធ ទី១៨ ខែមករា ឆ្នាំ២០១២ ម៉ោង ១៧:៥១
រាជធានីភ្នំពេញ ៖ ការប្រកួតកីឡាប៉េតង់ ដណ្តើមពានរង្វាន់លោកឧបនាយករដ្ឋមន្ត្រីសុខ អាន លើកទី៤ ឆ្នាំ២០១២ ដែលបានប្រព្រឹត្តទៅនៅពហុកីឡដ្ឋានជាតិអស់រយៈពេល៤ថ្ងៃ ចាប់ពីថ្ងៃទី១៤ មករា មកបានបញ្ចប់ជាស្ថាពរ កាលពីថ្ងៃទី១៧ មករា ។ ពិធីបិទការប្រកួតនេះបានប្រារព្ធធ្វើក្រោមអធិបតីភាពលោកឧបនាយករដ្ឋមន្ត្រីសុខ អាន ប្រធានសហព័ន្ធកីឡាប៉េតង់កម្ពុជា។
ថ្ងៃពុធ ទី១៨ ខែមករា ឆ្នាំ២០១២ ម៉ោង ១៧:៤៤
ខេត្តបាត់ដំបង ៖ ការប្រកួតកីឡាវាយសីដណ្តើមពានរង្វាន់៧មករា លើកទី១២ ឆ្នាំ២០១២ ដែលបានធ្វើឡើងនៅក្លឹបវាយសីបៃតងកម្ពុជាខេត្តបាត់ដំបងរយៈពេល២ថ្ងៃចាប់ ពីថ្ងៃទី១២ មករា រហូតមកនោះបានបញ្ចប់ទាំងស្រុងនៅព្រឹកថ្ងៃអាទិត្យទី១៥ មករា ។ ពិធីបិទវគ្គការប្រកួតនេះក្រោមអធិបតីភាពលោកឧត្តមសេនីយ៍ឯកលី កុសល ប្រធានសហព័ន្ធកីឡាវាយសីកម្ពុជានិងមានការចូលរួមពីមន្ត្រីថ្នាក់ខេត្តជាច្រើនរូបទៀត ។
ថ្ងៃអង្គារ ទី១៧ ខែមករា ឆ្នាំ២០១២ ម៉ោង ១៧:៤៣
រាជធានីភ្នំពេញ ៖ រហូតមកដល់ថ្ងៃនេះគេរកឃើញក្រុមចំនួន៨ ដែលមានពិន្ទុនាំមុខគេតាមមណ្ឌលនីមួយៗ ដែលបានឆ្លងកាត់ពីការប្រកួតវគ្គជំរុះ ឈានចូលទៅដណ្តើមពានរង្វាន់សម្តេចតេជោហ៊ុន សែន ឆ្នាំ២០១២។ ការប្រកួតនេះធ្វើឡើងនៅតាមមណ្ឌលចំនួន៥ ក្នុងនោះមានមណ្ឌលក្រចេះ កំពង់ចាម សៀមរាប កំពង់ឆ្នាំង និងកោះកុង ។ ក្រុមដែលមានឱកាសបានឡើងទៅវគ្គបន្តនៅមណ្ឌលកំពង់ចាម បានទៅលើក្រុមម្ចាស់ផ្ទះបឹងកេត រីឯមណ្ឌលសៀមរាបបានទៅលើក្រុមសាកលវិទ្យាល័យអាស៊ីអឺរ៉ុប។
ថ្ងៃអង្គារ ទី១៧ ខែមករា ឆ្នាំ២០១២ ម៉ោង ១៧:៣៨
រាជធានីភ្នំពេញ ៖ ការប្រកួតប្រដាល់ក្បាច់គុនខ្មែរបុរាណដើម្បីឈានទៅដណ្តើមខ្សែក្រវាត់ខារ៉ាបាវទម្ងន់៦០គីឡូក្រាមនៅលើសង្វៀនស្ថានីយទូរទស្សន៍ CTN ថ្ងៃសុក្រទី២០ មករា ខាងមុខនេះ សម្រាប់ពូល B គឺបានឈានចូលដល់ជុំទី៤ហើយ ។ អ្នកប្រដាល់រឿម វណ្ណៈ មកពីក្លឹបកីឡាប្រដាល់ក្រសួងការពារជាតិជួបផាន់ សុវណ្ណ មកពីក្លឹបមិត្តប៉ូលិស ខណៈឯម វិចិត្រ មកពីក្លឹបគ្រុឌមានជ័យជួបឆាយ មាស មកពីក្លឹបរតនគិរី ។
ថ្ងៃចន្ទ ទី១៦ ខែមករា ឆ្នាំ២០១២ ម៉ោង ១៧:២៨
រាជធានីភ្នំពេញ ៖ សាកលវិទ្យាល័យវេស្ទើនបានសហការជាមួយក្រសួងអប់រំយុវជន និងកីឡារៀបចំការប្រកួតកីឡាបាល់ទះយុវជនសិស្សវិទ្យាល័យរាជធានីភ្នំពេញ ដើម្បីដណ្តើមពានរង្វាន់សាកលវិទ្យាល័យវេស្ទើនឆ្នាំ២០១២ ដែលពិធីបើកការប្រកួតជាផ្លូវការនោះត្រូវបានធ្វើឡើងកាលពីថ្ងៃទី១៤ ធ្នូ នៅវិទ្យាល័យច្បារអំពៅ ក្រោមអធិបតីភាពលោកប៊ូ ជុំសេរី អនុរដ្ឋលេខាធិការក្រសួងអប់រំ និងលោកតែ ឡូរិន ទីប្រឹក្សាអមទីស្តីការគណៈរដ្ឋមន្ត្រី និងជាសាកលវិទ្យាធិការនៃសាកលវិទ្យាល័យវេស្ទើន។
ថ្ងៃចន្ទ ទី១៦ ខែមករា ឆ្នាំ២០១២ ម៉ោង ១៧:១៩
រាជធានីភ្នំពេញ ៖ គង់ វ៉ែន មកពីក្លឹបគជសារកីឡា បានយកឈ្នះពិន្ទុពេជ្រ សំពៅ មកពីក្លឹបមជ្ឈមណ្ឌលកីឡានៃកងយោធពលខេមរភូមិន្ទ សម្រាប់ការប្រកួតនៅលើសង្វៀន CTN ថ្ងៃអាទិត្យ ទី១៥ មករា កន្លងមកនេះ ។ ការជួបគ្នារវាងអ្នកប្រដាល់ជើងថ្មីមួយគូនេះបានធ្វើឱ្យកក្រើកសង្វៀន CTN ព្រោះថា ទាំងសងខាងបានបញ្ចេញក្បាច់ប្រយុទ្ធវាយសម្រុករកគ្នាយ៉ាងសាហាវបំផុត ។
ថ្ងៃអាទិត្យ ទី១៥ ខែមករា ឆ្នាំ២០១២ ម៉ោង ១៧:៤៤
ខេត្តព្រះសីហនុ ៖ កាលពីល្ងាចថ្ងៃទី១០ មករា២០១២ នៅទីលានបាល់ទាត់វិទ្យាល័យហ៊ុន សែនវាលរេញ បានធ្វើពិធីបិទការប្រកួតបាល់ទាត់យុវជនអបអរខួបអនុស្សាវរីយ៍លើកទី៣៣ទិវាជ័យជំនះ៧មករា ដែលរៀបចំឡើងដោយសាលាស្រុកព្រៃនប់និងការិយាល័យអប់រំស្រុក ក្រោមការអញ្ជើញចូលរួមពីលោកទិត វុទ្ធី អភិបាលស្រុកព្រៃនប់ លោកវ៉ាន់ ឈួន អនុប្រធានមន្ទីរអប់រំខេត្ត លោកប្រធាន អនុប្រធាន ការិយាល័យអប់រំស្រុក លោកគ្រូ អ្នកគ្រូ សិស្សានុសិស្ស សប្បុរសជន
ថ្ងៃអាទិត្យ ទី១៥ ខែមករា ឆ្នាំ២០១២ ម៉ោង ១៧:៣៨
រាជធានីភ្នំពេញ ៖ ការប្រកួតបាល់ទាត់ជាលក្ខណៈមិត្តភាពអន្តរជាតិនៅទីលានពហុកីឡដា្ឋនជាតិរវាងក្រុមបាល់ទាត់ជម្រើសជាតិកម្ពុជា និងក្រុមជម្រើសជាតិម៉ាឡេស៊ី កាលពីរសៀលថ្ងៃសៅរ៍ ទី១៤ មករា កន្លងមកនេះ ក្រុមម្ចាស់ផ្ទះចាញ់ក្រុមម៉ាឡេស៊ី ១-០ ។ ការជួបគ្នារវាងក្រុមទាំង២ ខាងលើនេះ គឺជាការកម្តៅសាច់ដុំត្រៀមចូលរួមប្រកួតក្នុងវគ្គជម្រុះ AFF SUZUKI CUP 2012
ថ្ងៃអាទិត្យ ទី១៥ ខែមករា ឆ្នាំ២០១២ ម៉ោង ១៧:៣១
រាជធានីភ្នំពេញ ៖ នៅលើសង្វៀនស្ថានីយទូរទស្សន៍ប៉ុស្តិ៍លេខ៣ កាលពីថ្ងៃសៅរ៍ទី១៤ មករា កន្លងមកនេះ ព្រំ សំណាង មកពីក្លឹបកងទ័ពឆត្រយោង៩១១ បានប្រើស្នៀតកណ្តាប់ដៃវាយផ្តួលវ៉ោយ សុធន់ អ្នកប្រដាល់ចាស់វស្សា មកពីក្លឹបរាជសីហ៍ខេត្តបន្ទាយមានជ័យ ឱ្យចាញ់សន្លប់នៅមុនស្នូរជួងបញ្ចប់ទឹកទី៥ ។ សំណាង បើទោះជាគេទើបតែលេចមុខនៅលើសង្វៀនមិនយូរប៉ុន្មានក៏ដោយ ប៉ុន្តែសម្រាប់ការប្រកួតលើកនេះគឺគេមិនបានចាញ់សម្លុតសុធន់បន្តិចណាឡើយ ។
ថ្ងៃសុក្រ ទី១៣ ខែមករា ឆ្នាំ២០១២ ម៉ោង ១៧:២១
រាជធានីភ្នំពេញ ៖ នៅសាលប្រជុំនាយកដ្ឋានហិរញ្ញវត្ថុក្រសួងការពារជាតិកាលពីថ្ងៃព្រហស្បតិ៍ ទី១២ មករា ឆ្នាំ២០១២ សហព័ន្ធកីឡាវាយសីកម្ពុជាបានបើកកិច្ចប្រជុំរបស់ខ្លួនមួយស្តីពីការងារបូកសរុបវាយតម្លៃរបស់កីឡាវាយសីក្នុងឆ្នាំ២០១១ និងទិសដៅ២០១២ដោយមានការអញ្ជើញចូលរួមជាអធិបតីពីលោកឧត្តមសេនីយ៍ឯកលី កុសល ប្រធានសហព័ន្ធកីឡាវាយសីកម្ពុជា។
ថ្ងៃសុក្រ ទី១៣ ខែមករា ឆ្នាំ២០១២ ម៉ោង ១៧:១៥
រាជធានីភ្នំពេញ ៖ បន្ទាប់ពីដណ្តើមបានតំណែងជាម្ចាស់ជើងឯកពានរង្វាន់បាល់ទាត់ក្របខណ្ឌនិស្សិតឧត្តមសិក្សា និងមធ្យមសិក្សាបច្ចេកទេសឆ្នាំសិក្សា២០១០-២០១១ កន្លងមកនេះក្រុមបាល់ទាត់សាកលវិទ្យាល័យអាស៊ីអឺរ៉ុបនៅតែបន្តភាពខ្លាំងរបស់ខ្លួនជានិច្ច គឺដណ្តើមបានចំណាត់ថ្នាក់លេខ១ក្នុងពូល ក្នុងការប្រកួតវគ្គជម្រុះវិលជុំដណ្តើមពានរង្វាន់សម្តេចតេជោហ៊ុន សែន CUP 2012 ដែលធ្វើនៅលើទីលានខេត្តសៀមរាប កាលពីថ្ងៃទី១១ មករា មកនេះជាការប្រកួតបញ្ចប់ ក្នុងមណ្ឌលសៀមរាប ។
ថ្ងៃសុក្រ ទី១៣ ខែមករា ឆ្នាំ២០១២ ម៉ោង ១៧:១០
រាជធានីភ្នំពេញ ៖ ជាម អាដាំ មកពីក្លឹបឃ្លាំងមឿងកីឡា និងហ៊ីម សារ៉ាន់ មកពីក្លឹបកីឡាប្រដាល់ក្រសួងការពារជាតិនឹងជួបគ្នានៅលើសង្វៀន CTN ថ្ងៃអាទិត្យ ទី១៥ មករា ខាងមុខនេះ ខណៈផន ប៊ុនម៉ៅ មកពីក្លឹបបុរីរាជសីហ៍មានឫទ្ធិ ឡើងសាកកម្លាំងជាមួយឃឹម ពេជ្រចិន្តា មកពីក្លឹបបុរីនាគរាជ ។ ចាំមើលមើល៍ តើអ្នកណាខ្លាំងជាង ។ ម្ចាស់ជើងឯកគុនខ្មែរវគ្គ១ជាម អាដាំ មួយរយៈមកនេះយីអ៊ុនរបស់គេឡើងខ្ពស់គួរសមប្រកួតមិនសូវដែលចាញ់ឡើយ ។