រាជធានីភ្នំពេញ ៖ ខុសពីតារាទាំងពួងដែលមិនព្យាយាមលាក់បាំងក្នុងពេលដែលខ្លួនបានឈានដល់ពិធីភ្ជាប់ពាក្យ ឬមង្គលការនោះ ប៉ុន្តែសម្រាប់តារាចម្រៀងចាស់វស្សាក្នុងផលិតកម្មរស្មីហង្សមាស នាង ពេជ្រ សោភា បែរជារៀបចំពិធីភ្ជាប់ពាក្យយ៉ាងស្ងៀមស្ងាត់ គ្មានអ្នកសារព័ត៌មានណាមួយដឹងលឺទៅវិញ។ ដំណឹងនៃការភ្ជាប់ពាក្យរបស់តារាចម្រៀងស្រីរូបនេះ កន្លងមក ក៏ត្រូវបានសារព័ត៌មាននៅក្នុងស្រុកមួយបានយកមកធ្វើការចុះផ្សាយផងដែរ ប៉ុន្តែការចុះផ្សាយនេះ ត្រូវបាន ពេជ្យ សោភា ធ្វើការប៉ះដិសេធ ក្នុងគោលបំណងធ្វើការលាក់បាំងពីជីវិតឯកជនរបស់នាងពីភ្នែកមហាជន។
ពេជ្រ សោភា បានបដិសេធយ៉ាងដាច់អហង្ការថា នាងពុំបានភ្ជាប់ពាក្យ ភ្ជាប់ស្នេហ៍អ្វីឡើយ ហើយថែមទាំងបានបោះពាក្យសម្ដីដល់អ្នកដែលចូលចិត្តនិយាយពីនាងថា «កុំពូកែនិយាយរឿងគេពេក គិតតែរឿងខ្លួនឯងទៅយកពេលទំនេរ ធ្វើរឿងល្អខ្លះផង» ។ បើទោះបីជាតារាចម្រៀងរូបនេះ បានធ្វើការបដិសេធម្តងជាពីរដងក្តី ប៉ុន្តែការពិតនៅតែមិនអាចលាក់បាំងបាន នៅទីបំផុតរូបភាពនៃពិធីភ្ជាប់ពាក្យរបស់នាងត្រូវបានបែកធ្លាយតាមបណ្តាញសង្គមហ្វេសប៊ុក ជាហេតុនាំឲ្យគេបានលើកឡើងថា ក្នុងនាមជាតារាល្បីឈ្មោះមួយរូប ពេជ្យ សោភា បែរជារៀបចំពិធីភ្ជាប់ពាក្យស្ងាត់ៗ ហើយព្យាយាមលាក់បាំងការពិត។
ជាការកត់សម្គាល់ដំបូងឡើយ ព័ត៌មាននៃការភ្ជាប់ពាក្យរបស់ ពេជ្យ សោភា នោះ មិនត្រូវគេជឿជាក់ទាំងស្រុងឡើយ ដោយសារតែខាងសាមីខ្លួនបានធ្វើការបដិសេធ ហើយករណីដែលនាងពិតជាបានភ្ជាប់ពាក្យមែននោះ គឺប្រាកដជាមិនអាចគេចផុតពីភ្នែករបស់អ្នកសារព័ត៌មានឡើយ។ ប៉ុន្តែនៅពេលនេះ ពិធីភ្ជាប់ពាក្យរបស់ពេជ្យ សោភា ប្រាកដជាបានកើតឡើងមួយរយភាគរយ ក្នុងពេលដែលនាងបានធ្វើការប្រតិកម្មតបជាមួយបណ្តាញសារព័ត៌មាននៅក្នុងស្រុកមួយដែលបានចុះផ្សាយថា នាងមិនបានលួចភ្ជាប់ពាក្យស្ងាត់ៗ និងលាក់បាំងការពិតនោះឡើយ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ