រាជធានីភ្នំពេញ ៖ ខុន ស៊ីចាន់ មកពីក្លិបកងពលធំអន្តរាគមន៍លេខ៣ ព្រះវិហារ ដែលត្រូវប៉ះជាមួយ សុខ សុវណ្ណ មកពីក្លិបកងពលតូចលេខ៣១ កងទ័ពជើងទឹកនៅលើសង្វៀន CTN ក្នុងវគ្គប្រកួតជម្រុះវិលជុំឈានទៅដណ្តើមខ្សែក្រវាត់ស្រាបៀរលីអូនាថ្ងៃសៅរ៍ ទី២៦ មេសា ខាងមុខនេះមិនសង្ឃឹមថា អាចទៅរួចនោះឡើយ ។
រាជធានីភ្នំពេញ ៖ ខុន ស៊ីចាន់ មកពីក្លិបកងពលធំអន្តរាគមន៍លេខ៣ ព្រះវិហារ ដែលត្រូវប៉ះជាមួយ សុខ សុវណ្ណ មកពីក្លិបកងពលតូចលេខ៣១ កងទ័ពជើងទឹកនៅលើសង្វៀន CTN ក្នុងវគ្គប្រកួតជម្រុះវិលជុំឈានទៅដណ្តើមខ្សែក្រវាត់ស្រាបៀរលីអូនាថ្ងៃសៅរ៍ ទី២៦ មេសា ខាងមុខនេះមិនសង្ឃឹមថា អាចទៅរួចនោះឡើយ ។
ចំណែកឯ ឡៅ ចន្ទ្រា មកពីក្លិបកងទ័ពពិសេសឆត្រយោង៩១១ មានជំនឿចិត្ត១០០ភាគរយថា នឹងឈ្នះពេលប៉ះជាមួយ ឆាយ មាស មកពីក្លិបសំរោងកោងកីឡាខេត្តបាត់ដំបង ។ ខុន ស៊ីចាន់ និងសុខ សុវណ្ណ ប្រកួតបាន៥លើក បុ៉ន្តែលទ្ធផលមិនដូចគ្នាទេ ដោយខុន ស៊ីចាន់ ឈ្នះ២លើក ចាញ់៣លើក ឯសុខ សុវណ្ណ ឈ្នះ៤លើក ចាញ់១លើក ។ ដូច្នេះ ខុន ស៊ីចាន់ បើអាចយកឈ្នះការប្រកួតលើកនេះ គឺនៅមានសង្ឃឹមបានឡើងទៅប្រកួតនៅវគ្គបន្ត បុ៉ន្តែបើសិនជាចាញ់វិញ គឺយ៉ាប់បន្តិចហើយ ។ ចំណែក សុខ សុវណ្ណ ពេលនេះពិន្ទុរបស់គេគឺល្មមគ្រប់គ្រាន់ឱ្យគេឡើងទៅប្រកួតនៅវគ្គបន្តទៀតបានហើយ ជាពិសេសការមកប៉ះខុន ស៊ីចាន់ លើកនេះ គឺគេមានជំនឿចិត្តយ៉ាងច្រើនក្នុងការស្វែងរក៣ពិន្ទុបន្ថែមទៀត ព្រោះ ខុន ស៊ីចាន់ ល្អបានតែស្នៀតទាត់ និងម៉ាត់បុ៉ណ្ណោះ ឯស្នៀតកែង និងជង្គង់វិញនោះគឺមិនពូកែឡើយ ។ និយាយរួមស្នៀតប្រដាល់របស់គេមិនអាចទៅរួចជាមួយ សុខ សុវណ្ណ បានឡើយរាប់តាំងពីកម្លាំងឡើងទៅ ។
ដោយឡែក ការជួបគ្នារវាង ឡៅ ចន្ទ្រា និងឆាយ មាស វិញ នោះមិនពិបាកវាយតម្លៃឡើយ ព្រោះអីគូនេះបើសិនជាធ្វើការប្រៀបធៀបទៅលើល្បិចប្រយុទ្ធនៅលើសង្វៀនវិញនោះ គឺឡៅ ចន្ទ្រា ល្អជាងដាច់តែម្តង ។ ជាក់ស្តែង លទ្ធផល៥ប្រកួតកន្លងមក គឺ ឡៅ ចន្ទ្រា មិនទាន់ស្គាល់ចាញ់ម្តងណាឡើយ ចំណែកឯ ឆាយ មាស ឈ្នះ២លើក ចាញ់៣លើក លើកនេះបើសិនជាចាញ់ទៀត គឺអស់ផ្លូវអ៊ុតហើយ ។ ខុសពី ឡៅ ចន្ទ្រា ដែលមានពិន្ទុនាំមុខគេដាច់នៅក្នុងតារាង ទោះចាញ់ឬឈ្នះ គេមិនបារម្ភសោះឡើយ ពោលគឺគេនឹងឡើងទៅប្រកួតនៅវគ្គបន្តដោយស្វ័យប្រវត្តិ ៕
ចែករំលែកព័តមាននេះ