ដោយ ៖ សាម៉ន
បណ្តាចុងភៅបានចូលរួមបង្ហាញថ្វីដៃធ្វើម្ហូបអាហារដោយប្រើពង ស្វាសគោជល់ ជ្រូកព្រៃ អូដ្ឋ និងកង់ហ្គារូ នៅក្នុងការប្រកួតចំអិនម្ហូបពីពងសត្វ ដើម្បីប្រជែងយកជើងឯកពិភពលោកប្រចាំឆ្នាំ២០១០ នៅក្នុងភូមិមួយស្ថិតនៅកណ្តាលជ្រលងភ្នំដ៏សែនឆ្ងាយនៃប្រទេស ស៊ែប៊ី ។ អាហារដែលចំអិនពីពងស្វាសសត្វនេះ ភាសារបស់ស៊ែប៊ី ហៅថា «ក្រលៀនស»ដែលគេជឿជាក់ថា សំបូរដោយអ័រម៉ូនភេទឈ្មោល។ បណ្តាមនុស្សនៅតាមតំបន់ភ្នំចាត់ទុកថា ពងស្វាសសត្វជាថ្នាំប៉ូវកំលាំងសំរាប់បុរស ។ >>[អានបន្ត]
ព្រឹត្ដិការណ៏ពិភពលោកសំខាន់ៗ
ថ្ងៃ ច័ន្ទ ទី ២៣ ខែ សីហា ឆ្នាំ ២០១០
ទាហានអាមេរិក៤នាក់ស្លាប់កាលពីថ្ងៃទី២២ សីហា នៅភាគខាងកើត និងភាគខាងត្បូងអាហ្វហ្គានីស្ថាន ចំណែកនៅភាគខាងជើងប្រទេសនេះវិញ អតីតប្រមុខឧទ្ទាមប្រឆាំងសូវៀតម្នាក់បានត្រូវស្លាប់ក្នុងការផ្ទុះ គ្រាប់បែកមួយគ្រាប់ ។ យោងតាមអង្គការអូតង់ថា ក្នុងចំណោមទាហានទាំង៤នាក់នេះ ទាហាន៣នាក់ស្លាប់ក្នុងការវាយប្រហាររបស់ពួកបះបោរ ហើយទាហានទី៤ ស្លាប់ដោយសារការផ្ទុះគ្រាប់បែកច្នៃមួយគ្រាប់ ។ ការស្លាប់ទាហានអាមេរិកទាំង៤នាក់នេះទៀត
ថ្ងៃ ច័ន្ទ ទី ១៩ ខែ កក្កដា ឆ្នាំ ២០១០
យោងតាមរដ្ឋមន្ដ្រីការបរទេសអេស្ប៉ាញ លោកមីហ្គែល អានហ្សែល មូរ៉ាទីណូស ថា អ្នកទោសនយោបាយគុយបា៩នាក់ទៀត ដែលគុយបាដោះលែងនឹងមកដល់ទីក្រុងម៉ាឌ្រីដ តាមយន្ដហោះនាសបា្ដហ៍នេះ រួមជាមួយនឹងសាច់ញាតិរបស់ពួកគេ៥០នាក់ ។ រដ្ឋមន្ដ្រីការបរទេសអេស្ប៉ាញថ្លែងថា ពួកប្រឆាំងដែលទទួលការដោះលែងទាំងនេះត្រូវមកដល់អេស្ប៉ាញនាថ្ងៃ ទី២០ កក្កដា ដោយអ្នកនយោបាយគុយបាទទួលការដោះលែងដែរ១១នាក់មកដល់ទីនោះរួចហើយ។
ថ្ងៃ ព្រហស្បតិ៍ ទី ៨ ខែ កក្កដា ឆ្នាំ ២០១០
កំពូលភេរវករដ៏ល្បីឈ្មោះ ហើយបង្កគ្រោះថ្នាក់បំផុតនៅលើពិភពលោក ត្រូវបានបង្ហាញដោយវ៉េបសាយមួយកាលពីពេលថ្មីៗកន្លងមក ។ កំពូលភេរវករល្បីឈ្មោះទាំងនោះមានចំនួន១០នាក់ ដែលសុទ្ធសឹងតែជាមេដឹកនាំក្រុមបង្កភេរវកម្មនៅប្រទេសនានាលើពិភពលោក ។ កំពូលភេរវករទាំង១០នាក់ នោះមានដូចជា ៖ ១-អូសាម៉ា ប៊ីនឡាដេន ជាមេដឹកនាំក្រុមអាល់កៃដា បច្ចុប្បន្នកំពុងលាក់ខ្លួនយ៉ាងអាថ៌កំបាំងបំផុត ។ អូសាម៉ា ប៊ីនឡាដេន កើតនៅថ្ងៃទី១០ មីនា ឆ្នាំ១៩៥៧ មានដើមកំណើតនៅក្នុងប្រទេសអារ៉ាប៊ី សាអ៊ូឌីត ។
ថ្ងៃ ច័ន្ទ ទី ២៨ ខែ មិថុនា ឆ្នាំ ២០១០
ឆ្នាំ១៩៥០
-ទីក្រុងសេអ៊ូល ត្រូវបានទ័ពកូរ៉េខាងត្បូង ដណ្ដើមបានពីកូរ៉េខាងជើង អំឡុងមានសង្គ្រាមនៅឧបទ្វីបកូរ៉េ ។
ឆ្នាំ១៩៨១
- មានការដាក់គ្រាប់បែកបំផ្ទុះលើទីស្នាក់ការគណបក្សសាធារណរដ្ឋអ៊ិ ស្លាម នៅទីក្រុងតេអេរ៉ង់ របស់ប្រទេសអ៊ឺរ៉ង់អំឡុងមានដំណើរការប្រជុំរបស់មេដឹកនាំក្នុងបក្ស ។ ហេតុការណ៍នោះបានធ្វើឱ្យមន្ដ្រីគណបក្សសាធារណរដ្ឋអ៊ិស្លាម៧៣នាក់ ស្លាប់ ដែលពួកមន្ដ្រីទាំងនោះមកពីអង្គការសាសនាឆ្វេងនិយមដែលមានឈ្មោះថា People’s Mufahedin of lran ។
ឆ្នាំ១៩៩២
-រដ្ឋធម្មនុញនៃប្រទេសអេស្ដូនី ត្រូវបានគេអនុម័ត ។
ឆ្នាំ១៩៩៦
-រដ្ឋធម្មនុញនៃប្រទេសអ៊ុយគ្រែនត្រូវបានគេអនុម័ត ។
ថ្ងៃ អាទិត្យ ទី ២៧ ខែ មិថុនា ឆ្នាំ ២០១០
ឆ្នាំ១៩៩១
-ការប្រយុទ្ធគ្នារវាងកងទ័ពប្រទេសយូហ្គោស្លាវីនិងកងទ័ពប្រទេសស្លូវេនៀដោយមានទាំងកងរថក្រោះ និងយន្ដហោះចំបាំងផង ។
ឆ្នាំ២០០៤
- ភាពយន្ដឯកសារធាហរនេហេិត ៩,១១ ដែលនិយាយរិះគន់ដឹកនាំរបស់លោកប្រធានាធិបតីចចប៊ូស និងសង្គ្រាមប្រឆាំងភេរវកម្មបានបំបែកឯតទគ្គកម្មក្នុងការទទួលបាន ប្រាក់ចំណូលច្រើនបំផុតក្នុងសហរដ្ឋអាមេរិកគឺចំនួន២៣,៩លានដុល្លារ ។
ឆ្នាំ២០០៦
ថ្ងៃ សុក្រ ទី ២៥ ខែ មិថុនា ឆ្នាំ ២០១០
ឆ្នាំ១៩៤៨
-ក្នុងអំឡុងពេលសហភាពសូវៀត និងកងទ័ពសម្ព័ន្ធមិត្ដចូលគ្រប់គ្រងប្រទេសអាល្លឺម៉ង់ក្រោយពី សង្គ្រាមលោកលើកទី២បានបញ្ចប់នោះ សហភាពសូវៀតបានចាប់ផ្ដើមឈប់ផ្ដល់ជំនួយស្បៀងអាហារដល់ប្រជាជនដែលរស់នៅ ក្រៅពីតំបន់គ្រប់គ្រងដោយសហភាពសូវៀតនៅក្នុងទីក្រុងប៊ែរឡាំង ហើយថែមទាំងបានកាត់ផ្ដាច់ការផ្គត់ផ្គង់អគ្គិសនីទៀតផង ។ ការប្រើរោងចក្រអគ្គិសនីសំរាប់ តែលើតំបន់ដែលខ្លួនកាន់កាប់ប៉ុណ្ណោះ តែមិនទាន់កាត់ផ្ដាច់ផ្លូវអាកាសនៅឡើយទេ ។
សូមបញ្ជាក់ថា ទីក្រុងប៊ែរឡាំងស្ថិតក្នុងតំបន់ដែលកាត់ឱ្យសហភាពសូវៀតត្រួតត្រា ដូច្នេះហើយពេលក្រុងប៊ែរឡាំងត្រូវពុះចែកសំរាប់សម្ព័ន្ធមិត្ដ៣ ចំណែកមិនមានផ្លូវចេញក្រៅពីក្រុងទេ ។
ថ្ងៃ ពុធ ទី ២៣ ខែ មិថុនា ឆ្នាំ ២០១០
ឆ្នាំ១៩១៩
សង្គ្រាមចុងក្រោយរំដោះប្រទេសអេស្ដូនី ដែលប្រកបដោយជោគជ័យបានផ្ទុះឡើងនៅទីក្រុងសេស៊ី រវាងទ័ពអេស្ដូនី និងទ័ព រដ្ឋាភិបាលដែលគាំទ្រដោយប្រទេសអាល្លឺម៉ង់។ ថ្ងៃនេះបានក្លាយជាថ្ងៃបុណ្យជ័យជំនះ របស់ប្រទេសអេស្ដូនីដោយពេលនោះទ័ពអេស្ដូនីដែលមានចំនួនប្រហែល ៥.៩៩០នាក់ ទ័ពសេះ១២៥នាក់ កាំភ្លើងធំ៩៨ដើម បានយកឈ្នះនិងវាយបណ្ដេញទ័ពអាល្លឺម៉ង់ដែលមានទ័ពថ្មើរជើងប្រហែលពី ៥.៥០០នាក់ទៅ៦.៣០០នាក់ ទ័ពសេះ៥០០នាក់ទៅ៦០០នាក់ និងកាំភ្លើងធំពី៤២ដើមទៅ៤៨ដើមឱ្យចេញពីប្រទេស ព្រមទាំងបានបង្កើតរដ្ឋាភិបាលដោយយកទីក្រុងរីហ្កាធ្វើជា រដ្ឋធានីនៃប្រទេស ។
ថ្ងៃ អង្គារ ទី ២២ ខែ មិថុនា ឆ្នាំ ២០១០
ឆ្នាំ១៩៤៤
-សហភាពសូវៀតបានចាប់ផ្ដើមប្រតិបត្ដិការបាហ្គ្រេសិន ប្រឆាំងអាល្លឺម៉ង់ ។ ប្រតិបត្ដិការនេះជាពាក្យសំងាត់នៃការបោសសំអាត កងទ័ពអាល្លឺម៉ង់ឱ្យចេញពីតំបន់បេឡូរូសសា និងប្រទេសប៉ូឡូញខាងកើត ។ ទ័ពសូវៀតដែលប្រើក្នុងបេសកកម្មនេះ មានចំនួន ១.២៥៤.៣០០នាក់ រថក្រោះ២.៧១៥គ្រឿង កាំភ្លើងយន្ដ១.៣៥៥ដើម កាំភ្លើង២៤.៣៦៣ដើម យន្ដហោះ៥.៣២៧គ្រឿង ដើម្បីច្បាំងនឹងទ័ពសត្រូវដែលមាន៤៨៦.៤៩៣នាក់ រថក្រោះ១១៨គ្រឿងកាំភ្លើងយន្ដ៣៧៧ដើម កាំភ្លើងធំ២.៥៨៩ដើម និងយន្ដហោះ ចំបាំង៦០២គ្រឿង ។
ថ្ងៃ ច័ន្ទ ទី ២១ ខែ មិថុនា ឆ្នាំ ២០១០
ឆ្នាំ១៩៤៥
-ការច្បាំងគ្នានៅលើកោះអូគីណាវ៉ា ប្រទេសជប៉ុនបានបញ្ចប់ ដោយសហរដ្ឋអាមេរិកបានឱ្យឈ្មោះថា ជាបេសកកម្មអាយប៊ើកលើកោះនេះដែលបានចាប់ផ្ដើមតាំងពីថ្ងៃទី១ មេសា មក ។ នេះជាបេសកកម្មប្រកបដោយជោគជ័យដែលអាមេរិកមានកងទ័ព១៨៣.០០០ នាក់ស្លាប់១២.៥១៣នាក់ របួស៣៨.៩១៦នាក់ និងស្លាប់ក្រោយការប្រយុទ្ធចំនួន៣៣.០៦៩នាក់ ។ ចំណែកកងទ័ពជប៉ុនមានជាង១១០.០០០នាក់ ស្លាប់១១០.០០០ នាក់ ត្រូវចាប់ខ្លួនពី៧.៤០០ទៅ១០.៧៥៥នាក់ ហើយប្រជាជនស៊ីវិលដែលបានស្លាប់មានចំនួនពី៤២.០០០ទៅ១៥០.០០០នាក់ ។
ថ្ងៃ សុក្រ ទី ១១ ខែ មិថុនា ឆ្នាំ ២០១០
ឆ្នាំ១៩៣៨
-មានការប្រយុទ្ធគ្នាដោយកងទ័ពនាវាចរណ៍រវាងប្រទេសចិន និងប្រទេសជប៉ុននៅទីក្រុងវូហាន ដោយសារប្រទេសជប៉ុនរំលោភវាយយកដែនទឹកក្រុងនេះ ។ ទ័ពចិនដែលមានការជួយពីរុស្ស៊ីបានចេញមកការពារមានចំនួន១.១០០.០០០ នាក់ យន្ដហោះ២០០គ្រឿង នាវាចំបាំង៣០គ្រឿង ចំណែកប្រទេសជប៉ុនមានទ័ព៣៥០.០០០នាក់ យន្ដហោះ៥០០គ្រឿង នាវាចំបាំង១២០គ្រឿង ហើយនេះក៏ជាសង្គ្រាមដ៏ធំបំផុតរវាងប្រទេសទាំងពីរ និងមានរយៈពេល៤ខែកន្លះទើបចប់ ។
-កងទ័ពជាតិនិយមចិនបានបង្កើត ជាគ្រោះទឹកជំនន់ទន្លេលឿងដើម្បីទប់ស្កាត់កងទ័ពជប៉ុន ដោយសារចិនទើបតែបាត់បង់ខេត្ដខៃហ្វេង និងខេត្ដហេណានទៅជប៉ុន ហើយ ការធ្វើបែបនេះដើម្បីជាការការពារខេត្ដ
ហ្សេងហ្ស៊ូ ។ ការបង្កើតជាទឹកជំនន់នេះ បណ្ដាលឱ្យស្លាប់ទ័ពជប៉ុនពី៥០០.០០០ទៅ៩០០.០០០នាក់ តែក្នុងនោះរួមជាមួយប្រជាជនស៊ីវិលចិនផងដែរ ។
ថ្ងៃ ព្រហស្បតិ៍ ទី ១០ ខែ មិថុនា ឆ្នាំ ២០១០
ឆ្នាំ១៩៤២
-កងទ័ពណាហ្ស៊ីអាល្លឺម៉ង់ បានដុតភូមិលីឌីសរបស់ប្រទេសឆេកបណ្ដាលឱ្យស្លាប់
មនុស្ស១៩២នាក់ដើម្បីសងសឹក និងការសម្លាប់មន្ដ្រីជាន់ខ្ពស់អាល្លឺម៉ង់ឈ្មោះរ៉េន ហាតហេឌ្រីក ។
ឆ្នាំ១៩៤៤
-ក្នុងអំឡុងមានសង្គ្រាមលោកលើកទី២ អ្នកភូមិអូរ៉ាឌួសៀក្លាន ចំនួន៦៤២នាក់ ក្នុងនោះបុរស១៩០នាក់ស្ដ្រី២៤៧នាក់ ក្មេង២០៥នាក់នៅប្រទេសបារាំងបានត្រូវទ័ពណាហ្ស៊ីអាល្លឺម៉ង់ សម្លាប់ ។
-អ្នកភូមិឌីសតូម៉ូចំនួន២១៨នាក់ក្នុង ខេត្ដអូបេទី ប្រទេសក្រិចត្រូវទ័ពអាល្លឺម៉ង់សម្លាប់ ។
ថ្ងៃ អង្គារ ទី ៨ ខែ មិថុនា ឆ្នាំ ២០១០
ឆ្នាំ១៩៦៦
-យន្ដហោះ XB-70 Valkyrie បានហោះសាកល្បងហើយបុកជាមួយយន្ដហោះប្រដេញ F-104 ដែលហោះតាមថតរូបយន្ដហោះសាកល្បងនេះនៅលើអាកាស ។ យន្ដហោះ XB-70 Valkyrie មានតំលៃ៧៥០លានដុល្លារ។
-ខ្យល់ព្យុះទ័រណាដូ បានបោកបក់កាត់ទីក្រុងតូប៉េកា រដ្ឋកេនសាសបណ្ដាលឱ្យស្លាប់មនុស្ស១៦នាក់ និងរបួសជាច្រើនរយនាក់ ហើយផ្ទះសំបែងជាច្រើនពាន់ខ្នងបានត្រូវបំផ្លាញ ។
ឆ្នាំ១៩៨៤
-ការស្រលាញ់ភេទដូចគ្នាត្រូវបានប្រកាសថាស្របច្បាប់នៅក្នុងរដ្ឋញូវសាវវ៉េល ប្រទេសអូស្ដ្រាលី ។
ថ្ងៃ សុក្រ ទី ៤ ខែ មិថុនា ឆ្នាំ ២០១០
ឆ្នាំ១៩៤២
-ការវាយប្រហាររបស់កងទ័ពនាវាជប៉ុនលើដែនកោះមីដវ៉េ នៅមហាសមុទ្រប៉ាស៊ីហ្វិកបានចាប់ផ្ដើមក្រោមការដឹកនាំរបស់
លោកមេទ័ពជូអ៊ីជីណាហ្គូម៉ា។
ឆ្នាំ១៩៤៣
-មានរដ្ឋប្រហារយោធាក្នុងប្រទេសអាហ្សង់ទីន ដើម្បីទំលាក់ប្រធានាធិបតីទី២៥លោករ៉ាម៉ុនកាស្ទីឡូ ដែលចូលកាន់តំណែងនៅថ្ងៃទី២៥ មិថុនា ឆ្នាំ១៩៤២ ។
ឆ្នាំ១៩៤៤
-ក្នុងអំឡុងមានសង្គ្រាមលោកលើកទី២ នាវាអាមេរិកបានចាប់នាវាមុជទឹករបស់ប្រទេសអាល្លឺម៉ង់ជាលើកទីមួយ ។
-ទីក្រុងរ៉ូមបានធ្លាក់ក្រោមការគ្រប់គ្រងរបស់កងទ័ពសម្ព័ន្ធមិត្ដ ។
ថ្ងៃ ព្រហស្បតិ៍ ទី ៣ ខែ មិថុនា ឆ្នាំ ២០១០
ឆ្នាំ១៩៤០
-កងទ័ពអាកាសអាល្លឺម៉ង់ បានទំលាក់គ្រាប់បែកលើទីក្រុងប៉ារីស ប្រទេសបារាំង ។ ការប្រយុទ្ធគ្នានៅសង្កាត់ដិនគីក ទីក្រុងប៉ារីសរវាងកងទ័ពប្រទេសអាល្លឺម៉ង់ និងកងទ័ពសម្ព័ន្ធមិត្ដមានបារាំង បែលហ្ស៊ិកនិងអង់គ្លេស បានបញ្ចប់ដោយការដកថយរបស់សម្ព័ន្ធមិត្ដ។ ក្នុងការប្រយុទ្ធគ្នានេះកងទ័ពអាល្លឺម៉ង់មានចំនួន៨០០.០០០នាក់ ហើយត្រូវស្លាប់និងរបួស៥២.២៥២នាក់ បាត់ខ្លួន និងត្រូវចាប់ខ្លួនចំនួន៨.៤៦៧។ ចំណែកកងទ័ពសម្ព័ន្ធមិត្ដមាន៤០០.០០០នាក់ ភៀសខ្លួនមុនការប្រយុទ្ធ៣៣៨.២២៦ផ្សេងទៀត ត្រូវស្លាប់និងរបួសចំនួន៣០.០០០នាក់ បាត់ខ្លួន៣៤.០០០នាក់ ។
ឆ្នាំ១៩៤១
-កងទ័ពអាល្លឺម៉ង់បានបន្ដសំលាប់ប្រជាជនក្រិចនៅលើកោះក្រិតក្នុងភូមិកានដានូសស្លាប់១៨០នាក់ ។
ថ្ងៃ ពុធ ទី ២ ខែ មិថុនា ឆ្នាំ ២០១០
ឆ្នាំ១៨៩៦
-លោកហ្គូហ្គី្លអែលម៉ូ ម៉ាក់កូនី បានស្នើ សំរាប់ការរកឃើញឧបករណ៍ដែលលោកទើបតែបង្កើតថ្មីគឺវិទ្យុ ។
ឆ្នាំ១៩០៩
-លោកអាលហ្វ្រេដ ដេឃីង បានក្លាយជានាយករដ្ឋមន្ដ្រីនៃប្រទេសអូស្ដ្រាលីជាលើកទី៣ ។
ឆ្នាំ១៩២៤
- ប្រធានាធិបតីទី៣០អាមេរិក លោកខាលវីន គូលីដ បានចុះហត្ថលេខាលើច្បាប់ដែលឱ្យគ្រប់ជនជាតិដើមអាមេរិក និងកើតនៅលើដែនដីនៃសហរដ្ឋអាមេរិកបានទទួលសញ្ជាតិអាមេរិក ។ ពេលនោះមានមនុស្សពី១២៥.០០០នាក់ទៅ៣០០.០០០នាក់បានទទួលសញ្ជាតិ ។
ឆ្នាំ១៩៤១
-ក្រោយពីបានកាន់កាប់កោះ Crete របស់ក្រិច កងទ័ពឆត្រយោងអាល្លឺម៉ង់បានសម្លាប់ប្រជាជននៅលើកោះក្នុងភូមិកុន ដូម៉ារី បណ្ដាលឱ្យមានមនុស្សស្លាប់៤០០នាក់ ។
ឆ្នាំ១៩៤៦
ថ្ងៃ ច័ន្ទ ទី ៣១ ខែ ឧសភា ឆ្នាំ ២០១០
ឆ្នាំ១៩៧៣
ព្រឹទ្ធសភាសហរដ្ឋអាមេរិកបានបោះឆ្នោតសំរេចកាត់ជំនួយយោធាក្នុងការ ទំលាក់គ្រាប់បែកលើពួកខ្មែរក្រហមនៅប្រទេស កម្ពុជា ។ ការទំលាក់គ្រាប់បែក B52 របស់អាមេរិកមិនអាចរំលត់សង្គ្រាមស៊ីវិលនៅកម្ពុជាបានទេ ហើយ២ឆ្នាំក្រោយមក គឺនៅឆ្នាំ១៩៧៥ កងទ័ពខ្មែរក្រហមបានឈ្នះសង្គ្រាមនេះ។
ឆ្នាំ២០០៣
-លោកប្រធានាធិបតីអាមេរិកហ្ស៊កប៊ូស បានធ្វើដំណើរទស្សនកិច្ចនៅអូសេវីក ដែលជាអតីតជំរំឃុំខ្លួនជនជាតិជ្វីហ្វក្នុងសម័យសង្គ្រាមលោកលើកទី២ ។ លោកគឺជាប្រធានាធិបតីទី២ ហើយដែលបានទៅធ្វើទស្សនកិច្ចនៅទីនោះ បន្ទាប់ពីលោកប្រធានាធិបតីហ្សេ រ៉ាល់ហ្វ័ត នាឆ្នាំ១៩៧៥ ។
ឆ្នាំ២០០៧
-មានទាហាន១០នាក់បានស្លាប់នៅប្រទេសថៃ ដោយសារការវាយប្រហារគ្រាប់ បែកនៅភាគខាងជើងប្រទេសនេះ។
ឆ្នាំ២០០៨
-ប៉ូលិសបង្ក្រាបកុបកម្មថៃ បានមកប្រមូលផ្ដុំគ្នានៅទីក្រុងបាងកកដើម្បីបំបែកបាតុកម្មដឹកនាំដោយ សម្ព័ន្ធភាពប្រជាជន ដើម្បីប្រជាធិបតេយ្យ (PAD) ដែលប្រឆាំង នឹងរដ្ឋាភិបាលលោកសាម៉ាក់ស៊ុនដារ៉ាវ៉េត ។
ឆ្នាំ២០០៩
ថ្ងៃ សុក្រ ទី ២៨ ខែ ឧសភា ឆ្នាំ ២០១០
ឆ្នាំ១៩៨៧
-អ្នកបើកយន្ដហោះអាយុ១៩ឆ្នាំរបស់ប្រទេសអាល្លឺម៉ង់ខាងលិចឈ្មោះ ម៉ាថឺសរ៉ាស បានបើកយន្ដហោះចូលឈ្លានពានដែនអាកាសសហភាពសូវៀតដោយចេញដំណើរពី ប្រទេសហ្វាំងឡង់ និងបានចុះចតនៅកណ្ដាលទីក្រុងម៉ូស្គូចំទីលានក្រហម។ គាត់ត្រូវបានចាប់ខ្លួនឃុំឃាំងភ្លាម និងមិនបានដោះលែងទេរហូតដល់ថ្ងៃទី៣ សីហា ដោយសារមានសន្ធិសញាលុបបំបាត់អាវុធនុយក្លេអ៊ែររយៈចំងាយមធ្យមក្នុង ទ្វីបអឺរ៉ុប។ ក្នុង អំឡុងពេលហោះហើរ គាត់ត្រូវបានកងទ័ព អាកាសរុស្ស៊ីស្ទាក់ជាច្រើនដងតែកងទ័ពអាកាសរុស្ស៊ីមិនបានទទួល ការអនុញាត ឬបញ្ជាឱ្យបាញ់យន្ដហោះគាត់ទំលាក់ទេ ។
ថ្ងៃ ព្រហស្បតិ៍ ទី ២៧ ខែ ឧសភា ឆ្នាំ ២០១០
ឆ្នាំ១៩៤២
ប្រតិបត្ដិការសំងាត់ឈ្មោះអានត្រូប៉ូតដើម្បីធ្វើឃាតមេដឹកនាំកងទ័ពណាហ្ស៊ី Reinhard Heydrich របស់អាល្លឺម៉ង់នៅ ទីក្រុងប្រាគ ប្រទេសឆេកូស្លូវ៉ាគី មិនបានទទួលជោគជ័យទេ ក្នុងពេលដែលគាត់ចេញដំណើរពីផ្ទះទៅកន្លែងធ្វើការនៅម៉ោង១០ និង៣០នាទី ។ Gabcik និង Kubis បានឈរចាំរថយន្ដលោកជិតផ្លូវរថភ្លើងហើយពួកគេក៏បានបើកការ បាញ់ប្រហារលើរថយន្ដរបស់លោក ។ ពេលនោះលោកបានបញ្ជាឱ្យអ្នកបើកបរឈប់ហើយក្រោកឈរឡើងបាញ់លើពួកអ្នក ធ្វើឃាតលោកតែមានគេបោះគ្រាប់បែកប្រឆាំងរថក្រោះទៅកាន់រថយន្ដលោកវិញ ធ្វើឱ្យលោករងរបួសនឹងត្រូវ Gabcikបាញ់ ត្រូវពីរគ្រាប់ ។ បន្ទាប់ពីលើកហេតុការណ៍នោះលោកបានត្រូវនាំទៅមន្ទីរពេទ្យដែលមាន ចំងាយ២,៥គីឡូម៉ែត្រពីកន្លែងកើតហេតុនិងធ្វើការវះកាត់ជាង១ម៉ោង ។
ថ្ងៃ ពុធ ទី ២៦ ខែ ឧសភា ឆ្នាំ ២០១០
ឆ្នាំ២០០៦
-គ្រោះរញ្ជួយដីនៅទីក្រុង Yagyakarta និងកោះជ្វា ប្រទេសឥណ្ឌូណេស៊ីកំរិតពី៤,៦ ទៅ៤,៨រីស្ទ័រ បានបណ្ដាលលឱ្យស្លាប់មនុស្ស ៥.៧៨២នាក់ របួសជាង៣៦.០០០នាក់ ផ្ទះ១៣៥.០០០ខ្នងត្រូវខូចខាត សាលារៀល១៤៨ត្រូវបំផ្លាញ និងសាលារៀន៥៣៧ កន្លែងផ្សេងទៀតត្រូវខូចខាត ហើយមនុស្ស ១,៥លាននាក់បាត់បង់ជំរក ។
ឆ្នាំ២០០៧
-ប្រទេសអាល្លឺម៉ង់ បានប្រារឰពិធីបុណ្យខួបប្រជាធិបតេយ្យជាតិលើកទី១៧៥ ដែលធ្លាប់បានធ្វើតាំងពីឆ្នាំ១៨៣២មក ។
ឆ្នាំ២០០៨
-នយោបាយកូនមួយរបស់ប្រទេសចិន បានត្រូវផ្អាកដោយអនុញាតឱ្យឪពុកម្ដាយ ដែលមានកូនស្លាប់ក្នុងគ្រោះរញ្ជួយដីនៅខេត្ដ ស៊ីឈួន ឆ្នាំ២០០៨ អាចឱ្យមានកូនមួយទៀតបាន ។
ថ្ងៃ អង្គារ ទី ២៥ ខែ ឧសភា ឆ្នាំ ២០១០
ឆ្នាំ១៩៥៣
សហរដ្ឋអាមេរិកបានធ្វើការសាកល្បង លើកទី១ការបាញ់អាវុធនុយក្លេអ៊ែរតាមរយៈកាំភ្លើង នៅទីលានសាកល្បងអាវុធ ណេវ៉ាដា ដែលនៅជិតទីក្រុងឡាសវ៉េហ្គាស ។
ឆ្នាំ១៩៦១
លោកប្រធានាធិបតីអាមេរិក ចនហ្វ្រេង កេណ្ណឺឌី បានប្រកាសមុនកិច្ចប្រជុំពិសេស ជាមួយសភាថា គោលដៅចំបងទី១គឺគ្រោងបញ្ជូនមនុស្សឱ្យទៅដល់ភពព្រះចន្ទឱ្យ បានក្នុងទសវត្សនេះ ។
ថ្ងៃ អាទិត្យ ទី ២៣ ខែ ឧសភា ឆ្នាំ ២០១០
ឆ្នាំ១៩០៦
-អូឡាំពិករដូវក្ដៅឆ្នាំ១៩០៦ ដែលមានប្រទេសចំនួន២០ចូលរួមបានបើកនៅក្នុងទីក្រុងអាថែន ប្រទេសក្រិច តែមិនបានត្រូវ គេទទួលស្គាល់ជាកីឡាអូឡាំពិកផ្លូវការឡើយ។
-បងប្អូនត្រកូលរ៉ៃ ជនជាតិអាមេរិក បានទទួលលេខនៃការបង្កើតថ្មីសំរាប់ការរកឃើញម៉ាស៊ីនយន្ដហោះរបស់ពួក គេ គឺមាន លេខ៨២១៣៩៣។
ថ្ងៃ សុក្រ ទី ២១ ខែ ឧសភា ឆ្នាំ ២០១០
ឆ្នាំ១៩៣៦
-នាងសាដា អាបេ ជនជាតិជប៉ុនវ័យ៣១ឆ្នាំ ត្រូវបានគេចាប់ខ្លួននៅតាមផ្លូវនាទីក្រុងតូក្យូ ដោយសារនាងបានកាត់លិង្គបុរសជាទីស្រលាញ់របស់នាងឈ្មោះគីជីហ្សូ អ៊ីស៊ីដា វ័យ៤២ឆ្នាំ ពេលកំពុងដេកលក់ ។ ពួកគេបានស្គាល់គ្នា និងស្រលាញ់គ្នានាខែមេសា ហើយ នាងអាបេមានការពេញចិត្ដនឹងរឿងលើគ្រែរបស់មិត្ដប្រុសនាងណាស់រហូត ដល់ធ្វើឱ្យ នាងមានអារម្មណ៍ថា បានស្គាល់រសជាតិនៃស្នេហាដំបូងហើយ។ ប៉ុន្ដែក្រោយពីបែកគ្នានាងអាបេគិតតែពីផឹកស្រា ព្រោះថាគូស្នេហ៍នាងនឹងត្រឡប់ទៅរកភរិយាគាត់វិញ ហើយនៅថ្ងៃទី១៨ នាងបានយកខ្សែក្រវាត់រឹត.កលោកអ៊ីស៊ីដា
រហូតស្លាប់ បន្ទាប់មកទើបកាត់យកលិង្ហទុក។ នាងត្រូវបានកាត់ទោសឱ្យជាប់ពន្ធនាគារ៦ឆ្នាំ ហើយរឿងរបស់នាងបានក្លាយជារឿងដែលប្រជាជនជប៉ុនដឹងឮគ្រប់ៗគ្នា ។
ថ្ងៃ ព្រហស្បតិ៍ ទី ២០ ខែ ឧសភា ឆ្នាំ ២០១០
ឆ្នាំ១៩០២
ប្រទេសគុយបា បានទទួលឯករាជ្យភាពចេញពីសហរដ្ឋអាមេរិក ដោយមានលោក ថូម៉ាស អេស្ដាដា ប៉ាលម៉ា ជាប្រធានាធិបតី របស់ប្រទេស ។
ឆ្នាំ១៩២៧
-តាមរយៈសន្ធិសញាជេតដា ដែលឡាយ ព្រះហស្ដលេខាដោយស្ដេចអាប់ឌុល អាហ្ស៊ីស ជាមួយស្ដេចអង់គ្លេសនោះចក្រភពអង់គ្លេសទទួលស្គាល់អធិបតេយ្យភាពនៃ ព្រះរាជាណាចក្រហេចាស និងដែលក្រោយមកបានរួមគ្នាក្លាយជាព្រះរាជាណាចក្រអារាប៊ី សាអ៊ូឌីត ។
ថ្ងៃ អង្គារ ទី ១៨ ខែ ឧសភា ឆ្នាំ ២០១០
ឆ្នាំ១៩៧៤
នៅក្រោមផែនការព្រះពុទ្ធញញឹម ដែលជាពាក្យសំងាត់នៃប្រតិបត្ដិការសាកល្បងអាវុធនុយក្លេអ៊ែរ ប្រទេសឥណ្ឌាបានធ្វើការសាកល្បងអាវុធនុយក្លេអ៊ែរទីមួយដោយជោគជ័យ ហើយបានក្លាយជាប្រទេសទី៦ ដែលមាននុយក្លេអ៊ែរ ។
ឆ្នាំ១៩៨០
មានគ្រោះថ្នាក់ផ្ទុះភ្នំភ្លើងឈ្មោះហេឡាននាទីក្រុងវ៉ាស៊ីនតោន សហរដ្ឋអាមេរិក បណ្ដាលឱ្យស្លាប់មនុស្ស៥៧នាក់ ខូចខាត គិតជាទឹកប្រាក់ប្រហែល៣ពាន់លានដុល្លារ ។