រាជធានីភ្នំពេញ ៖ នៅទីស្តីការក្រសួងមហាផ្ទៃ នាព្រឹកថ្ងៃទី២៤ មេសា ២០១៤ មានរៀបចំពិធីប្រកាសតែងតំាងមុខតំណែងជាផ្លូវការអគ្គនាយកនៃអគ្គនាយកដ្ឋានអន្តោប្រវេសន៏ អគ្គនាយកនៃអគ្គនាយកដ្ឋានអត្តសញ្ញាកម្ម និង ប្រធានបណ្ឌិតសភានគរបាលកម្ពុជា ក្រោមអធិបតីភាពលោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ និងមានការចូលរួមពីថ្នាក់ដឹកនំាក្រសួង ស្ថាប័នពាក់ព័ន្ឋ និងតំណាងអាជ្ញាធរដែនដីជាច្រើនរូបទៀត ។
សូមបញ្ជាក់ផងដែរថា ពិធីនេះបានធ្វើឡើងបន្ទាប់ពី ព្រះករុណា ព្រះបាទ សម្តេចព្រះនរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា បានឡាយព្រះហស្ថលេខាលើព្រះរាជក្រឹត្យតែងតំាង លោកនាយឧត្តមសេនីយ៏ សុខ ផល អត្តលេខ ០០៥១ អគ្គស្នងការរងនគរបាលជាតិ ជាអគ្គនាយកនៃអគ្គនាយកដ្ឋានអន្តោប្រវេសន៏ , លោកនាយឧត្តមសេនីយ៏ ម៉ៅ ច័ន្ទតារា អត្តលេខ ០០២៣ អគ្គស្នងការរងនគរបាលជាតិ ជាអគ្គនាយកនៃអគ្គនាយកដ្ឋានអត្តសញ្ញាណកម្ម ។
នាយឧត្តមសេនីយ៏ទំាងពីររូបខាងលើ ត្រូវបានតែងតំាងតាមព្រះរាជក្រឹត្យលេខ នស/ រកត/ ០៤១៤/ ៤៥៦ ចុះថ្ងៃទី១២ មេសា ២០១៤ ។
ដោយឡែក លោកឧត្តមសេនីយ៏ឯក សេង ផល្លី អត្តលេខ៥៥៤១៤ ត្រូវបានព្រះមហាក្សត្រតែងតំាងជាប្រធានបណ្ឌិតសភានគរបាលកម្ពុជា តាមព្រះរាជក្រឹត្យលេខ នស/ រកត /០៤១៤ /៤១៣ ចុះថ្ងៃទី០៣ មេសា ២០១៤ ជំនួសលោកនាយឧត្តមសេនីយ៏ ម៉ា ឈឿន ដែលបានចូលនិវត្តន៏ ៕
ចែករំលែកព័តមាននេះ