ខេត្តព្រះសីហនុ ៖ ប្រជាពលរដ្ឋដែលមានលំនៅឋានក្បែរផ្សារស្រុកស្ទឹងហាវ និងអាជីវករលក់ដូរនៅក្នុងផ្សារ បាននាំគ្នាត្អូញត្អែរពីគំនរសំរាមដែលគរស្ទើរក្លាយទៅជាភ្នំនៅខាងមុខផ្សារ ក្រោយពេលចូលឆ្នាំថ្មីរួច ដែលបានចោលក្លិនស្អុយអាសោចន៍ធ្វើឱ្យប៉ះពាល់ដល់បរិស្ថាន និងសោភ័ណភាពផ្សារ ជាពិសេសគឺផលប៉ះពាល់សុខភាពរបស់ប្រជាពលរដ្ឋ និងភ្ញៀវទេសចរផងដែរ ។
ពាក់ព័ន្ធនឹងបញ្ហានេះ លោកកៅ សុថា ប្រធានគ្រប់គ្រងផ្សារស្រុកស្ទឹងហាវ បានឱ្យដឹងតាមទូរស័ព្ទកាលពីរសៀលថ្ងៃទី២២ មេសា
២០១៤ ថា ជុំវិញបញ្ហាគំនរសំរាមខាងមុខផ្សារ គឺដោយសារតែខ្វះមធ្យោបាយក្នុងការដឹកជញ្ជូន ។ លោកបានបន្តទៀតថា សព្វថ្ងៃ
នេះ ការដឹកជញ្ជូនសំរាមចេញពីខាងមុខផ្សារ ដោយអ្នកទទួលម៉ៅការប្រមូលសំរាម និងយកភាស៊ីពីអាជីវករលក់ដូរនៅក្នុងផ្សារដែលមានឈ្មោះថា លោកស្រីសេន ខូយ ជាអ្នកគ្រប់គ្រង និងដឹកជញ្ជូនសំរាមកន្លងមក ការប្រើមធ្យោបាយរបស់គាត់ គឺដឹកដោយរទេះ អូសដោយម៉ូតូយកទៅចាក់ចោល ដែលមានចម្តាយផ្លូវឆ្ងាយ ជាហេតុធ្វើឱ្យមានការយឺតយ៉ាវកកស្ទះសំរាមគរដូចភ្នំបែបនេះ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ