ខេត្តមណ្ឌលគិរី ៖ បុរសម្នាក់ត្រូវជនមិនស្គាល់មុខវាយនឹងវត្ថុរឹងទៅលើផ្ទៃមុខ និងផ្នែកខាងក្រោយក្បាលបណ្តាលឱ្យស្លាប់ភ្លាមៗនៅនឹងកន្លែង បង្កឱ្យមានការភ្ញាក់ផ្អើលកាលពីវេលាម៉ោង៦ និង១៥នាទីយប់ ថ្ងៃទី ២១ មេសា ២០១៤ នៅភូមិស្រែអ៊ី សង្កាត់រមនា ក្រុងសែនមនោរម្យ។
ជនរងគ្រោះឈ្មោះផាន់ ស្រ៊ីល ភេទប្រុស អាយុ៣៤ឆ្នាំ ជាជនជាតិព្នង រស់នៅភូមិ-សង្កាត់កើតហេតុខាងលើ។ តាមសមត្ថកិច្ចចុះទៅពិនិត្យនៅកន្លែងកើតហេតុបានឱ្យដឹងថា អំពើឃាតកម្មគិតទុកជាមុននេះអាចកើតចេញពីគំនុំរឿងជនរងគ្រោះចេះអាបធ្មប់។
សមត្ថកិច្ចបានបង្ហើបថា សមត្ថកិច្ចរកឃើញតម្រុយឃាតករខ្លះៗហើយ ព្រោះប៉ូលិសបានធ្វើការស្រាវជ្រាវឃើញថា មានមនុស្សមួយកុ្រមធ្លាប់ឡើងទៅលបវាយជនរងគ្រោះម្តងហើយកាលពីពេលកន្លងមក៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ