រាជធានីភ្នំពេញ ៖ បុរសម្នាក់បើករថយន្តកាម៉ារីបាឡែនមួយគ្រឿង បានជ្រុលចង្កូតទៅបុករះម៉ូតូ០៣គ្រឿងកំពុងតែជិះនៅលើផ្លូវ រួចអូសទៅបុកម៉ូតូកង់បីមួយគ្រឿង និងរថយន្តមួយគ្រឿងដែលចតចោល នៅលើផ្លូវបណ្តាលឱ្យខូចខាតទាំងរថយន្តទាំងម៉ូតូចំណែកមនុស្សរងរបួសស្រាល០៣ ទៅ០៤នាក់ ។ ហេតុការណ៏គ្រោះថ្នាក់ចរាចរណ៏បុករះនេះ កើតឡើងនៅម៉ោង៩និង
រាជធានីភ្នំពេញ ៖ បុរសម្នាក់បើករថយន្តកាម៉ារីបាឡែនមួយគ្រឿង បានជ្រុលចង្កូតទៅបុករះម៉ូតូ០៣គ្រឿងកំពុងតែជិះនៅលើផ្លូវ រួចអូសទៅបុកម៉ូតូកង់បីមួយគ្រឿង និងរថយន្តមួយគ្រឿងដែលចតចោល នៅលើផ្លូវបណ្តាលឱ្យខូចខាតទាំងរថយន្តទាំងម៉ូតូចំណែកមនុស្សរងរបួសស្រាល០៣ ទៅ០៤នាក់ ។ ហេតុការណ៏គ្រោះថ្នាក់ចរាចរណ៏បុករះនេះ កើតឡើងនៅម៉ោង៩និង ៤០នាទីយប់ថ្ងៃទី ២៤ មេសា ២០១៤ នៅចំណុចទល់មុខ ហាងComford តាមបណ្តោយផ្លូវ៣៦០ ស្ថិតក្នុងសង្កាត់ទួលស្វាយព្រៃមួយ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញរថយន្តកាមម៉ារីបាឡែន ពណ៌ស្ករ អត់ស្គាល់ស្លាកលេខ បើកដោយបុរសម្នាក់ធ្វើដណើរតាមផ្លូវ ៣៦០ ស្រាប់តែមកដល់ចំណុចកើតហេតុ រថយន្តក៏បានជ្រុលចង្កូតបុករះម៉ូតូ០៣គ្រឿង កំពុងធ្វើដំណើរ អូសទៅបុករថយន្តមួយគ្រឿងនិងរឺុម៉កម៉ូតូកង់បី បណ្តាលឱ្យខូចខាតទាំងរថយន្តនិងម៉ូតូចំណែកមនុស្សរងរបួសស្រាល០៣ទៅ ០៤នាក់ ។
ម៉ូតូខូចខាតទាំង០៣គ្រឿង រួមមាន៖ ទី១.ម៉ូតូម៉ាកFZ ពណ៌ទឹកក្រូចលាយខ្មៅ ពាក់ស្លាកលេខភ្នំពេញ1BZ-4725 ,ទី២.ម៉ូតូម៉ាកស្កុបពី ពណ៌ស ពាក់ស្លាកលេខ ភ្នំពេញ 1AF-2360 ,ទី៣.ម៉ូតូម៉ាកហុងដាវ៉េវ ពាក់ស្លាកលេខភ្នំពេញ 1BT-2942 រួមជាមួយនិងរថយន្តFord មួយគ្រឿង និងរឺុមម៉ូតូកង់បីមួយគ្រឿងផងដែរ។
ក្រោយពេលកើតហេតុរថយន្តបង្កព្យាយាមបើករត់គេចចូលទៅក្នុងផ្ទះហើយជនរងគ្រោះនិងសមត្ថកិច្ចដេញចាប់រថយន្តបង្ករហូតដល់ផ្ទះ។នៅក្នុងហេតុការណ៏នេះម្ចាស់រថយន្តបង្កបានចេញមុខដោះស្រាយប៉ុន្តែមិនយករថយន្តចេញទេដោយខ្លាចអ្នកកាសែតថតរូប ហើយសមត្ថកិច្ចក៏បានយល់ព្រមតាម ដែលធ្វើឱ្យជនរងគ្រោះទាំងអស់ខឹងសម្បារនិងជេប្រមាថ និងរកវាយសមត្ថកិច្ច ដោយគេគិតថា សមត្ថកិច្ចប្រហែល ជាចូលដៃជើងជាមួយជនបង្ក ហើយ ។
ក្រោយពេលកើតហេតុសមត្ថកិច្ចក៏បាននាំជនរងគ្រោះទាំងអស់រួមជាមួយបុរសដែលបើករថយន្តបង្ក ទៅកាន់ប៉ុស្តិ៍ទួលស្វាយព្រៃទី១ ដើម្បីដោះស្រាយគ្នា ។ ម្ចាស់រថយន្តបង្កសន្យាថានិងចេញសំណងជូនជនរងគ្រោះទាំងអស់។
គួរបញ្ជាក់ផងដែរថា ក្នុងចំណោមជនរងគ្រោះទាំងអស់ សមត្ថកិច្ចបានឃាត់ខ្លួន បុរសម្នាក់ស្រវឹងជោកជាំហើយបានជេប្រមាថនិងដេញវាយសមត្ថកិច្ច។
ចែករំលែកព័តមាននេះ