រាជធានីភ្នំពេញ ៖ បុរសម្នាក់បានរើសគ្រាប់ប្រភេទ(១២៥ និង ១៣៥ ) ចំនួន៣គ្រាប់ពីកន្លែងត្រាក់ទ័រឈូសឆាយដី ក្នុងការដ្ឋានសាសាងសង់ផែស្ងួតមួយកន្លែង ហើយលីយកទៅលក់ឱ្យស្តង់អេតចាយ តែម្ចាស់ស្តង់មិនទិញដោយដឹងថាជាគ្រាប់។ ហេតុការណ៏នេះបានបង្កឱ្យមានការភ្ញាក់ផ្អើល កាលពីវេលា ម៉ោង ៦និង៣០នាទីល្ងាច ថ្ងៃទី ២៣ មេសា ២០១៤ នៅចំណុចការដ្ឋានសាងសង់ផែស្ងួត ស្ថិតនៅក្នុងក្រុម១០ ភូមិព្នៅ សង្កាត់សំរោងក្រោម ខណ្ឌសែនសុខ ។
បុរសដែលរើសគ្រាប់ហើយលីទៅលក់ឱ្យអេតចាយនេះមានឈ្មោះ អៀម ធី ភេទ ប្រុស អាយុ៤៨ឆ្នាំ រស់នៅក្នុងភូមិ-ឃុំកើតហេតុ ។
ប្រភពព័ត៌មានបានឱ្យដឹងថា មុនមានការភ្ញាក់ផ្អើល លោក អៀម ធី បានដើរទៅកន្លែងឈូសឆាយ ដីដែលដឹកពីភ្នំត្មាតពង ក្នុងខេត្តកំពង់ស្ពឺ ដើម្បីយកមកសាងសង់ផែរស្ងួត នៅពេលនោះលោក បានឃើញ គ្រាប់ប្រភេទ(១២៥និង១៣៥)ចំនួន០៣គ្រាប់បន្ទាប់ពីគ្រឿងចក្រធ្វើការឈូសឆាយដីរួច ហើយលោក អៀម ធី ក៏រើសគ្រាប់នោះនិងលីសំដៅកន្លែងទិញអេតចាយ ដើម្បីលក់ ប៉ុន្តែម្ចាស់អ្នកទិញអេតចាយមិនទិញទេព្រោះដឹងថា ជាគ្រាប់មីន។ បន្ទាប់មកបុរសនោះបានលីគ្រាប់នោះទៅផ្ទះវិញ ហើយបានរាយការណ៏ទៅ សមត្ថកិច្ច ។
ក្រោយពីសមត្ថកិច្ចបានមកពិនិត្យហើយ សមត្ថកិច្ចក៏បានយកគ្រាប់នោះទៅទុកមួយកន្លែង ដោយគ្របបន្លារពីលើ រងចាំទាក់ទងស៊ីម៉ាក់ មកកំទេចចោល។
ចែករំលែកព័តមាននេះ