ខេត្តពោធិ៍សាត់ ៖ បុរសម្នាក់ប៉ុនប៉ងចាប់រំលោភក្មេងស្រីអាយុ១៧ឆ្នាំម្នាក់ តែមិនបានសម្រេច ហើយរត់គេចខ្លួន លុះពេលចូលផ្ទះវិញ ក៏ត្រូវក្រុមគ្រួសារខាងក្មេងស្រីរងគ្រោះប្ដឹងសមត្ថកិច្ចឱ្យធ្វើការឃាត់ខ្លួនតែម្ដង ។
ហេតុការណ៍នេះកើតឡើងកាលពីវេលាម៉ោង៥ និង៣០នាទីល្ងាចថ្ងៃទី១៦ មេសា ២០១៤ កន្លងមក ស្ថិតនៅភូមិឆាយលូក ឃុំអូរសោម ស្រុកវាលវែង ប៉ុន្តែទើបតែឃាត់ខ្លួនបាននៅថ្ងៃទី២១ មេសា ២០១៤ ។
ប្រភពបានឱ្យដឹងថា ជនសង្ស័យឈ្មោះថន ចាន់ថុន អាយុ២៩ឆ្នាំ ជាកម្មករចម្ការម្រេច ស្នាក់នៅបណ្ដោះអាសន្នក្នុងភូមិកើតហេតុខាងលើ ។ ការឃាត់ខ្លួននេះ គឺយោងតាមពាក្យបណ្ដឹងរបស់ក្មេងស្រីរងគ្រោះ ដែលបានរៀបរាប់ថា កាលពីថ្ងៃទី១៦ មេសា ២០១៤ កន្លងមក ខណៈដែលនាងកំពុងអង្គុយបត់ជើងធំក្នុងព្រៃចម្ការចេកក្បែរផ្ទះ ក៏ស្រាប់តែឈ្មោះថន ចាន់ថុនបានលបមកចាប់អោបនាងពីក្រោយ បម្រុងរំលោភ ប៉ុន្តែនាងបានស្រែកឮដល់ម្ដាយនៅក្នុងផ្ទះ ពេលនោះម្តាយនាងដើរមក ជននោះក៏រត់បាត់ទៅតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ