ប្រធានក្រុមប្រឹក្សាធម្មនុញ្ញអាល់ហ្សេរីលោក មូរ៉ាដមេដែលស៊ី រាយការណ៍កាលពីថ្ងៃទី២២ មេសា ថា ប្រធានាធិបតីអាល់ហ្សេរីលោក ABDELAZIZ BOUTELFLIKA បានជាប់ឆ្នោតជាថ្មី កាន់តំណែងអាណត្ដិទី៥ ជាមួយសំឡេងដល់ទៅ៨១,៤៩% ។ យោងតាមលទ្ធ ផលជាស្ថាពរប្រកាសដោយក្រុមប្រឹក្សាធម្មនុញ្ញថា គូប្រជែងសំខាន់លោក ALI BENFLIS ទទួលសំឡេងឆ្នោតបានត្រឹមតែ ១២,៣០
ប្រធានក្រុមប្រឹក្សាធម្មនុញ្ញអាល់ហ្សេរីលោក មូរ៉ាដមេដែលស៊ី រាយការណ៍កាលពីថ្ងៃទី២២ មេសា ថា ប្រធានាធិបតីអាល់ហ្សេរីលោក ABDELAZIZ BOUTELFLIKA បានជាប់ឆ្នោតជាថ្មី កាន់តំណែងអាណត្ដិទី៥ ជាមួយសំឡេងដល់ទៅ៨១,៤៩% ។ យោងតាមលទ្ធ ផលជាស្ថាពរប្រកាសដោយក្រុមប្រឹក្សាធម្មនុញ្ញថា គូប្រជែងសំខាន់លោក ALI BENFLIS ទទួលសំឡេងឆ្នោតបានត្រឹមតែ ១២,៣០% ប៉ុណ្ណោះ ចំណែកអត្រាអ្នកចូលរួមបោះឆ្នោតមាន៥០,៧០% ។
ក្នុងសារមួយផ្សាយដោយទីភ្នាក់ងារព័ត៌មានផ្លូវការអាល់ហ្សេរី APS ក្រោយការប្រកាសលទ្ធផលស្ថាពរលោក BOUTEFLIKA បានសម្ដែងក្ដីរីយរាយចំពោះលទ្ធផលនៃការបោះឆ្នោត ហើយលោកសន្យាធ្វើសេចក្ដីថ្លែងការណ៍មួយទៅកាន់ពលរដ្ឋអាល់ហ្សេរីប៉ុន្មានថ្ងៃខាងមុខនេះ ។ ក្នុងសារនោះលោកបានថ្លែងអំណរគុណដល់ពលរដ្ឋអាល់ហ្សេរីទាំងមូលដែលបោះឆ្នោតគាំទ្រលោកដោយសំឡេងភាគច្រើន ។
មានអាយុ៧៧ឆ្នាំ ហើយមានកម្លាំងចុះខ្សោយដោយសារជំងឺលោក BOUTEFLIKA រង់ចាំរយៈពេលមួយសប្ដាហ៍ដើម្បីធ្វើសច្ចាប្រណិធានចូលកាន់តំណែងអាណត្ដិថ្មីក្នុងពិធីជាផ្លូវការមួយ ។ យោងតាមមាត្រាទី៧៥នៃរដ្ឋធម្មនុញ្ញ ប្រធានាធិបតីជាប់ឆ្នោតត្រូវធ្វើសច្ចាប្រណិធាននៅមុខប្រជាជន និងដោយមានវត្ដមានរបស់គ្រប់ស្ថាប័នជាន់ខ្ពស់របស់ប្រទេស១សប្ដាហ៍ក្រោយការជាប់ឆ្នោត ៕
ចែករំលែកព័តមាននេះ