ព្រឹត្ដិការណ៏អន្តរជាតិ
ថ្ងៃពុធ ទី១ ខែកុម្ភៈ ឆ្នាំ២០១២ ម៉ោង ១៣:២៧
ស្ថានទូតចិនរាយការណ៍ប្រាប់ទីភ្នាក់ងារសារព័ត៌មានចិនស៊ីនហួថា ជនជាតិចិនប្រមាណជា២០នាក់ ដែលធ្វើការក្នុងរោងចក្រស៊ីម៉ង់ត៍មួយក្នុងប្រទេសអេហ្ស៊ីបត្រូវបានចាប់ជាចំណាប់ខ្មាំងដោយប្រជាជនមូលដ្ឋានក្នុងទីក្រុង ARISH ភាគខាងជើងតំបន់ស៊ីណៃ។ អ្នកទទួលខុសត្រូវម្នាក់នៃស្ថានទូតចិនប្រចាំប្រទេសអេហ្ស៊ីបរាយការណ៍ថា និយោជិតចិនទាំងនេះកំពុងធ្វើដំណើរទៅកាន់រោងចក្រពួកគេតាមរថយន្តបឺសមួយគ្រឿងត្រូវប្រជាជនមូលដ្ឋានមួយក្រុមស្ទាក់ចាប់ បន្ទាប់មកនាំទៅកាន់តង់មួយ ដែលនៅក្បែរ។
ថ្ងៃពុធ ទី១ ខែកុម្ភៈ ឆ្នាំ២០១២ ម៉ោង ១៣:២៤
ស្នងការជាន់ខ្ពស់ អ.ស.ប ទទួលបន្ទុកខាងជនភៀសខ្លួន HCR រាយការណ៍កាលពីថ្ងៃទី៣១ មករា ថា ជនអន្តោប្រវេសន៍អាហ្វ្រិកជាង១.៥០០នាក់ ជាចំនួនយ៉ាងច្រើនមួយបានស្លាប់ក្នុងឆ្នាំ២០១១ ពេលពួកគេប៉ុនប៉ងធ្វើដំណើរផ្សងព្រេងកាត់សមុទ្រមកកាន់អឺរ៉ុប។ HCR បន្តទៀតថា មនុស្សជាង៥៨.០០០នាក់ ដែលជាចំនួនយ៉ាងច្រើនបំផុតដែរអាចឆ្លងកាត់សមុទ្រមេឌីទែររ៉ាណេ មកដល់អឺរ៉ុប ក្នុងឆ្នាំ២០១១ ជារឿយៗតាមទូក ។
ថ្ងៃពុធ ទី១ ខែកុម្ភៈ ឆ្នាំ២០១២ ម៉ោង ១០:០៣
អ្នកការទូតចិនម្នាក់អះអាងប្រាប់ទីភ្នាក់ងារព័ត៌មានចិនស៊ីនហួថា អ្នកទេសចរចិន១៥នាក់បានត្រូវរបួស ក្នុងនោះ៤នាក់របួសធ្ងន់ ក្នុងគ្រោះថ្នាក់រថយន្តបឺសមួយដែលកើតមានកាលពីថ្ងៃទី៣១ មករា នៅប្រទេសថៃ។ លោក GAO ZHENTING អគ្គកុងស៊ុលនៃស្ថានទូតចិនប្រចាំប្រទេសថៃឱ្យដឹងថា រថយន្តបឺសនេះដឹកអ្នកទេសចរចិន១៧នាក់ និងមគ្គុទេសក៍ម្នាក់មកពីទីក្រុងសេនហ្សេន ជាទីក្រុងមួយនៅភាគខាងត្បូងចិន បានចាកចេញពីទីក្រុងប៉ាតាយ៉ា សំដៅទៅកាន់ទីក្រុងបាងកក ។
ថ្ងៃពុធ ទី១ ខែកុម្ភៈ ឆ្នាំ២០១២ ម៉ោង ១០:០០
ក្រុមហ៊ុនផលិតយន្តហោះបារាំង DAS-SUALT ទទួលបានកុងត្រាពីឥណ្ឌាទិញយន្តហោះប្រដេញធុន RAFALE ដល់ទៅ១២៦គ្រឿង។ នេះជាការអះអាងកាលពីថ្ងៃទី៣១ មករា របស់រដ្ឋលេខាធិការបារាំងទទួលបន្ទុកខាងពាណិជ្ជកម្មក្រៅប្រទេសលោក PIERRE LELLOUCHE ។ តាមវិទ្យុបារាំងមួយ លោក LEL-LOUCHE បានអះអាងពីរឿងនេះដែលលាតត្រដាងក្នុងថ្ងៃតែមួយដោយទីភ្នាក់ងារព័ត៌មានឥណ្ឌា PTI ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:២៤
ផលិតផលឧស្សាហកម្មជប៉ុនធ្លាក់ចុះ៣,៥ភាគរយក្នុងឆ្នាំ២០១១ បន្ទាប់ពីមានគ្រោះរញ្ជួយដី និងស៊ូណាមី បណ្តាឲ្យរាំងស្ទះដល់សង្វាក់ផ្គត់ផ្គង់រំខានដល់ការផលិតរបស់រោងចក្រ ។ នេះបើតាមទិន្នន័យបង្ហាញដោយរដ្ឋាភិបាលនៅថ្ងៃអង្គារទី៣១ មករា ។ អ្នកចែកចាយសំខាន់ដែលធ្លាក់ចុះនោះគឺ សម្ភារទូរគមនាគមន៍ ធ្លាក់ចុះ២២,៨ភាគរយ រថយន្តនិងសម្ភារដឹកជញ្ជូនផ្សេងៗធ្លាក់ចុះ៩,៩ភាគរយ ចំណែកសម្ភារអគ្គិសនីធ្លាក់ចុះ៩,៤ភាគរយ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:២២
ក្រសួងដឹកជញ្ជូនវៀតណាមបានកំណត់គោលដៅបញ្ចប់គម្រោងធំៗជាង៣០ក្នុងឆ្នាំនេះ ដើម្បីជា បង្គោលនៃការអភិវឌ្ឍហេដ្ឋារចនាសម្ព័ន្ធដឹកជញ្ជូន ។ កាលពីឆ្នាំមុន មានគម្រោងរាប់រយត្រូវបានពន្យារដោយសារគោលនយោបាយកាត់បន្ថយការវិនិយោគសាធារណៈរបស់រដ្ឋាភិបាល ។ គម្រោងទាំងនោះរួមមាន ការកសាងបណ្តាញផ្លូវទៅកាន់តំបន់បេតិកភណ្ឌវប្បធម៌ Phong Nha-Ke bang និងព្រលានយន្តហោះKhe Gat នៅកណ្តាលខេត្ត Quang Binh សាងសង់ស្ពាន Ngoc Thap
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:១៦
ការលក់មាសនារដូវបុណ្យចូលឆ្នាំថ្មីចិនមានការកើនឡើងយ៉ាងខ្លាំងនៅប្រទេសចិនដែលបង្ហាញពីទំនុកចិត្តរបស់បណ្តាអ្នកប្រើប្រាស់មាស ខណៈដែលតម្លៃមាសមាននិន្នាការកើនឡើងក្នុងឆ្នាំ២០១២ ។ នេះជាការអះអាងរបស់អ្នកជំនាញការម្នាក់កាលពីថ្ងៃទី២៨ មករា កន្លងមកនេះ ។ ការជូនជាកាដូនូវគ្រឿងអលង្ការធ្វើពីមាស គឺជាទម្លាប់មួយដែលពេញនិយមបំផុតនៅចិន ពិសេសក្នុងពេលឈប់សម្រាកឱកាសបុណ្យចូលឆ្នាំថ្មី ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:១២
ក្មេងប្រុសម្នាក់បានទូរស័ព្ទមកកាន់លេខ៩១១ ជាលេខសង្គ្រោះបន្ទាន់នៅសហរដ្ឋអាមេរិក ដោយសារមិនដឹងថា ម្តាយរបស់វានៅឯណា ។ ទីបំផុតស្ត្រីជាម្តាយរស់នៅក្នុងទីក្រុងញូវយ៉ក បានចូលដេកគុក បន្ទាប់ពីទុកកូនប្រុសអាយុ៥ឆ្នាំ ឱ្យនៅតែឯកឯងក្នុងពេលខ្លួនទៅលេងល្បែងក្នុងកាស៊ីណូ ។ លោកស្រី Xiao Xu Wu វ័យ៣៨ឆ្នាំ បានទុកកូនប្រុសរបស់គាត់ក្នុងបន្ទប់សណ្ឋាគារពេល ដែលគាត់ចេញទៅលេងល្បែងក្នុងកាស៊ីណូMohegan Sun ។ នេះបើតាមសារព័ត៌មានHartford Courant ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:០៩
សមាជិកក្រុមគ្រួសារអាហ្វហ្គានីស្ថានអន្តោប្រវេសន៍៣នាក់ ត្រូវគេរកឃើញថា មានពិរុទ្ធភាពលើករណីមនុស្សឃាតកម្រិតទីមួយ កាលពីថ្ងៃអាទិត្យ ហើយវាបានក្លាយជាការសម្លាប់ មនុស្សដ៏សាហាវបំផុតក្នុងប្រទេសកាណាដា ។ លោក Mohammad Shafia វ័យ៥៨ឆ្នាំ និងភរិយាទីពីររបស់គាត់ Tooba Mohammad Yahya បានក្លាយជាទណ្ឌិតរួមជាមួយកូនប្រុស វ័យ២១ឆ្នាំ ដោយសារការសម្លាប់កូនស្រីទាំងបីនាក់ក្នុងក្រុមគ្រួសារ និងភរិយាទីមួយរបស់លោក Shafia ដោយជ្រមុជទឹកសម្លាប់ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:០៦
ប្រធានាធិបតីអាមេរិក លោកបារ៉ាក់ អូបាម៉ា បានទទួលស្គាល់កាលពីថ្ងៃទី៣០ មករា ថា ប្រទេសរបស់លោកបានធ្វើការវាយប្រហារដោយប្រើយន្តហោះគ្មានមនុស្សបើកប្រឆាំងអាល់កៃដានៅប៉ាគីស្ថានដែលប្រតិបត្តិការទាំងនេះធ្លាប់តែលាក់ដោយក្រុងវ៉ាស៊ីនតោន ដែលមកទល់ពេលនេះ ពុំធ្លាប់ធ្វើការអះអាងជាផ្លូវការឡើយ ។ ពេលសួរលោកលើការប្រើប្រាស់យន្តហោះគ្មានមនុស្សបើកប្រដាប់អាវុធនាឱកាសធ្វើការឆ្លើយឆ្លងគ្នាជាមួយបណ្តាអ្នកលេងអ៊ីនធើរណេតតាមបណ្តាញសង្គម GOOGLE និង YOUTUBE
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៧:០១
ក្មេងប្រុសវ័យ១០ឆ្នាំពីរនាក់ក្នុងទីក្រុងហ៊ូស្តុន កំពុងប្រឈមមុខនឹងការជាប់ពន្ធនាគារ៤០ឆ្នាំពីបទរំលោភសេពសន្ថវៈក្មេងប្រុសដូចគ្នាវ័យ៨ឆ្នាំ លើរថយន្តក្រុងរបស់សាលាក្នុងខែសីហា ។ នេះបើតាមប្រភពព័ត៌មានពីប៉ូលិស ។ វីដេអូសន្តិសុខកាលពីថ្ងៃទី២៥ សីហា ២០១១បានថតជាប់ក្មេងប្រុសពីរនាក់ស្រាតខោរបស់ពួកគេ និងបង្ខំក្មេងប្រុសវ័យ៨ឆ្នាំ ឲ្យសម្តែងសកម្មភាពក្តៅសាច់លើពួកគេទាំងពីរ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៥:៤៣
មន្ត្រីប៉ូលិសកំពុងស្វែងរកចាប់ខ្លួនមនុស្សពីរនាក់ដែលគេជឿថា ជាចោរលួច និងបាញ់បុរស ម្នាក់នៅក្នុងសង្កាត់ Bronx កាលពីវេលាម៉ោងប្រហែល៦និង៣០នាទីថ្ងៃទី១៨ មករា ព្រោះបុរសម្នាក់នោះមិនព្រមប្រគល់ទូរស័ព្ទ Iphone ដ៏មានតម្លៃរបស់គាត់ឱ្យទៅពួកគេ ។ ជនរងគ្រោះវ័យ២៣ឆ្នាំ កំពុងដើរតាមដងផ្លូវ W១៩០ ក្បែរមហាវិថី Grand Ave ជាមួយ មិត្តភក្តិ ភ្លាមនោះជនសង្ស័យក៏ស្ទាក់ពួកគេ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៥:៣៧
ក្រសួងរតនាគារអាមេរិករាយការណ៍កាលពីថ្ងៃទី៣០ មករា ថា រដ្ឋាភិបាលសហព័ន្ធត្រូវខ្ចីប្រាក់៦៤៤ពាន់លានដុល្លារ ពីទីផ្សារដើម្បីយកមកផ្គត់ផ្គង់ខាងហិរញ្ញវត្ថុដល់កិច្ចដំណើរការរបស់ខ្លួននៅឆមាសទីមួយនៃឆ្នាំ២០១២នេះ។ ក្នុងសេចក្តីប្រកាសមួយក្រសួងរតនាគារបញ្ជាក់ថា ក្នុងត្រីមាសទីមួយឆ្នាំ២០១២ រតនាគារគ្រោងបញ្ចេញប្រាក់៤៤៤ពាន់លានដុល្លារជាប្រាក់ឥណទានដែលអាចចរចាបានរួចនាដំណាច់ខែមីនា បញ្ចេញប្រាក់៣០ពាន់លានដុល្លារទៀត។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៥:១៨
អំពើហិង្សាថ្មីៗបណ្តាលឱ្យមនុស្សស្លាប់៥នាក់ នៅភាគខាងជើងនីហ្សេរីយ៉ា ក្នុងនោះ២នាក់ក្នុងការវាយប្រហារ២លើស្នងការដ្ឋានរបស់ប៉ូលិសនៅទីក្រុងកាណូ ជាទីក្រុងដែលរងការវាយប្រហារនាពេលថ្មីៗនេះ ដោយពួកអ៊ិស្លាមរ៉ាឌីកាល់នៃក្រុមបូកូហារ៉ាម ។ ការវាយប្រហារមួយកើតមានកាលពីថ្ងៃទី៣០ មករា នៅក្រុងកាណូជាទីក្រុងធំទី២ របស់ប្រទេសដែលនៅទីនោះពួកអ្នកវាយប្រហារបានបាញ់លើប៉ុស្តិ៍ប៉ូលិសមួយ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៥:១៣
ឯកអគ្គរដ្ឋទូតអាមេរិកប្រចាំ អ.ស.ប លោកស្រីស៊ូសាន រ៉ៃ ថ្លែងកាលពីថ្ងៃទី៣០ មករា ថា រដ្ឋមន្ត្រីការបរទេសអាមេរិកលោកស្រីហ៊ីលឡារីគ្លីនតុន និងអ្នកទទួលខុសត្រូវជាន់ខ្ពស់អាមេរិកដទៃៗទៀតត្រូវចូលរួមនាថ្ងៃទី៣១ មករា ក្នុងកិច្ចប្រជុំរបស់ក្រុមប្រឹក្សាសន្តិសុខ អ.ស.ប ស្តីពីស៊ីរី។ ក្នុងកិច្ចប្រជុំដែលគ្រោងធ្វើនាថ្ងៃទី៣១ មករា ប្រទេសទាំង១៥ជាសមាជិកក្រុមប្រឹក្សា សន្តិសុខ អ.ស.ប ត្រូវពិភាក្សាគ្នាពីវិបត្តិបច្ចុប្បន្ននៅស៊ីរី និងគម្រោងដំណោះស្រាយមួយដែលស្នើដោយគណៈប្រតិភូម៉ារ៉ុក ដើម្បីប្រឈមមុខនឹងសភាពការណ៍ក្នុងប្រទេសនៅមជ្ឈិមបូព៌ានេះ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៣:៤៧
ការប្រយុទ្ធគ្នានៅតាមដងវិថីមានសភាព ខ្លាំងក្លាកាលពីថ្ងៃទី៣០ មករា នៅច្រកចូលទាំងឡាយនៃក្រុងដាម៉ាស់ រដ្ឋធានីស៊ីរី ដែលនៅទីនោះកងទ័ពដណ្តើមត្រួតត្រាបានវិញនូវសង្កាត់មួយចំនួនដែលធ្លាក់ក្នុងកណ្តាប់ដៃពួកបះបោរដែលប្រទូស្តរ៉ាយប្រឆាំងនឹងប្រធានាធិបតី លោកបាចាអាល់អាសាដ ។ សាក្សីទាំងឡាយនិយាយថា កងទ័ពបានត្រួតត្រាវិញលើសង្កាត់ HAMOURIYEH នាជាយក្រុងខាងកើត ដែលនៅទីនោះកងទ័ពបានប្រើរថក្រោះ និងកាំភ្លើងធំដើម្បីរុញច្រានពួកបះបោរដែលអាចលុកចូលដល់ចម្ងាយ៨គីឡូម៉ែត្រពីកណ្តាលក្រុង។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៣:៣១
អយ្យការរដ្ឋ NUEVO LEON ភាគខាងជើងម៉ិចស៊ិកគូសបញ្ជាក់កាលពីថ្ងៃទី៣០ មករា ថា សមាជិកម្នាក់នៃក្រុមរត់ពន្ធគ្រឿងញៀនម៉ិចស៊ិក LOS ZETAS មានឈ្មោះថា ENRI-QUE AURELIO ELIZONDO FLORES ហៅអារ៉ាប់ អាយុ៣៥ឆ្នាំ ទទួលសារភាពថា រូបគេម្នាក់បានសម្លាប់មនុស្សដល់ទៅ៧៥នាក់ ដែលជាគូប្រជែង ប៉ូលិស និងជនស៊ីវិល ពិសេសពួកអ្នកដំណើរដែលរូបគេស្ទាក់ផ្លូវជិះក្នុងរថយន្តបឺស។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១៣:២៨
ប្រធានក្រុមប្រឹក្សាអឺរ៉ុប លោក HERMAN VAN ROMPUY ថ្លែងកាលពីយប់ថ្ងៃទី៣០ មករា ថា ប្រទេស២៥ ជាសមាជិកសហភាពអឺរ៉ុប លើកលែងតែអង់គ្លេស និងសាធារណរដ្ឋឆេក បានអនុម័តសន្ធិសញ្ញាថវិកាថ្មីដែលសំដៅពង្រឹងវិន័យថវិកានៃតំបន់អឺរ៉ូ។ ក្នុងសន្និសីទសារព័ត៌មានមួយធ្វើឡើងក្រោយកិច្ចប្រជុំកំពូលអឺរ៉ុប លោក VAN ROMPUY មានប្រសាសន៍ថា យើងបានទទួលយក ហើយអនុម័តសន្ធិសញ្ញាថវិកានេះជាសន្ធិសញ្ញាស្តីពីស្ថេរភាព និងដើររួមគ្នាទៅរកសហភាពសេដ្ឋកិច្ច និងរូបិយវត្ថុមួយ ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១០:០៦
ម៉ាស៊ីនឃោសនាក្នុងស្រុករាយការណ៍កាលពីថ្ងៃទី៣០ មករា ថា គណបក្សមហាគណបក្សជាតិជាគណបក្សអភិរក្សនិយមកំពុងកាន់អំណាចនៅកូរ៉េខាងត្បូង បានលើកឡើងពីគោលនយោបាយបន្ទន់ជំហរមួយចំពោះកូរ៉េខាងជើង។ យោងតាមទីភ្នាក់ងារព័ត៌មានកូរ៉េខាងត្បូង YONHAP ថា គណបក្សនេះគ្រោងលុបចោលខដែលសន្យាធ្វើការខិតខំប្រឹងប្រែងដើម្បីជំរុញសិទ្ធិមនុស្សនៅកូរ៉េខាងជើង ហើយជួយប្រទេសកុម្មុយនីស្តនេះឱ្យធ្វើការឆ្លងកាត់ប្រជាធិបតេយ្យមួយ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ១០:០៤
និយោជិតចិន៣៤នាក់ កាលពីថ្ងៃទី៣០ មករា បានមកដល់ទីក្រុងខាទុម ក្រោយការវាយប្រហាររបស់ពួកឧទ្ទាមលើជំរំរបស់សហគ្រាសពួកគេដែលទទួលបន្ទុកសាងសង់ផ្លូវថ្នល់ក្នុងរដ្ឋគ័រដូហ្វាន ខាងត្បូងរបស់ស៊ូដង់។ ក្រុមនេះមានជនជាតិចិន១៧នាក់ ដែលធ្វើការក្នុងជំរំមួយជិតទីក្រុងអាល់អាប់បាស៊ីយ៉ា នៅគ័រដូហ្វានខាងត្បូង ដែលរងការវាយប្រហារពីសំណាក់ពួកឧទ្ទាមនៃក្រុម កងទ័ពប្រជាជនរំដោះស៊ូដង់ APLS ចំណែកពលករចិនឯទៀតៗធ្វើការក្នុងជំរំមួយទៀត ។
ថ្ងៃអង្គារ ទី៣១ ខែមករា ឆ្នាំ២០១២ ម៉ោង ០៩:៤៣
អាជ្ញាធររាយការណ៍កាលពីថ្ងៃទី៣០ មករា ថា រលកធាតុអាកាសត្រជាក់ខ្លាំងចាប់តាំងពីប៉ុន្មានថ្ងៃមកហើយ នៅអឺរ៉ុបខាងកើត បណ្តាលឱ្យមនុស្សស្លាប់ជិត៥០នាក់ ។ ក្នុងប្រទេសទាំងឡាយនៅអឺរ៉ុបខាងកើតសីតុណ្ហភាពធ្លាក់ចុះយ៉ាងទាប ហើយនឹងនៅតែបែបនេះនាប៉ុន្មានថ្ងៃខាងមុខទៀត។ នៅប្រទេសប៉ូឡូញដែលសីតុណ្ហភាពធ្លាក់ដល់២៧អង្សាសេ ក្រោមសូន្យនៅភាគអាគ្នេយ៍ប្រទេស មនុស្ស១០នាក់បានត្រូវស្លាប់ដោយត្រជាក់ខ្លាំងពេក កាលពីចុងសប្តាហ៍កន្លងមកនេះ ។
ថ្ងៃចន្ទ ទី៣០ ខែមករា ឆ្នាំ២០១២ ម៉ោង ១៧:៣០
រដ្ឋមន្ត្រីហិរញ្ញវត្ថុកូរ៉េខាងត្បូង លោក BANK JAE WAN ថ្លែងថា ប្រទេសកូរ៉េខាងត្បូងនឹងចាត់វិធានការម៉ឺងម៉ាត់នានាសំដៅប្រឈមមុខនឹងភាពមិនច្បាស់លាស់ទាំងឡាយកើតឡើងទាក់ទិនដល់វិបត្តិបំណុលក្នុងតំបន់អឺរ៉ូ ដល់ការឡើងថ្លៃខ្ពស់នៃវត្ថុធាតុដើម និងកត្តាគ្រោះថ្នាក់ឯទៀតៗ ដែលនឹងអាចប៉ះពាល់ដល់សេដ្ឋកិច្ចរបស់កូរ៉េខាងត្បូងនាឆ្នាំនេះ។ ក្នុងពេលជួបជាមួយបណ្តាអ្នកកាសែតបរទេស នៅកណ្តាលក្រុងសេអ៊ូល រដ្ឋមន្ត្រីរូបនេះអះអាងថា រដ្ឋាភិបាលនឹងចាត់វិធានការម៉ឺងម៉ាត់នានា
ថ្ងៃចន្ទ ទី៣០ ខែមករា ឆ្នាំ២០១២ ម៉ោង ១៦:៣៣
កាសែតជប៉ុន TOKYO SHIMBUN ឱ្យដឹងកាលពីថ្ងៃទី៣០ មករា ថា ចិននឹងផ្តល់ស្បៀង៥០០.០០០តោន និងប្រេងឆៅ២៥០.០០០តោន ឱ្យដល់កូរ៉េខាងជើងក្រោយមរណភាពរបស់អតីតមេដឹកនាំប្រទេសនេះ លោកគីម ជុងអ៊ីល។ កាសែតជប៉ុននេះដែលដកស្រង់ប្រភពព័ត៌មានចិន និងកូរ៉េខាងជើងរាយការណ៍ថា ការសម្រេចចិត្តនេះ ដែលធ្វើក្រោយពីមរណភាពរបស់លោកគីម ជុងអ៊ីល គឺសំដៅឱ្យកូនប្រុសលោកជាមេដឹកនាំថ្មី លោកគីម ជុងអ៊ុន ធ្វើឱ្យប្រទេសមានស្ថេរភាព។
ថ្ងៃចន្ទ ទី៣០ ខែមករា ឆ្នាំ២០១២ ម៉ោង ១៦:១១
សារព័ត៌មានកូរ៉េខាងត្បូងគូសបញ្ជាក់កាលពីថ្ងៃទី៣០ មករា ថា ប្រទេសកូរ៉េខាងជើងកំពុងតែរៀបចំធ្វើព្យុហយាត្រាយោធាដ៏ធំបំផុតមួយពុំធ្លាប់មានពីមុនមក នាដើមឆ្នាំ២០១២ នេះ ដើម្បីរំលឹកដល់ថ្ងៃខួបកំណើតរបស់មេដឹកនាំមុន២រូប ដែលត្រូវជាជីតា និងឪពុករបស់មេដឹកនាំបច្ចុប្បន្នលោកគីម ជុងអ៊ុន។ ទីភ្នាក់ងារព័ត៌មានកូរ៉េខាងត្បូង YONHAP ដែលដកស្រង់សម្តីអ្នកទទួលខុសត្រូវកូរ៉េខាងត្បូងមួយរូប
ថ្ងៃចន្ទ ទី៣០ ខែមករា ឆ្នាំ២០១២ ម៉ោង ១៥:៤១
អាជ្ញាធររាយការណ៍កាលពីថ្ងៃទី២៩ មករា ថា មនុស្សសរុប២២នាក់ ត្រូវបានធ្វើឃាតកាលពីយប់ថ្ងៃទី២៨ មករា នៅភាគខាងជើងម៉ិចស៊ិក ក្នុងនោះ៥នាក់ក្នុងបុណ្យខួបកំណើតរបស់កុមារនៅទីក្រុង TIJUANA ជាប់ព្រំដែនជាមួយសហរដ្ឋអាមេរិក។ អ្នកទោស៤នាក់ត្រូវគេសម្លាប់ក្នុងពន្ធនាគារមួយនៃរដ្ឋ CHIHUAHUA ជារដ្ឋមួយដែលមនុស្ស៨នាក់ត្រូវសម្លាប់ក្នុងក្របខណ្ឌនៃរឿង ដែលទាក់ទិនដល់ឧក្រិដ្ឋកម្មមានការរៀបចំ ហើយមនុស្ស៥នាក់ទៀតត្រូវគ្រាប់ស្លាប់ ពេលមានការវាយប្រហារក្នុងទីក្រុង TORREON ។