អតីតកីឡាការិនីលំដាប់ទី១ ពិភពលោកម៉ារីយ៉ា សារ៉ាប៉ូវ៉ា បានប្រើពេលដល់ទៅ៣ម៉ោងនិង២៤នាទីដើម្បីយកឈ្នះគូប្រកួតក្នុងជុំទី១ ព្រឹត្តិការណ៍វាយកូនបាល់ Porsche Tennis Grand Prix ។ ការប្រកួតត្រូវបានរៀបចំធ្វើនៅក្នុងទីក្រុង Stuttgart ប្រទេសអាល្លឺម៉ង់ កាលពីថ្ងៃអង្គារ ទី២២ មេសា ។
អតីតកីឡាការិនីលំដាប់ទី១ ពិភពលោកម៉ារីយ៉ា សារ៉ាប៉ូវ៉ា បានប្រើពេលដល់ទៅ៣ម៉ោងនិង២៤នាទីដើម្បីយកឈ្នះគូប្រកួតក្នុងជុំទី១ ព្រឹត្តិការណ៍វាយកូនបាល់ Porsche Tennis Grand Prix ។ ការប្រកួតត្រូវបានរៀបចំធ្វើនៅក្នុងទីក្រុង Stuttgart ប្រទេសអាល្លឺម៉ង់ កាលពីថ្ងៃអង្គារ ទី២២ មេសា ។
ស្ថិតក្នុងវ័យ២៦ឆ្នាំ និងធ្លាប់ជាជើងឯកក្របខ័ណ្ឌធំ French Open ឆ្នាំ២០១២ កីឡាការិនីរុស្ស៊ីរូបនេះបានផ្តួលគូប្រជែងសញ្ជាតិឆែកនាង Lucie Šafářová ក្នុងលទ្ធផល៧-៦, ៦-៧ និង៧-៦ ។ នេះគឺជាជ័យជម្នះលើតារាងប្រកួតដីក្រហមលើកទី១០០ របស់នាង ។ នៅជុំបន្ទាប់ កីឡាការិនីការពារជើងឯករូបនេះនឹងប៉ះជាមួយមិត្តរួមជាតិខ្លួនគឺនាង Anastasia Pavlyuchenkova ដែលបានយកឈ្នះកីឡាការិនីឡេតូនី Diana Marcinkevica ក្នុងលទ្ធផល ៦-៣ និង៦-២ ។ សូមបញ្ជាក់ថា សារ៉ាប៉ូវ៉ា ធ្លាប់បានយកឈ្នះពានជើងឯកនៅទីនេះ ២លើករួចមកហើយកាលពីឆ្នាំ២០១២ និង២០១៣ ។
ចំណែកកីឡាការិនីស៊ែប៊ី Jelena Jankovicក៏ឆ្លងផុតជុំទី១ នេះផងដែរបន្ទាប់ពីបានយកឈ្នះកីឡាការិនីវ័យ២៣ឆ្នាំរបស់អាល្លឺម៉ង់ Mona Barthel ក្នុងលទ្ធផល២-៦, ៧-៦និង៦-៣ ខណៈកីឡាការិនីអុីតាលី Sara Errani យកឈ្នះកីឡាការិនីឆែក Klara Koukalova ក្នុងលទ្ធផល៦-៣ និង៦-៤ ។ សម្រាប់ Errani នេះជាលើកទី១ ហើយដែលនាងដណ្តើមបានជ័យជម្នះនៅទីក្រុង Stuttgart ។
ឯកីឡាការិនីអេស្ប៉ាញ Roberta Vinci បានធ្វើឱ្យអ្នកគាំទ្រក្នុងស្រុកអស់សង្ឃឹមបន្តិចខណៈនាងបានបំបាក់កីឡាការិនីម្ចាស់ផ្ទះ Annika Beck ក្នុងលទ្ធផល៦-៣ និង៦-២ ។ដោយឡែក ក្នុងថ្ងៃជាមួយគ្នានោះដែរ នៅឯទីក្រុង Marrakech ប្រទេសម៉ារ៉ុក នាង Francesca Schiavone ក្នុងនាមជាកីឡាការិនីការពារជើងឯកបានឆ្លងផុតជុំទី១ កម្មវិធី Grand Prix SAR ដោយជោគជ័យ ។ កីឡាការិនីអុីតាលីរូបនេះបានយកឈ្នះនាង Beatriz Garcia Vidagany មកពីប្រទេសអេស្ប៉ាញ ក្នុងលទ្ធផល៦-៣ និង៦-២ ។
ចូលរួមការប្រកួត ១១កម្មវិធីនៅឆ្នាំនេះ នាង Schiavone ដែលជាជើងឯកក្របខ័ណ្ឌធំ French Open ឆ្នាំ២០១០ បានធ្លាក់ក្នុងជុំទី១ចំនួន៩លើក ៕
ចែករំលែកព័តមាននេះ