ខេត្តប៉ៃលិន ៖ នៅក្នុងរយៈពេលប៉ុន្មានថ្ងៃកន្លងទៅនេះ គេសង្កេតឃើញប្រជាពលករខ្មែរទាំងស្របច្បាប់និងខុសច្បាប់ ត្រូវបានតម្រួតថៃយករថយន្តដឹកចេញពីប្រទេសរបស់គេ ដោយឆ្លងដែនមកកម្ពុជាវិញ យ៉ាងច្រើនគួរឱ្យកត់សម្គាល់ ជាក់ស្តែងនៅច្រកទ្វារអន្តរជាតិព្រំ ក្នុងភូមិស្ទឹងកាច់ ស្រុកសាលាក្រៅ មានប្រជាពលករខ្មែររាប់រយនាក់ឆ្លងដែនមកខ្មែរវិញយ៉ាង ប្រញាប់ប្រញា
ខេត្តប៉ៃលិន ៖ នៅក្នុងរយៈពេលប៉ុន្មានថ្ងៃកន្លងទៅនេះ គេសង្កេតឃើញប្រជាពលករខ្មែរទាំងស្របច្បាប់និងខុសច្បាប់ ត្រូវបានតម្រួតថៃយករថយន្តដឹកចេញពីប្រទេសរបស់គេ ដោយឆ្លងដែនមកកម្ពុជាវិញ យ៉ាងច្រើនគួរឱ្យកត់សម្គាល់ ជាក់ស្តែងនៅច្រកទ្វារអន្តរជាតិព្រំ ក្នុងភូមិស្ទឹងកាច់ ស្រុកសាលាក្រៅ មានប្រជាពលករខ្មែររាប់រយនាក់ឆ្លងដែនមកខ្មែរវិញយ៉ាង ប្រញាប់ប្រញាល់ និងភ័យរន្ធត់យ៉ាងខ្លាំង ដោយនាំគ្នាចេញមកបន្តបន្ទាប់ កាលពីវេលាម៉ោង១០ និង៣០នាទីព្រឹកថ្ងៃទី១១ ខែមិថុនា ២០១៤ ។
ប្រភព័ត៌មានពីស្រ្តីម្នាក់ ឈ្មោះ ជាម ស្រីពៅ អាយុ៣៥ឆ្នាំ មានប្តី ឈ្មោះ មុំ ធឿន អាយុ៣៦ឆ្នាំ រស់នៅភូមិ ម្រះព្រៅ ឃុំជ្រៃ ស្រុកមោងឫស្សី ខេត្តបាត់ដំបង បានរៀបរាប់ឱ្យដឹងថា គាត់ធ្វើការនៅក្នុងខេត្តរ៉ាក់យ៉ង ជាប់នឹងសមុទ្រថៃ ដោយធ្វើលិខិតឆ្លងដែនទៅធ្វើការនៅទីនោះជាកម្មករសំណង់អស់រយៈពេល៦ខែកន្លងមកហើយ ។ នៅមុនថ្ងៃកើតហេតុ មានទាហានថៃ ជាច្រើននាក់បានចុះទៅឆែកឆេរនៅតាមបន្ទប់ផ្ទះស្នាក់នៅរបស់កម្មករ ដោយយកកាំភ្លើងភ្ជង់ ពួកគាត់ទាំងអស់គ្នា បើសិនជាមានអ្នកណាម្នាក់ហ៊ានរត់គេនឹងបាញ់សម្លាប់យ៉ាងសាហាវព្រៃ ផ្សៃជាទីបំផុត ។ ពេលនោះគាត់នៅក្បែរព្រៃគ្រាន់តែឮសូរសន្ធឹករថយន្ត របស់ទាហានថៃមកដល់ ក៏នាំគ្នារត់ចូលទៅក្នុងព្រៃបាត់ស្រមោល ចំណែកប្តីរបស់គាត់ដែលធ្វើការនៅកន្លែងក្បែរគាត់ក៏រត់គេចខ្លួនចូលក្នុងព្រៃជ្រៅដែរ ហើយពួកគាត់ទាំងពីរនាក់ក៏បានបែកគ្នា ។
គាត់បន្តទៀតថា មូលហេតុដែលទាហានថៃចុះទៅឆែកឆេរនៅតាមបន្ទប់ស្នាក់នៅរបស់ពួកកម្មករខ្មែរនៅប្រទេសថៃ ដោយសារគេចោទថាខ្មែរយើងលាក់អាវុធដើម្បីចូលរួមធ្វើបាតុកម្មជាមួយប្រជាពលរដ្ឋថៃ កាលពី៤ទៅ៥ថ្ងៃមុន ។ ដូច្នេះហើយ ទើបទាហានថៃដើរចូលឆេកឆេរគ្រប់បន្ទាប់ និងគ្រប់ទីកន្លែងទាំងអស់ បើសិនជាចូលទៅក្នុងបន្ទប់ណាមានប្រជាពលរដ្ឋខ្មែរបិទទ្វារជាប់ ពេល ពួកគេគោះមិនព្រមបើក នោះពួកគេបានបាញ់ទំលុះទ្វារ និងសម្លាប់ខ្មែរយើងចោល ដូចជាក្នុង ករណីពីរនាក់ប្តីប្រពន្ធ បានបិទទ្វារបន្ទប់ជាប់ លុះដល់ទាហានថៃទំលុះទ្វារចូលបានក៏បានបាញ់ប្រពន្ធ បណ្តាលឱ្យស្លាប់ ហើយពេលប្តីឃើញប្រពន្ធត្រូវទាហានថៃបាញ់ក៏ស្ទុះទៅឱបក៏ ត្រូវទាហានថៃបាញ់សម្លាប់បន្ថែមទៀត ។ គាត់បានរៀបរាប់ទាំងញ័ររន្ធត់ថា ចំណែកខ្មែរផ្សេង ទៀតចំនួន១៥នាក់ ខណៈដែលទាហានថៃស្រែកឱ្យពួកគេឈប់ ខណៈកំពុងរត់គេចតែដោយ សារមិនព្រមស្តាប់ក៏ត្រូវទាហានថៃបាញ់សម្លាប់ទាំងអស់គ្នា ។ ទាក់ទិនទៅនឹងបញ្ហានេះ ពេល ពួកគេបាញ់សម្លាប់ខ្មែររួចមកក៏អូសសាកសពយកទៅបាត់ស្រមោល មិនដឹងជាយកទៅណា នោះទេ ដោយពួកគេមិនបានបញ្ជូនមកកាន់ប្រទេសខ្មែរនោះឡើយ ។ ចំណែកប្តីរបស់គាត់នៅ ពេលនេះកំពុងតែរត់ចូលទៅក្នុងព្រៃជ្រៅ ហើយយន្តហោះទាហានថៃកំពុងតែដេញឆ្វែលតាម ធ្វើឱ្យគាត់មានការព្រួយបារម្ភយ៉ាងខ្លាំង ដោយគាត់និងបងប្អូនប្រុសស្រីមួយចំនួនទៀតរត់គេចខ្លួនជួលរថយន្តថៃជិះមកស្រុកខ្មែរ ។
ព័ត៌មានលម្អិតនិងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ