រាជធានីភ្នំពេញ ៖ បុរសអ្នកសុំទានម្នាក់ ត្រូវគេប្រទះឃើញដេកស្លាប់ក្រោមដើមអម្ពិលទឹកអត់មានពាក់អាវ ស្លៀកស្បង់ចីវរ ក្នុងដីឡូត៍មួយស្ថិតក្នុងភូមិឡកំបោរ សង្កាត់ស្វាយប៉ាក ខណ្ឌប្ញស្សីកែវ កាលពីវេលាម៉ោង១និង៣០នាទីរសៀលថ្ងៃទី២៤ មេសា ដោយមានស្នាមឈាមភ្នែក ។
ប្រភពព័ត៌មានឱ្យដឹងថា ជនរងគ្រោះឈ្មោះ ទុន ភាជ ភេទប្រុស អាយុ៤៥ឆ្នាំ ជាអ្នកសុំទាន និងមានជំងឺសរសៃប្រសាទ ស្នាក់នៅក្រោមស្ពានព្រែកព្នៅ តែប្រភពខ្លះដែលស្គាល់ថា ជនរងគ្រោះជាអតីតមន្ត្រីនគរបាលនៅស្រុកពាមជរ៍ ខេត្តព្រៃវែង និងមានស្រុកកំណើតនៅភូមិជ័យឧត្តម ឃុំក្រាំងតាយ៉ង ស្រុកពាមជរ៍ ខេត្តព្រៃវែង ។
បើតាមសាក្សីបានឱ្យដឹងថា មុនពេលកើតហេតុ គេឃើញជនរងគ្រោះចុះងូតទឹក រួចពេលឡើងមកវិញ ស្រាប់តែឃើញប្រកាច់ស្លាប់តែម្តង ។ ពេលនេះសមត្ថកិច្ចកំពុងចុះត្រួតពិនិត្យធ្វើកោសល្យវិច័យ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ