រាជធានីភ្នំពេញ ៖ អភិបាលនៃគណៈអភិបាលរាជធានីភ្នំពេញ លោក ប៉ា សុជាតិវង្ស នៅព្រឹកថ្ងៃទី២៥ មេសា ២០១៤ បានសម្រេចអនុញ្ញាតឲ្យអង្គភាព និងក្រុមហ៊ុនចំនួន៤ សាកល្បងលាបគំនូសចរាចរណ៏នៅតាមស្តុបសំខាន់ៗចំនួន២០ក្នុងរាជធានីភ្នំពេញ មុននឹងជ្រើសរើសចុះកិច្ចសន្យាជាមួយសាលាក្រុងក្នុងការអនុវត្តជួសជុល ឬ លាបគំនូសចរាចរណ៏នៅទូទំាងរាជធានីភ្នំពេញ ។
បើតាមអ្នកឆ្លើយឆ្លងព័ត៌មានកោះសន្តិភាពបានបញ្ជាក់ឲ្យដឹងទៀតថា អង្គភាពនិងក្រុមហ៊ុនចំនួន៤នោះត្រូវចាប់ផ្តើមសាកល្បងពីថ្ងៃសុក្រនេះ ក្នុងនោះរួមមាន ៖មន្ទីរសាធារណការ និង ដឹកជញ្ជូនរាជធានីភ្នំពេញទទួលសាកល្បងលាបគំនូសចរាចណ៏នៅចំណុចភ្លើងស្តុបក្រសួងអប់រំ សណ្ឋាគារស បូកគោ ចំការមន និង ស្តុបអាងទឹកអូរឡំាពិក ។ ក្រុមហ៊ុនតំាងប៉េងប៉ោ ទទួលសាកល្បងលាបគំនូសចរាចរណ៏នៅចំណុចភ្លើងស្តុបច្បារអំពៅ ពេទ្យចិន សន្ឋរម៉ុក ទឹកថ្លា និង ស្តុបស្ពានដែកចំការដូង ។ ក្រុមហ៊ុន AZ ទទួលសាកល្បងលាបគំនូសចរាចរណ៏នៅចំណុចភ្លើងស្តុបក្បាលថ្នល់ សណ្ឋាគារអំាងទែរកុងទីណង់តាល់ ទេពផន ផ្សារសិនជូរី និងស្តុប BKC ។ ក្រុមហ៊ុន Ly Service ទទួលសាកល្បងលាបគំនូសចរាចរណ៏នៅចំណុចភ្លើងស្តុបទួលគោក ណានជីង ទួលទំពូង នាងគង្ហីង និង ស្តុបផ្សារទំនើប BS ៕
ចែករំលែកព័តមាននេះ