ខេត្តក្រចេះ ៖ នគរបាលបានចាប់បញ្ជូនខ្លួនជនម្នាក់ទៅសាលាដំបូងខេត្ត នារសៀលថ្ងៃទី២៣ មេសា ពីបទរំលោ.ភសេពសន្ថវៈ ក្រោយជននេះយកពូថៅមកគំរាមកា.ប់សម្លា.ប់ស្ត្រីជាប្រពន្ធរបស់មិត្តភក្តិខ្លួន និងបានចាប់រំលោ.ភរហូតបានសម្រេច រួចជិះម៉ូតូគេចខ្លួនពីការតាមចាប់របស់សមត្ថកិច្ចតែដោយការស្លន់ស្លោ ក៏ដួលម៉ូតូបណ្តាលឱ្យរងរបួសយ៉ាងដំណំ ។
ខេត្តក្រចេះ ៖ នគរបាលបានចាប់បញ្ជូនខ្លួនជនម្នាក់ទៅសាលាដំបូងខេត្ត នារសៀលថ្ងៃទី២៣ មេសា ពីបទរំលោភសេពសន្ថវៈ ក្រោយជននេះយកពូថៅមកគំរាមកាប់សម្លាប់ស្ត្រីជាប្រពន្ធរបស់មិត្តភក្តិខ្លួន និងបានចាប់រំលោភរហូតបានសម្រេច រួចជិះម៉ូតូគេចខ្លួនពីការតាមចាប់របស់សមត្ថកិច្ចតែដោយការស្លន់ស្លោ ក៏ដួលម៉ូតូបណ្តាលឱ្យរងរបួសយ៉ាងដំណំ ។
ជនស្រេកឃ្លានតណ្ហា និងគំរាមសម្លាប់ប្រពន្ធមិត្តភក្តិនេះ ឈ្មោះ នៅ ផល អាយុ២៣ឆ្នាំ មានទីលំនៅភូមិស្រែបេង ឃុំអូរម្រះ ស្រុកសៀមបូក ខេត្តស្ទឹងត្រែង និងធ្វើសកម្មភាពចាប់រំលោភលើស្ត្រីអាយុ៣១ឆ្នាំ ជាប្រពន្ធរបស់មិត្តភក្តិខ្លួន ។ លោកអនុសេនីយ៍ឯក ឈិន សំបូរ អធិការរងស្រុកសំបូរ បានឱ្យដឹងថា ជនម្នាក់នេះត្រូវកម្លាំងនគរបាលចាប់ឃាត់ខ្លួនកាលពីយប់ថ្ងៃទី២១ មេសា នៅខេត្តស្ទឹងត្រែង ។ ការចាប់ខ្លួនជននេះ គឺធ្វើឡើងតាមពាក្យបណ្តឹងរបស់ស្ត្រីរងគ្រោះ ។
ពាក់ព័ន្ធនឹងករណីនេះ សមត្ថកិច្ចនិយាយថា កាលពីថ្ងៃទី២១ មេសា ជនម្នាក់នេះ និងប្តីស្ត្រីរងគ្រោះបានផឹកស្រាជាមួយគ្នាក្នុងភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ ។ ក្រោយពីផឹកស៊ីបានមួយស្របក់ បុរសជាប្តីបានខ្ចីម៉ូតូជនជាប់ចោទ ចេញទៅផ្លូវជាតិដើម្បីដឹកប្រពន្ធទៅចាំជិះរថយន្តតាក់ស៊ី ទៅខេត្តកំពង់ចាម ។ តែជនជាប់ចោទមិនបានឱ្យម៉ូតូខ្ចីទេ ដោយធានាថា ទុកឱ្យគេជាអ្នកជូនទៅ ព្រោះខ្លួនគេត្រូវចេញទៅក្រៅដែរ ។ ប្រភពពីសមត្ថកិច្ចបានឱ្យដឹងទៀតថា បន្ទាប់មកជនសង្ស័យរូបនេះ បានឌុបស្ត្រីជាប្រពន្ធមិត្តភក្តិចេញមកផ្លូវជាតិ ពេលឃើញឱកាសល្អ ជននេះបានជិះម៉ូតូចូលតាមផ្លូវរទេះចម្ងាយជាង១០០ម៉ែត្រ ក៏ឈប់ម៉ូតូហើយយកពូថៅគំរាមសម្លាប់ស្ត្រីរងគ្រោះកុំឱ្យស្រែក និងបានចាប់រំលោភរហូតបានសម្រេច ។
បន្ទាប់ពីធ្វើសកម្មភាពចាប់រំលោភរួច ជននេះបានជិះម៉ូតូរត់គេចមកកាន់ខេត្តស្ទឹងត្រែងវិញ និងបានដួលម៉ូតូបណ្តាលឱ្យរងរបួសធ្ងន់ធ្ងរ ហើយក៏ត្រូវកម្លាំងនគរបាលខេត្តក្រចេះ តាមចាប់ខ្លួនដល់មណ្ឌលសុខភាព ។ នគរបាលព្រហ្មទណ្ឌនិយាយថា ជននេះត្រូវបញ្ជូនខ្លួនទៅកាន់សាលាដំបូងខេត្ត នារសៀលថ្ងៃទី២៣ មេសា ពីបទរំលោភសេពសន្ថវៈ ៕
ចែករំលែកព័តមាននេះ