រាជធានីភ្នំពេញ ៖ តារាចម្រៀងដែលទើបតែវិវត្តន៍ខ្លួនជាតារាសម្តែងអ្នកនាងទូច ស្រីលក្ខណ៍ ពេលនេះកំពុងតែពពោះកូនប្រុសលើកដំបូងបាន៦ខែមកហើយ តាំងពីរៀបការជាមួយស្វាមីជាជនជាតិបរទេសអស់ពេលជាង៤ឆ្នាំ។ដើម្បីទទួលបានក្តីសុខក្នុងចំណងស្នេហាទូច ស្រីលក្ខណ៍ បានរំលឹកឡើងវិញខ្លះ នៃរឿងបានជួបស្នេហាមួយនេះជូន
រាជធានីភ្នំពេញ ៖ តារាចម្រៀងដែលទើបតែវិវត្តន៍ខ្លួនជាតារាសម្តែងអ្នកនាងទូច ស្រីលក្ខណ៍ ពេលនេះកំពុងតែពពោះកូនប្រុសលើកដំបូងបាន៦ខែមកហើយ តាំងពីរៀបការជាមួយស្វាមីជាជនជាតិបរទេសអស់ពេលជាង៤ឆ្នាំ។ដើម្បីទទួលបានក្តីសុខក្នុងចំណងស្នេហាទូច ស្រីលក្ខណ៍ បានរំលឹកឡើងវិញខ្លះ នៃរឿងបានជួបស្នេហាមួយនេះជូនមហាជន និងជីវិតក្រោយពេលកូនរបស់នាងបានឃើញពន្លឺថ្ងៃ បន្ទាប់ពីឆ្លងទន្លេរួចដល់អ្នកគាំទ្រនាងបានដឹង
ក្នុងការរំលឹករឿងស្នេហាជាមួយស្វាមីបណ្តូលចិត្តដែលឆ្លងដល់រឿងមានកូនជាចំណងដៃរវាងតារាយេរៗទូច ស្រីលក្ខណ៍ និងស្វាមី កាលពីពេលថ្មីៗនេះ ទូច ស្រីលក្ខណ៍ បានបើកចិត្តយ៉ាងទូលាយនិយាយពីជីវិតស្នេហារបស់ពួកគេទាំង២មុននឹងក្លាយជាប្តីប្រពន្ធគ្នាយ៉ាងល្អូកល្អិននាពេលនេះ។ ស្រីលក្ខណ៍ ដែលពពោះ៦ខែជិតរង់ចាំថ្ងៃឆ្លងទន្លេបានរៀបរាប់ថា ស្វាមីនាងជាមិត្តភក្តិរបស់បងស្រីនាង (អតីតតារាសម្តែងទូច ស្រីនាង) គាត់បានស្គាល់ខ្ញុំពេលជួបជុំជប់លាងខួបកំណើតកូនបងស្រីទូច ស្រីនាង ក៏ចាប់ចិត្តមកលើខ្ញុំ ហើយបានទាក់ទងបងស្រីទូច ស្រីនាង សុំស្គាល់ ដោយចង់បានលេខទូរស័ព្ទនាង តែបងនាងឲ្យទៅសុំខ្លួនឯង។ ដោយសារតែចង់ស្គាល់រាប់អានស្វាមីខ្ញុំបានទៅសុំលេខទូរស័ព្ទ តែខ្ញុំមិនទាន់ដាច់ចិត្តឲ្យទេ ព្រោះមិនដែលស្គាល់ ប៉ុន្តែបានបងស្រីនាងគាត់ជួយនិយាយទើបឲ្យ។លុះយូរទៅចេះតែបាននិយាយទាក់ទងគ្នាពីនេះពីនោះ រហូតឈានដល់សុំស្រលាញ់ ហើយបានចូលស្តីដណ្តឹងដល់ផ្ទះនាងយ៉ាងឆៅៗពីចាស់ទុំ ដែលនេះហើយគាត់ឲ្យតម្លៃនារីខ្មែរទាំងគាត់ជាជនបរទេស តែដឹងពីវប្បធម៌ខ្មែរ ទើបខ្ញុំសម្រេចចិត្ត ព្រោះក្នុងចិត្តពេញចិត្តគាត់ដែរ។ តាំងពីពួកយើងបានចាប់ដៃគូគ្នាជាប្តីប្រពន្ធជាង៤ឆ្នាំ រហូតមានកូននេះ ស្តី្រជាភរិយាសំខាន់ត្រូវទុកចិត្តប្តី ទោះជាយើងប្រចណ្ឌស្រលាញ់ប្តី តែត្រូវតែគិតពិចារណាឲ្យច្បាស់មុនសម្រេចចិត្តរករឿងទ។ សំខាន់ទោះជាយើងមានការងារធ្វើអាចរកលុយបាន តែយើងមិនត្រូវភ្លេចតួនាទីជាមេផ្ទះឡើយ ត្រូវធ្វើម្ហូបបម្រើប្តី ទោះជាឆ្ងាញ់មិនឆ្ងាញ់ត្រូវតែធ្វើ ទោះជាគេថា ស្ត្រីនៅតែចង្រ្កាន្តក៏ដោយ ដាច់ខាតនៅតែគេចមិនរួច ទោះជាយើងមានកិច្ចការផ្ទាល់ខ្លួនក៏ដោយ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ