ក្រុមហ្វាតាហ៍របស់ប្រធានាធិបតីប៉ាឡេស្ទីនលោកម៉ាមូដអាប់បាស់ និងចលនាហាម៉ាស់ ប្រកាសកាលពីថ្ងៃទី២៣ មេសា ពីកិច្ចព្រមព្រៀងបង្រួបបង្រួមគ្នាដោយប្រកាសបញ្ចប់ការបែកបាក់ផ្ទៃក្នុង ។ ការប្រកាសពីកិច្ចព្រមព្រៀងនោះញ៉ាំងឱ្យអីុស្រាអែលបញ្ឈប់ការចរចាសន្ដិភាព ។
ក្រុមហ្វាតាហ៍របស់ប្រធានាធិបតីប៉ាឡេស្ទីនលោកម៉ាមូដអាប់បាស់ និងចលនាហាម៉ាស់ ប្រកាសកាលពីថ្ងៃទី២៣ មេសា ពីកិច្ចព្រមព្រៀងបង្រួបបង្រួមគ្នាដោយប្រកាសបញ្ចប់ការបែកបាក់ផ្ទៃក្នុង ។ ការប្រកាសពីកិច្ចព្រមព្រៀងនោះញ៉ាំងឱ្យអីុស្រាអែលបញ្ឈប់ការចរចាសន្ដិភាព ។
នាយករដ្ឋមន្ដ្រីតំបន់ហ្គាហ្សានិងជាមេដឹកនាំក្រុមហាម៉ាស់លោកអីុស្មាអែល ហានីយេហ៍ ក្នុងសន្និសីទសារព័ត៌មានរួមមួយជាមួយបណ្ដាតំណាងលោកអាប់បាស់ នៅហ្គាហ្សាថ្លែងទៅកាន់ក្រុមអ្នកកាសែតថា ការបែកបាក់គ្នាផ្ទៃក្នុងប៉ាឡេស្ទីនក្លាយជារឿងកន្លងហួសទាំងស្រុង ។ យោងតាមកិច្ចព្រមព្រៀងនេះភាគីទាំង២នឹងចាប់ផ្ដើមពិភាក្សាដើម្បីបង្កើតរដ្ឋាភិបាលរួបរួមមួយរយៈពេល៥សប្ដាហ៍ខាងមុខនេះទៀត ។
កិច្ចព្រមព្រៀងថ្មីនេះជាផ្លែផ្កានៃការចរចាគ្នារយៈពេល២ថ្ងៃ រវាងតំណាងក្រុមហាម៉ាស់និងគណៈប្រតិភូមួយតំណាងឱ្យអង្គការរំដោះជាតិប៉ាឡេស្ទីន OLP ។ កិច្ចព្រមព្រៀងនោះបានបញ្ចប់ការប្រឆាំងគ្នាខាងនយោបាយចាប់តាំងពីខែមិថុនា ឆ្នាំ២០០៧ មក ពេលក្រុមហាម៉ាស់ក្ដាប់អំណាចនៅហ្គាហ្សាដោយកម្ចាត់កងកម្លាំងស្មោះត្រង់នឹងលោកអាប់បាស់ដែលត្រួតត្រាតំបន់ស៊ីសហ្ស៊កដានី ៕
ចែករំលែកព័តមាននេះ