លទ្ធផលបាល់ទាត់ Metfone C-League ក្រុមគិរីវង់សុខសែនជ័យ បំបាក់ ព្រែកប្រា ៥-០
ដោយ ៖ឈិត គឹមឆុន
ថ្ងៃអង្គារ ទី១ ខែមិថុនា ឆ្នាំ២០១០ ម៉ោង ១៤:០៨
សំអូន
ការប្រកួតរវាងក្រុមគីរីវង់សុខសែនជ័យជាមួយក្រុមព្រែកប្រាកីឡា
រាជធានីភ្នំពេញ ៖ លទ្ធផលនៃការ ប្រកួតបាល់ទាត់ពានរង្វាន់ Metfone C-League កាលពីថ្ងៃអាទិត្យ ទី៣០ ឧសភា កន្លងទៅនេះ ក្រុមគិរីវង់សុខសែនជ័យ បាន យកឈ្នះក្រុមព្រែកប្រាកីឡាក្នុងលទ្ធផល ៥-០។ ក្រុមព្រែកប្រាទោះបីជាគេបានបង្ហាញ នូវឆន្ទៈនៃការលេងយ៉ាងមោះមុតនៅលើ ទីលានយ៉ាងណាក៏ដោយ ប៉ុន្ដែទីបំផុតនៅតែ មិនអាចប្រៀបផ្ទឹមជាមួយក្រុមគិរីវង់សុខ សែនជ័យបានឡើយ ។ ម្យ៉ាងវិញទៀតត្រូវ ក្រុមគិរីវង់សុខសែនជ័យផ្ដល់មេរៀនយ៉ាង ជូរចត់ទៀតផង ។
ការប្រកួតនៅត្រឹមតង់ទី១ ក្រុមគិរីវង់ សុខសែនជ័យ បាននាំមុខមុនក្នុងលទ្ធផល ៣-០ ។ កីឡាករ ONONIWO JULIUS CHUKWUMA ពាក់អាវលេខ៧ ជាអ្នករក បាន១គ្រាប់នាំមុខមុននៅនាទីទី២០។ ចំណែកកីឡាករអ៊ិន វិច្ឆិកា ពាក់អាវលេខ ១០រកបាន២គ្រាប់បន្ថែមទៀតនៅនាទីទី ៣៥ និង៤០+១ ។ ចូលដល់តង់ទី២ ក្រុម ព្រែកប្រាកីឡា ទោះបីជាបានលេងចាញ់ ៣-០ រួចមកហើយក៏ដោយ ក៏គេនៅតែជំរុញ ការលេងយ៉ាងប្ដូរផ្ដាច់បំផុត គឺមិនខ្វល់ពីការ ចាញ់ឡើយ ។ ក្រុមព្រែកប្រាបានត្រឹមតែ សំរុកប៉ុណ្ណោះ ប៉ុន្ដែពុំមានឱកាសស៊ុតបាល់ បញ្ចូលទីបានសំរេចឡើយ។
ចំណែកក្រុមគិរី វង់សុខសែនជ័យ ដែលកំពុងតែមានប្រៀប យ៉ាងសម្បើមស្រាប់ទៅហើយនោះ គេបាន បន្ដស៊ុតបាល់បញ្ចូលទីខាងក្រុមព្រែកប្រា បាន២គ្រាប់បន្ថែមទៀតទាល់តែបាន ។ កីឡា ករ អ៊ិន វិច្ឆិកា ដដែលរកបាន១គ្រាប់បន្ថែម ទៀតនៅនាទីទី៥២ និងកីឡាករ ONONIWO JULUIS CHUKWUMA ដដែលរកបាន១ គ្រាប់បន្ថែមទៀតនៅនាទីទី៧៨។ បញ្ចប់ការ ប្រកួត៩០នាទីក្រុមគិរីវង់សុខសែនជ័យយកឈ្នះក្រុមព្រែកប្រាកីឡា ៥-០។
យុទ្ធនាការនៃការប្រកួតរវាងក្រុមទាំង២នៅជុំទី១ បានបញ្ចប់នៅត្រឹមថ្ងៃនេះហើយ ។ ក្រុមគីរីវង់សុខសែនជ័យ លេងបាន៩ប្រកួត ឈ្នះ៤ ចាញ់៥ មាន១២ពិន្ទុ ស្ថិតនៅលេខ រៀងទី៦ក្នុងតារាង ។ ចំណែកឯក្រុមព្រែក ប្រាកីឡាវិញ លេងបាន៩ប្រកួតដូចគ្នា ក្នុង នោះឈ្នះ២ ចាញ់៧ មាន៦ពិន្ទុប៉ុណ្ណោះ។
រីឯក្រុមបៀលប្រាយយូណាយធីតវិញ បានយកឈ្នះក្រុមឆ្មាខ្មៅ ៤-១ ។ ពេលនេះ ក្រុមបៀលប្រាយយូណាយធីត មាន២២ពិន្ទុក្នុងចំណោមការប្រកួត៩លើក ឈ្នះ៧ ស្មើ១ ចាញ់១ ស្ថិតនៅលេខរៀងជួរមុខគេជា បណ្ដោះអាសន្នក្នុងតារាងជុំទី១នេះ ប៉ុន្ដែគេ នៅរង់ចាំអ៊ុតមើលក្រុមណាហ្គាខប សិន ។ កាលពីថ្ងៃសៅរ៍កន្លងមក ក្រុមណាហ្គាខប បានប្រកួតឈ្នះក្រុមវត្ដភ្នំ ៣-១ ។ ក្រុម ណាហ្គាខប លេងបាន៨ប្រកួត ឈ្នះ៦ ស្មើ២ មាន២០ពិន្ទុ ស្ថិតនៅលេខរៀងទី២បណ្ដោះ អាសន្ន ព្រោះថា ណាហ្គាខប នៅជួបប្រកួត ជាមួយក្រុមភ្នំពេញក្រោន ១ជើងទៀត ដែល ការប្រកួតរវាងក្រុមទាំង២នេះនឹងធ្វើនៅ ថ្ងៃពុធ ទី២ មិថុនា ខាងមុខនេះ ។
ក្រុមព្រះខ័នរាជ្យ មានសំណាងបន្ដិចវិញ បន្ទាប់ពីប្រកួតឈ្នះក្រុមក្រសួងការពារជាតិ ៣-១ កាលពីថ្ងៃសៅរ៍នោះដែរ ។ ប៉ុន្ដែទោះ ជាយ៉ាងណាក៏មិនអាចឆ្លងផុតពីលេខរៀងទី ៥ក្នុងតារាងបានដែរ ព្រោះថា ក្នុងចំណោម ការប្រកួត៩លើក គេឈ្នះ៥ ស្មើ១ ចាញ់៣ មាន១៦ពិន្ទុ ។ ចំណែកឯក្រុមក្រសួងការពារ ជាតិវិញ ប្រកួតបាន៩លើកដូចគ្នា ឈ្នះ៥ ស្មើ ២ ចាញ់១ មាន១៧ពិន្ទុ នៅពីលើក្រុមព្រះខ័នរាជ្យ៕
