រាជធានីភ្នំពេញ ៖ យុវជន០២នាក់របួសធ្ងន់ (ម្នាក់របួសរយះក្បាលផុងលលាដ៍ និងម្នាក់ទៀតរយះក្រោមក្លៀកខាងឆ្វេងប៉ះដល់សួត) ដោយសារជនសង្ស័យកា.ប់ប្រហារដោយដាវសាម៉ារ៉ៃ កាលពីវេលាម៉ោង ៧និង១៥នាទី យប់ថ្ងៃទី២៣ មេសា ២០១៤ នៅចំណុចផ្លូវចូលស្ពាននាគកែងនិងផ្លូវ សុធារស ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
រាជធានីភ្នំពេញ ៖ យុវជន០២នាក់របួសធ្ងន់ (ម្នាក់របួសរយះក្បាលផុងលលាដ៍ និងម្នាក់ទៀតរយះក្រោមក្លៀកខាងឆ្វេងប៉ះដល់សួត) ដោយសារជនសង្ស័យកាប់ប្រហារដោយដាវសាមម៉ូរ៉ៃ កាលពីវេលាម៉ោង ៧និង១៥នាទី យប់ថ្ងៃទី២៣ មេសា ២០១៤ នៅចំណុចផ្លូវចូលស្ពាននាគកែងនិងផ្លូវ សុធារស ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
ជនរងគ្រោះទី១.ឈ្មោះ ធូ ភេទប្រុស អាយុ១៨ឆ្នាំ ជាសិស្ស រស់នៅ សង្កាត់កោះក្របី ខណ្ឌមានជ័យ ចំណែកជនរងគ្រោះទី២.ឈ្មោះ ប៊ុន ភេទ ប្រុស អាយុ១៨ឆ្នាំ ជាសិស្ស រស់នៅសង្កាត់កោះក្របី ខណ្ឌមានជ័យ ។
ប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុគេឃើញជនរងគ្រោះទាំង០២នាក់ជិះម៉ូតូ ស៊ុយស៊ូគីស្មាស ពណ៌ខ្មៅ ពាក់ស្លាកលេខ កណ្តាល1H-5716 និងរួមដំណើរជាមួយមិត្តភក្តិជិះម៉ូតូ០២គ្រឿងទៀត ដោយធ្វើដំណើរតាមផ្លូវសុធារស ហើយម៉ូតូជនរងគ្រោះបានជិះមកដល់ចំណុចកើតហេតុមុនម៉ូតូមិត្តភក្តិ របស់គេ០២គ្រឿងទៀត ស្របពេលនោះក៏មានម៉ូតូយុវជនមួយក្រុមទៀតចំនួន០៦គ្រឿងជិះគ្នាប្រមាណជាង១០នាក់ បានមកដល់ពីក្រោយជនរងគ្រោះ ហើយគេឃើញយុវជនម្នាក់ក្នុងចំណោម យុវជនប្រមាណជាង១០នាក់នោះកាន់ដាវសាមម៉ូរ៉ៃ ចុះពីលើម៉ូតូ ស្ទុះមកកាប់ប្រហារជនរងគ្រោះទាំង០២នាក់ ដោយជនរងគ្រោះជិះពីក្រោយត្រូវបានជនសង្ស័យកាប់ចំក្បាលរយះផុងលលាដ៍ ហើយជនរងគ្រោះជាអ្នកឌុបត្រូវជនសង្ស័យកាប់ចំក្រោមក្លៀកខាងឆ្វេង រយះដល់សួត។
ក្រោយពេលធ្វើសកម្មភាពកាប់ប្រហារជនរងគ្រោះហើយ ក្រុមជនសង្ស័យក៏នាំគ្នាជិះម៉ូតូរត់គេចបាត់ស្រមោលអស់ ចំណែកជនរងគ្រោះត្រូវបាន គេដឹកទៅកាន់គ្លីនិកសុខា នៅពេលដល់គ្លីនិកគ្រូពេទ្យបាន ថត ឆ្លុះ និងពិនិត្យលាងរបួសឱ្យ ហើយបានបញ្ជូនបន្តទៅសង្រ្គោះនៅមន្ទីរពេទ្យកាលម៉ែត្រ ដោយសារតែជនរងគ្រោះទាំង០២នាក់របួសធ្ងន់ធ្ងរ ពេក ។
ចែករំលែកព័តមាននេះ