មកដល់ថ្មីទៀតហើយ ខ្សែភាពយន្តថៃដ៏ល្បី ដែលមានចំណងជើងថា សៀវភៅកំណត់ហេតុស្នេហ៏ ឬ The Teacher’s Diary គ្រោងហ្នឹងចាក់បញ្ចាំងក្នុងព្រះរាជាណាចក្រកម្ពុជាយើង ក្នុងពេលខាងមុខនេះហើយ។ សៀវភៅកំណត់ហេតុស្នហ៏ ឬ The Teacher’s Diary គឺជាខ្សែភាពយន្តបែបមនោសញ្ចេតនា ស្នេហារាយលំហ្នឹងភាពកំប្លែងរបស់តួអង្គនីមួយៗ ធានាថា នឹងធ្វើឱ្យទស្សនិកជនទាំងអស់ទប់សំណើចមិនបាន។
ក្នុងខ្សែភាពយន្តនេះផងដែរ ចង់និយាយពីក្នុងឆ្នាំ2012 Song ឈ្មោះពិត (SukritWisetkaew) ជាអតីតអត្តពលិកតស៊ូពុះពារម្នាក់ ដែលបានក្លាយខ្លួនជាគ្រូបង្រៀននៅឯសាលាជនបទមួយ។ សាលានេះ មានត្រឹមតែសិស្សបួននាក់ និងគ្រូម្នាក់ប៉ុណ្ណោះ។ កូនសៀវភៅរបស់អ្នកគ្រូ Ann ឈ្មោះពិត (ChermarnBoonyasak) ដែលជាអតីតគ្រូបង្រៀន ជាសៀវភៅម្យ៉ាងដែលធ្វើឱ្យលោកគ្រូម្នាក់នេះ លាចាកផុតពីភាពឯការ។ សៀវភៅរៀបរាប់ពីសាច់រឿងជាច្រើនរបស់អ្នកគ្រូ Ann ដែលបានបង្រៀននៅសាលានេះ ហើយក៏ធ្វើឱ្យលោកគ្រូម្នាក់នេះ ចាប់ចិត្ត និងមានអារម្មណ៍ចូលចិត្តអ្នកគ្រូ Ann នេះណាស់។ ចងដឹងថា តើហេតុអ្វីបានជាលោកគ្រូ Song ចូលចិត្តអ្នកគ្រូ Ann ខ្លាំងយ៉ាងនេះ ដែរអ្នកទាំង២មិនដែលបានស្គាល់គ្នាផងនោះ ? បើចង់ដឹងឱ្យកាន់តែច្បាស់ មានតែចូលរួមតាមដានទស្សនាទាំងអស់គ្នានៅថ្ងៃទី២៤ ខែមេសា ឆ្នាំ២០១៤ នេះតទៅ នៅរោងភាពយន្ត Legend Cinema ។
ចែករំលែកព័តមាននេះ