ខេត្តកំពង់ឆ្នាំង ៖ « សម្តីដូចខ្មោច ខ្លាំងដូចស្រមោច ចិត្តដាច់ដូចមនុស្សស្រី » នេះគ្រាន់តែជាពាក្យពីបុរាណតែប៉ុណ្ណោះ ដែលបានឆ្លុះបញ្ចាំងពី វោហារដ៏មានអំណាច ពីកម្លាំងមហាសាមគ្គី និងកម្លាំងចិត្តដ៏មុះមុតរបស់ស្រី្ត ដែលហ៊ានធ្វើអ្វីគ្រប់បែបយ៉ាងដើម្បីមនុស្សដែលខ្លួនស្រឡាញ់ ទាំងចិត្តស្រីមានលក្ខណៈពីធម្មជាតិ និងចិត្តស្រីធ្វើប្រុសស្រឡាញ់ស្រីដូចគ្នា ។ យ៉ាងណាមិញ ស្រ្តីធ្វើប្រុសម្នាក់បានសម្រេចចង.ក សម្លាប់ខ្លួនក៏ព្រោះតែស្នេហាដល់ផ្លូវបំបែក ឬអាចនិយាយបានថា ស្នេហាត្រីកោណ ។
នៅលើតាកត ចេញពីផ្ទះស្លឹកដែលមិនធំប៉ុន្មាន ស្ត្រីឈ្មោះ សេង ផៃ អាយុ២៨ឆ្នាំ មានទីលំនៅភូមិស្វាយចេក ឃុំចោងម៉ោង ស្រុកទឹកផុស ខេត្តកំពង់ឆ្នាំង ជាតួអង្គប្រពន្ឋ បានរៀបរាប់ថា គាត់បានស្គាល់គ្នាជាមួយស្ត្រីឈ្មោះ យ៉េង គន្ធា អាយុ២៨ឆ្នាំ មានទីលំនៅភូមិ-ឃុំជាមួយនាង និងមានភាពស្និទស្នាលនឹងគ្នា កាលពីជាង៥ឆ្នាំមុន ខណៈដែលពួកនាងទាំង២នាក់ ទៅធ្វើជាកម្មករស៊ីឈ្នួលច្រូតស្រូវឱ្យគេនៅខេត្តបាត់ដំបង ។ កាលណោះរូបគាត់គ្រាន់តែស្រឡាញ់រាប់អានជាមិត្តភក្តិធម្មតាទេ ព្រោះអ្នកស្រុកភូមិជាមួយគ្នា ដូចពាក្យស្លោកថា « នៅស្រុកម្តាយទីទៃ នៅព្រៃម្តាយតែមួយ »។ ប៉ុន្តែមិននឹកស្មានថាគាត់ស្រឡាញ់ខ្ញុំ ធ្វើដូចជាប្តីប្រពន្ធឡើយ ។ ថ្ងៃដែលពួកយើងត្រឡប់មកស្រុកភូមិវិញបានជិះឡានជាមួយគ្នា ហើយពេលមកដល់មុខផ្ទះរបស់គាត់ (យ៉េង គន្ឋា) បងប្អូនហៅឱ្យចុះពីឡានមិនចុះឡើយ រហូតមកដល់ផ្ទះខ្ញុំ នាងបានចុះពីឡាន ស្រាប់តែ ឈ្មោះ យ៉េង គន្ឋា ចុះមកតាម ហើយនិយាយថាឱ្យសុំនៅជាមួយផង។ ចាប់តាំងពីពេលនោះមកពួកយើងរស់នៅជាមួយគ្នា ដូចប្តីប្រពន្ធ ដើរទៅណាមកណាជាមួយគ្នា ហូបចុកនិងដេកនៅជាមួយគ្នា គាត់ធ្វើចរិតប្រុសដូចជាប្តី កាប់អុសដងទឹក និងធ្វើកិច្ចការគ្រប់យ៉ាងដូចមនុស្សប្រុស។
ស្ត្រីបន្តថា រយៈពេលជាង៥ឆ្នាំ ដែលពួកយើងរស់នៅជាមួយគ្នា ពីដំបូងឡើយមិនសូវមានផលរមាស់អីនោះទេ តែមួយរយៈចុងក្រោយនោះ គាត់ (ប្តី) បានចាប់ផ្តើមប្រចណ្ឌខ្ញុំខ្លាំងឡើងៗ ឱ្យតែខ្ញុំជជែករកប្រុសណាមិនបានឡើយ គឺដឹងតែពីកើតរឿង ។ នាងជាប្រពន្ធបានសារភាពថា តាមពិតខ្ញុំធុញទ្រាន់គាត់ខ្លះដែរ ខ្ញុំចង់មានសេរីភាពមានប្តីជាសុភាពបុរសតាមធម្មជាតិ មិនចង់រស់ដោយប្រឆាំងនឹងធម្មជាតិបែបនេះឡើយ ។ ថ្ងៃមួយខ្ញុំបានសារភាពប្រាប់គាត់ដោយត្រង់ថា សុំបែកផ្លូវពីគាត់ ស្រាប់តែគាត់ច្រឡោតតូង រករឿងឈ្លោះជាមួយគាត់ ហើយបាននិយាយថា មិនឱ្យនាងមានប្តីថ្មីជាដាច់ខាត ។ ដោយហេតុនេះហើយនាងរស់នៅដូចគ្មានសិទ្ឋិសេរីភាពសោះ ។ ចាប់ពីពេលខ្ញុំបានសុំគាត់បែកផ្លូវគា្នមក គាត់តែងតែប្រចណ្ឌខ្ញុំទ្វេឡើង និងបានរឹតបន្តឹងខ្ញុំតាំងពីការជជែកទូរសព្ទ័ឡើងទៅ គាត់តែងឆែកលេខទូរសព្ទ័របស់ខ្ញុំពេលនិយាយម្តងៗ និងពេលខ្លះគាត់បានបោកទូរសព្ទ័របស់ខ្ញុំក៏មាន ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ