តាមការឱ្យដឹងពីមជ្ឈមណ្ឌលព័ត៌មានរបស់ក្រសួងពាណិជ្ជកម្ម និងឧស្សាហកម្មវៀតណាមការនាំចេញផលិតផលម្រេចរបស់វៀតណាម ត្រូវបានគេព្យាករថា នឹងរកបានចំណូល១ពាន់លានដុល្លារអាមេរិកនៅក្នុងឆ្នាំ២០១៤ ។ ក្នុងត្រីមាសដំបូងនៃឆ្នាំនេះ ប្រទេសវៀតណាមនាំចេញម្រេចបាន៤៩.៥០០តោន និងទទួលកម្រៃបាន៣៣៦,២១លានដុល្លារកើនទ្បើង៣០,៩% គិតចំពោះបរិមាណ និង៣២,៥៧% គិតចំពោះតម្លៃទឹកប្រាក់នាំចេញ ។
ចំណែកសហគមផលិតផលម្រេចរបស់វៀតណាម បានអះអាងថា ទិន្នផលម្រេចក្នុងឆ្នាំនេះ ត្រូវបានគេរំពឹងថា នឹងវាយលុកទីផ្សារបាន១៥០.៥០០តោន កើន៣០.០០០តោន ធៀបនឹងឆ្នាំ២០១៣ ។ សមាគមនេះ បានបន្តទៀតថា ទិន្នផលម្រេចប្រចាំឆ្នាំនៅលើពិភពលោក៣០% និងទិន្នាផលនាំចេញ៥០% ទៅទីផ្សារពិភពលោក ប្រទេសវៀតណាមមានឥទ្ធិពលលើតម្លៃ ។ នៅក្នុងអំទ្បុងពេល២ខែដំបូងនៃឆ្នាំថ្មី២០១៤នេះ តម្លៃទីផ្សារម្រេចរបស់វៀតណាមមានកម្រិត៦.៨២៨ដុល្លារអាមេរិក ក្នុងមួយតោន កើន៣% ធៀបនឹងអំទ្បុងពេលដូចគ្នានៃឆ្នាំមុន ។ គួរបញ្ជាក់ថា កំណើនជាក់ស្តែងដែលគួរឱ្យចាប់អារម្មណ៍នៅក្នុងការទទួលបានចំណូលពីការនាំចេញម្រេចភាគច្រើន គឺនៅទីផ្សារប្រទេសសិង្ហបុរី ប៉ាគីស្ថាន ថៃ ម៉ាទ្បេស៊ី បារាំង និងកូវ៉ែត ក្នុងចំណោមប្រទេសជាច្រើនផ្សេងទៀត ។ រីឯនៅក្នុងប្រទេសឥណ្ឌូណេស៊ី ក្នុងរយៈពេល៣ខែដំបូងនៃឆ្នាំ២០១៤នេះ ការនាំចេញម្រេចរបស់វៀតណាមទៅកាន់ប្រទេសនេះ សម្រេចបាន៤,៥២ពាន់លានដុល្លារកើន១,៧៧៥% ធៀបនឹងឆ្នាំមុន ។
ទោះជាយ៉ាងណាក៏ដោយ កាលពីឆ្នាំ២០១៣ ប្រទេសវៀតណាម គឺជាអ្នកនាំចេញនិងផលិតម្រេចធំជាងគេបំផុតនៅពិភពលោក ដែលទទួលបានចំណូល៩០០លានដុល្លារពីការលក់បាន១៣៤.០០០តោន លើទីផ្សារក្រៅស្រុកកើន១៣,៤% គិតជាតម្លៃ និង១៤,៩% គិតជាបរិមាណ ៕
ចែករំលែកព័តមាននេះ