កំសាន្ត
ដោយ ៖ឈិត គឹមឆុន
ថ្ងៃចន្ទ ទី១៧ ខែឧសភា ឆ្នាំ២០១០ ម៉ោង ១៥:៤០
នារីជាមិត្ដសំលាញ់២នាក់ជួបគ្នាដោយ ចៃដន្យៈ
-នែ គំរោងរៀបការរបស់ឯងដល់ណា ហើយ?
-ពួកយើងរំសាយហើយព្រោះមើលឃើញមិនអាចរស់នៅជាមួយគ្នាបាន ។
-ចុះចិញ្ចៀនពេជ្រភ្ជាប់ពាក្យនោះឯងសង ឱ្យគេវិញហើយនៅ?
-គ្នាអត់សងទេ គ្នាគ្រាន់តែអស់មនោសញ្ចេតនាជាមួយគាត់ប៉ុណ្ណោះ ដោយឡែកមនោសញ្ចេតនាជាមួយចិញ្ចៀនពេជ្រនៅ ពេញដដែល៕
ឪពុកសួរកូនប្រុសតូច ៖
-ក្នុងថ្នាក់កូន អ្នកណាខ្ជិលជាងគេ ?
-ខ្ញុំអត់ដឹងទេប៉ា ។
-ប៉ាគិតថា កូនគួរតែដឹង ។ កូននឹកវិញមើល ពេលគេទាំងអស់គ្នាផ្ចិតផ្ចង់សរសេរមេរៀន តើអ្នកណាគិតតែអង្គុយស្ងៀម សំលឹងចេញក្រៅ ។
-អូ ខ្ញុំនឹកឃើញហើយ គឺលោកគ្រូប្រចាំ ថ្នាក់ ៕
អ្នកគ្រូប្រាប់ឪពុករបស់សិស្សម្នាក់
-កូនប្រុសលោកខ្សោយវិជ្ជាភូមិសាស្ដ្រមែនទែន ។
ឮដូច្នេះបុរសនោះសើចសប្បាយ ៖
-កូនខ្ញុំខ្សោយវិជ្ជាភូមិសាស្ដ្រជាការប្រសើរសំរាប់ខ្ញុំ ។ វាមិនអាចរកឃើញលុយខ្ញុំលាក់ទេ ៕
បុរសពីរនាក់រកការងារធ្វើមិនបានក៏អង្គុយពិគ្រោះគ្នា ។ បុរសទីមួយបញ្ចេញយោបល់ ៖
-មើលទៅការងារដែលអាចរកបានសំរាប់ខ្ញុំប្រហែលជាការបង្ហាត់តោ។ ថ្ងៃស្អែកខ្ញុំសាកល្បងទៅរោងសៀកសុំគេបង្ហាត់ តោម្ដងមើលគេប្រកែកឬអត់?
-បងឯងចេះរបៀបបង្ហាត់តោដែរឬ?
-គ្រាន់តែបង្ហាត់តោមានអីពិបាក។
-បើបងឯងនិយាយអ៊ីចឹង ខ្ញុំសុំសួរបន្ដិច។ ពេលសត្វតោហក់មកប្រុងសង្គ្រប់បងឯង តើដោះស្រាយយ៉ាងម៉េចសំរាប់ស្ថានភាពបែប នេះ?
-ខ្ញុំត្រូវយកសាច់មួយដុំធំបោះឱ្យវា។
-ចុះបើវាមិនរវល់នឹងដុំសាច់នោះ ហើយបន្ដសំរុកមកដដែល?
-ខ្ញុំនឹងប្រើរំពាត់ស្បែកវាត់ឱ្យខ្លាំងចូលមុខវា ។
-ចុះបើវាចាប់រំពាត់បាន កញ្ឆក់របូតពីដៃ បងឯង?
-ខ្ញុំនឹងកញ្ឆក់កាំភ្លើងបាញ់វា ។
-ឧបមាពេលនោះស្រាប់តែកាំភ្លើងមិន ផ្ទុះ?
-ខ្ញុំនឹងស្រវាលាមកគប់ដាក់មុខវា។
-ចុះបើក្នុងទ្រុងអត់មានលាមក?
-បងឯងល្ងង់ម្ល៉េះ មនុស្សយើងភ័យពេកមុខជាព្រួសចេញហើយ។ ខ្ញុំក៏អ៊ីចឹងដែរ គ្រាន់តែរបស់ខ្ញុំ...ប្រើមិនអស់ផងទេ៕
