ប្រធានាធិបតីស្តីទីអ៊ុយក្រែន លោកអូឡេកសាន់ឌ័រ តួកជីណូវ កាលពីថ្ងៃទី២២ មេសា បានចេញបញ្ជាដល់កងទ័ពរដ្ឋាភិបាលឱ្យធ្វើការវាយលុកជាថ្មីប្រឆាំងភេរវកម្ម គឺប្រឆាំងពួកបំបែកខ្លួននិយមស្និទ្ធរុស្ស៊ីនៅភាគខាងកើតប្រទេស ក្រោយពីការរកឃើញនៅជិតទីក្រុងស្លាវីយ៉ានស្ក៍ នូវសាកសពរបស់សមាជិកសភាម្នាក់នៃគណបក្សលោក គឺគណបក្ស BATKIVEHTCHINA មក ។
ប្រធានាធិបតីស្តីទីអ៊ុយក្រែន លោកអូឡេកសាន់ឌ័រ តួកជីណូវ កាលពីថ្ងៃទី២២ មេសា បានចេញបញ្ជាដល់កងទ័ពរដ្ឋាភិបាលឱ្យធ្វើការវាយលុកជាថ្មីប្រឆាំងភេរវកម្ម គឺប្រឆាំងពួកបំបែកខ្លួននិយមស្និទ្ធរុស្ស៊ីនៅភាគខាងកើតប្រទេស ក្រោយពីការរកឃើញនៅជិតទីក្រុងស្លាវីយ៉ានស្ក៍ នូវសាកសពរបស់សមាជិកសភាម្នាក់នៃគណបក្សលោក គឺគណបក្ស BATKIVEHTCHINA មក ។
ក្នុងសេចក្តីប្រកាសមួយ លោកតួកជីណូវ ប្រកាសថា សាកសពមនុស្ស២នាក់ដែលរងការធ្វើទារុណកម្មយ៉ាងព្រៃផ្សៃបំផុតត្រូវបានរកឃើញនៅជិតទីក្រុងនោះ នាភាគខាងកើតប្រទេសកាន់កាប់ដោយពួកបំបែកខ្លួននិយមស្និទ្ធរុស្ស៊ី ។ សាកសពមនុស្សម្នាក់ក្នុងចំណោមសាកសពមនុស្សទាំង២នាក់នោះ គឺសពលោកវ៉ូឡូឌីមៀរវីបាក់ សមាជិកសភាមួយរូបនៃទីក្រុងហ័រលីវកា ជិតក្រុងដូណេតស្ក៍ ដែលត្រូវចាប់ពង្រត់កាលពីថ្ងៃទី១៦ មេសា កន្លងមកនេះដោយពួកភេរវករ ។
លោកតួកជីណូវ បានធ្វើការចោទប្រកាន់ថា ឧក្រិដ្ឋកម្មទាំងនេះប្រព្រឹត្តជាមួយការជួយទ្រទ្រង់ទាំងស្រុងរបស់សហព័ន្ធរុស្ស៊ី ។ ខ្ញុំអំពាវនាវដល់ភ្នាក់ងារសន្តិសុខឱ្យអនុវត្តវិធានការប្រឆាំងភេរវកម្មប្រកបដោយប្រសិទ្ធភាពនានាក្នុងគោលបំណងការពារពលរដ្ឋអ៊ុយក្រែនដែលរស់នៅនាភាគខាងកើតប្រទេស ។កំពុងបំពេញទស្សនកិច្ចនៅទីក្រុងគៀវ អនុប្រធានាធិបតីអាមេរិកលោក JOSE BIDEN ដែលសម្តែងការគាំទ្រទាំងស្រុងចំពោះរដ្ឋាភិបាលអ៊ុយក្រែន បានសន្យាពីផែនការជំនួយមួយដល់ទីក្រុងគៀវ ហើយយល់ថា ពេលវេលាបង្ខំ ដោយរុស្ស៊ីត្រូវគោរពបណ្តាពាក្យសន្យាតាមរយៈសកម្មភាពជាក់ស្តែងដើម្បីសម្រាលសភាពការណ៍នៅអ៊ុយក្រែន ។
ជំនួយរបស់សហរដ្ឋអាមេរិកមានត្រឹមតែ៥០លានដុល្លារជាដំណក់ទឹកតូចមួយ បើប្រៀបធៀបទៅនឹងទឹកប្រាក់១ពាន់លានដុល្លារដែលអាមេរិកសន្យារួចហើយថា ឱ្យអ៊ុយក្រែនខ្ចី តែវាជាគំនិតមួយនៃឆន្ទៈរបស់អាមេរិកជួយទ្រទ្រង់ដល់រដ្ឋាភិបាលអ៊ុយក្រែន ។
ជាអ្នកទទួលខុសត្រូវអាមេរិកជាន់ខ្ពស់ដំបូងគេមកកាន់អ៊ុយក្រែន ចាប់តាំងពីការផ្តួលរំលំប្រធានាធិបតីស្និទ្ធរុស្ស៊ីលោកវិកទ័រ អុីុយ៉ានូកូវីត កាលពីថ្ងៃទី២២ កុម្ភៈមក លោក JOSE BIDEN បានស្នើដល់ក្រុងមូស្គូឱ្យឈប់បានត្រឹមនិយាយ ហើយចាប់ផ្តើមធ្វើសកម្មភាពជាក់ស្តែងដើម្បីដកហូតអាវុធពីពួកបំបែកខ្លួននិយមស្និទ្ធរុស្ស៊ី ដែលបើតាមអាជ្ញាធរថា បុ៉នប៉ងបំផ្លាញការបោះឆ្នោតប្រធានាធិបតីដែលគ្រោងធ្វើនាថ្ងៃទី២៥ ឧសភាខាងមុខនេះ ។
ចំណែកប្រទេសរុស្ស៊ីដែលបានដាក់ពង្រាយកងទ័ពប្រមាណជា៤០.០០០នាក់នៅតាមព្រំដែនអ៊ុយក្រែននោះនិយាយថា សង្គ្រាមមួយជាមួយអ៊ុយក្រែននឹងពុំមានឡើយ ។លោកអាណាតូលី អានតូណូវ អនុរដ្ឋមន្ត្រីការពារប្រទេសរុស្ស៊ី ថ្លែងកាលពីថ្ងៃទី២២ មេសាថា សង្គ្រាមមួយរវាងរុស្ស៊ីនិងអ៊ុយក្រែនពុំអាចទៅរួចទេ ។ ក្នុងបទសម្ភាសន៍ជាមួយកាសែតរុស្ស៊ី ROSSIISKAYA GAZETA លោកអានតូណូវ ថ្លែងថា ខ្ញុំពុំជឿថា រុស្ស៊ីនិងអ៊ុយក្រែនច្បាំងគ្នាឡើយ បណ្តាមេបញ្ជាការកងទ័ពរុស្ស៊ី និងអ៊ុយក្រែននៅប្រាស្រ័យទាក់ទងគ្នា ទោះបីជាការផ្លាស់ប្តូរគ្នាមានការកាត់បន្ថយយ៉ាងច្រើនក្តី ។ ក្នុងចំណោមបញ្ហាជាកម្មវត្ថុនៃការពិភាក្សាគ្នានាពេលនេះរវាងក្រសួងការពារជាតិនៃប្រទេសទាំងពីរ គឺការប្រគល់បណ្តាគ្រឿងសព្វាវុធអ៊ុយក្រែនដែលសល់នៅគ្រីមេ និងការចាកចេញពីជួរកងទ័ពអ៊ុយក្រែននៃពួកទាហានដែលជ្រើសរើសនៅគ្រីមេ ។
ម្យ៉ាងវិញទៀត លោកអានតូណូវ បានបដិសេធពាក្យអះអាងទាំងឡាយដែលថា រុស្ស៊ីបង្កើនវត្តមានយោធានៅតាមតំបន់ព្រំដែនជាមួយអ៊ុយក្រែន ។ លោកអះអាងថា យើងគ្រាន់តែធ្វើសមយុទ្ធនៅតំបន់ទាំងនោះតែបុ៉ណ្ណោះ ។ចំពោះទណ្ឌកម្មនានារបស់ពួកលោកខាងលិច ដោយសារតែរឿងអ៊ុយក្រែន នាយករដ្ឋមន្ត្រីរុស្ស៊ីលោកឌីមីទ្រី ម៉េដវេដេវ អះអាងកាលពីថ្ងៃទី២២ មេសាថា បណ្តាទណ្ឌកម្មដែលពួកលោកខាងលិចដាក់ប្រឆាំងរុស្ស៊ី នឹងពុំមានឥទ្ធិពលធំដុំលើសេដ្ឋកិច្ចរបស់ប្រទេស និងលើពលរដ្ឋរុស្ស៊ីឡើយ ។
ក្នុងសុន្ទរកថាប្រចាំឆ្នាំមួយនៅមុខសភារុស្ស៊ី លោកម៉េដវេដេវ មានប្រសាសន៍ថា យើងអាចសម្រាលបណ្តាផលវិបាកនៃទណ្ឌកម្ម ។ លោកអះអាងថា រដ្ឋាភិបាលត្រៀមប្រឈមមុខនឹងលក្ខខណ្ឌថ្មីៗ ហើយនឹងការពារសេដ្ឋកិច្ច ព្រមទាំងពលរដ្ឋប្រឆាំងបណ្តាសកម្មភាពប្រទូស្តរ៉ាយ ដែលនោះជាអាទិភាពមួយ ។ រដ្ឋាភិបាលមិនបណ្តោយឱ្យពលរដ្ឋរុស្ស៊ីក្លាយទៅជាចំណាប់ខ្មាំងនៃល្បែងនយោបាយឡើយ ៕
ចែករំលែកព័តមាននេះ