ប្រធានាធិបតីអាមេរិក លោក បារ៉ាក់ អូបាម៉ា បានមកដល់ប្រទេសជប៉ុន កាលពីថ្ងៃទី២៣ មេសា សម្រាប់ដំណាក់កាលទីមួយនៃដំណើរទស្សនកិច្ចរបស់លោកនៅអាសីុ ។ លោក អូបាម៉ា ត្រូវស្នាក់អាស្រ័យក្នុងប្រទេសជប៉ុនរហូតដល់ថ្ងៃទី២៥ មេសា ហើយត្រូវជួបពិភាក្សាជាមួយនាយករដ្ឋមន្ត្រីជប៉ុនលោកសីុនហ្សូអាបេ ក្នុងការជួបគ្នាកំពូលមួយ ដែលមេដឹកនាំទាំង២ពិភាក្សាពីការចរចាលើការ
ប្រធានាធិបតីអាមេរិក លោក បារ៉ាក់ អូបាម៉ា បានមកដល់ប្រទេសជប៉ុន កាលពីថ្ងៃទី២៣ មេសា សម្រាប់ដំណាក់កាលទីមួយនៃដំណើរទស្សនកិច្ចរបស់លោកនៅអាសីុ ។ លោក អូបាម៉ា ត្រូវស្នាក់អាស្រ័យក្នុងប្រទេសជប៉ុនរហូតដល់ថ្ងៃទី២៥ មេសា ហើយត្រូវជួបពិភាក្សាជាមួយនាយករដ្ឋមន្ត្រីជប៉ុនលោកសីុនហ្សូអាបេ ក្នុងការជួបគ្នាកំពូលមួយ ដែលមេដឹកនាំទាំង២ពិភាក្សាពីការចរចាលើការផ្លាស់ប្តូរសេរីនៃភាពជាដៃគូឆ្លងកាត់ប៉ាសីុហ្វិក TPA ។
ប្រទេសទាំង២មានការខ្វែងគំនិតគ្នា លើរបាំងគយចំពោះបណ្តាផលិតផលកសិកម្មអាមេរិក ។ សហរដ្ឋអាមេរិកបានស្នើដល់ជប៉ុនឱ្យលុបចោលរាល់ពន្ធគយលើការនាំចូលអង្ករ ស្រូវសាលីសាច់គោ ស្ករស និងបណ្តាផលិតផលទឹកដោះគោដែលជប៉ុនចាត់ទុកថាជាទំនិញគន្លឹះដែលត្រូវធ្វើការចរចាគ្នាឱ្យបានឆាប់រហ័ស ។មុនការមកដល់របស់លោកអូបាមា៉ មានសមាជិករដ្ឋាភិបាលជប៉ុន និងសមាជិកសភាជប៉ុនប្រមាណជា១៥០រូប បានទៅកាន់ទីតាំងយា៉ស៊ូគូនី ដ៏ចម្រូងចម្រាស់ ។ ទស្សនកិច្ចនោះរងការរិះគន់របស់សហរដ្ឋអាមេរិកដែលស្នើដល់សម្ព័ន្ធមិត្តជប៉ុនឱ្យកែលម្អទំនាក់ទំនងជាមួយបណ្តាប្រទេសជិតខាង ។
ជាច្រើនលើកលោក សីុនហ្សូ អាបេ ឱ្យដឹងថា លោកចង់បង្ហាញដល់ពិភពលោកពីសាមគ្គីភាពនៃសម្ព័ន្ធភាពជប៉ុន-អាមេរិក ក្នុងឱកាសនៃទស្សនកិច្ចរបស់លោកអូបាម៉ា ។ ដំណើរទស្សនកិច្ចនៅអាសីុរបស់លោក អូបាម៉ា បន្ទាប់ពីប្រទេសជប៉ុននឹងនាំលោកទៅកាន់កូរ៉េខាងត្បូង ម៉ាឡេសីុ និងហ្វ៊ីលីពីនទៀត ៕
ចែករំលែកព័តមាននេះ