រាជធានីភ្នំពេញ ៖ បុរសចំណាស់ម្នាក់បានលែងលះប្រពន្ធ ប៉ុន្តែមិនទាន់ដាច់ស្រេចនៅឡើយ គាត់បែរជាហ៊ាននាំស្រីក្មេងម្នាក់ចូលទៅដេកដល់ក្នុងផ្ទះ ហើយប៉ះចំថ្ងៃស៊យត្រូវស្រ្តីជាប្រពន្ធ ព្រមទាំងកូនស្រីតាមទាន់ក៏បានរករឿងស្រែកឡាំប៉ា ក្លាយជាទំនាស់ឈ្លោះទាស់គ្នាបែកផ្សែងផ្អើលអ្នកជិតខាងទាំងយប់។ហេតុការណ៍នោះបានកើតឡើងកាលពីវេលាម៉ោង៨និង១៥នាទីយប់ថ្ងៃទី២៣ មេសា នៅក្នុងផ្ទះល្វែងមួយកន្លែង ស្ថិតនៅក្នុងក្រុមទី១០ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ ។
បុរសចំណាស់ម្នាក់នោះត្រូវបានគេស្គាល់ឈ្មោះ សៀក ណៃហៀក អាយុ៤៥ឆ្នាំមុខរបរធ្វើស្រែបង្គាមានទីលំនៅខេត្តព្រះសីហនុ ចំណែកប្រពន្ធឈ្មោះ ចក់ ស្រីគង់ អាយុ៤៤ឆ្នាំ មុខរបរដូចគ្នា និងមានកូនកំលោះក្រមុំ៣នាក់នៅក្នុងបន្ទុកគ្រួសារ ប៉ុន្តែពួកគាត់បានលែងលះគ្នាហើយ តែមិនទាន់ដាច់ស្រេចនៅឡើយទេ។
ស្រ្តីជាប្រពន្ធ ប្រាប់ឲ្យសមត្ថកិច្ចប៉ូលិសដឹងថា គាត់និងប្តីរស់នៅមិនចុះសម្រុងនិងគ្នានោះទេ ព្រោះប្ដីរបស់គាត់មួយថ្ងៃៗគិតតែពីផឹកស៊ីស្រីញីអូនបងមិនគិតពីការងាររកស៊ីឡើយ ហេតុនេះហើយទើបធ្វើឲ្យមានភាពរកាំរកូសក្នុងរង្វង់ក្រុមគ្រួសារ និងបានប្តឹងប្តល់គ្នារាប់មិនអស់ រហូតដល់មានការការលែងលះថែមទៀតផង។ ប៉ុន្តែការលែងលះគ្នានោះនៅមិនទាន់ដាច់ស្រេចនៅឡើយហើយក៏មិនទាន់អស់សិទ្ធិជាប្ដីប្រពន្ធដែរ ព្រោះមិនទាន់មានសាលក្រមពីតុលាការនៅឡើយ ដូច្នេះលោកប្ដីមិនអាចធ្វើអ្វីទៅតាមអំពើចិត្តរបស់ខ្លួនបានដែរ ហើយទាំងរូបគាត់និងប្ដីត្រូវតែគោរពសាលក្រមទាំងអស់គ្នាមិនអាចល្មើសបានឡើយ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ