ក្រសួងការពារប្រទេសកូរ៉េខាងត្បូង គូសបញ្ជាក់កាលពីថ្ងៃទី២២ មេសា ថា កូរ៉េខាងត្បូងកត់សម្គាល់ឃើញការបង្កើនសកម្មភាពនៅឯទីតាំងសាកល្បងនុយក្លេអ៊ែររបស់កូរ៉េខាងជើងដែលក្រុងសេអ៊ូលយល់ថា នោះជាសញ្ញាដែលក្រុងព្យុងយ៉ាងអាចរៀបចំការសាកល្បង នុយក្លេអ៊ែរលើកទី៤ ។
ក្រសួងការពារប្រទេសកូរ៉េខាងត្បូង គូសបញ្ជាក់កាលពីថ្ងៃទី២២ មេសា ថា កូរ៉េខាងត្បូងកត់សម្គាល់ឃើញការបង្កើនសកម្មភាពនៅឯទីតាំងសាកល្បងនុយក្លេអ៊ែររបស់កូរ៉េខាងជើងដែលក្រុងសេអ៊ូលយល់ថា នោះជាសញ្ញាដែលក្រុងព្យុងយ៉ាងអាចរៀបចំការសាកល្បង នុយក្លេអ៊ែរលើកទី៤ ។
លោក KIM MIN SEOK អ្នកនាំពាក្យក្រសួងការពារជាតិកូរ៉េខាងត្បូងក្នុងសន្និសីទសារព័ត៌មានមួយនិយាយថា កងទ័ពរបស់យើងពិនិត្យឃើញនាពេលនេះ នូវសកម្មភាពយ៉ាងច្រើននៅជុំវិញទីតាំងសាកល្បងនុយក្លេអ៊ែរ PUNGGYE-RI ។ យើងយល់ថា កូរ៉េខាងជើងអាចធ្វើការសាកល្បងនុយក្លេអ៊ែរគួរឱ្យភ្ញាក់ផ្អើលមួយ ។ អ្នកនាំពាក្យរូបនោះបញ្ជាក់ថា កងទ័ពកូរ៉េខាងត្បូងបង្កើតក្រុមពិសេសមួយក្នុងករណីក្រុងព្យុងយ៉ាងធ្វើការសាកល្បងនុយក្លេអ៊ែរក្រោមដីទៀត ។
ប្រធានាធិបតីអាមេរិក លោកបារ៉ាក់ អូបាម៉ា ត្រូវមកដល់ទីក្រុងសេអ៊ូលនាថ្ងៃទី២៥ មេសា ហើយបំពេញទស្សនកិច្ចរយៈពេល៤៨ម៉ោងនៅទីនោះ ក្នុងក្របខណ្ឌនៃដំណើរទស្សនកិច្ចមួយរបស់លោកនៅអាស៊ី ។ សារព័ត៌មានកូរ៉េខាងត្បូងយល់ថា ក្រុងព្យុងយ៉ាងអាចធ្វើការបង្កហេតុអ្វីមួយក្នុងឱកាសនៃទស្សនកិច្ចនេះ ៕
ចែករំលែកព័តមាននេះ