សារព័ត៌មានបរទេសផ្សាយថា ទន្លេ Cita-rum នៅលើកោះជ្វា ប្រទេសឥណ្ឌូណេសីុ ដែលកាលពីមុនធ្លាប់ជាទន្លេដ៏ស្រស់ស្អាត និងជាទន្លេដ៏ធំនៅភាគខាងលិចកោះជ្វាបច្ចុប្បន្នបានប្រែក្លាយជាទន្លេកខ្វក់បំផុតនៅលើពិភពលោក ព្រោះពោរពេញដោយសម្រាម និងកាកសំណល់ពីរោងចក្រ ។
ក្រុមហ្គ្រីនភីស បានបង្ហាញថា ទន្លេនោះបានប្រែក្លាយជារណ្តៅសម្រាមរបស់ក្រុមហ៊ុន PT Gistex ដែលមានសម្ព័ន្ធភាពផ្នែកពាណិជ្ជកម្មជាមួយក្រុមហ៊ុន ធំៗនៅលើពិភពលោក ដូចជាក្រុមហ៊ុន Gap និង Adidas ជាដើម ។ ទន្លេនោះសំបូរទៅដោយសម្រាម និងកាកសំណល់ រួមទាំងសារធាតុគីមីមានជាតិពុលពីរោងចក្រវាយនភណ្ឌ ផ្សេងៗបង្កឱ្យត្រីងាប់ជាច្រើនម៉ឺនក្បាល ឬប្រហែល៦០%នៃទន្លេសំបូរដោយជាតិពុល ខណៈពេលប្រជាពលរដ្ឋជាង៣៥លាននាក់ត្រូវពឹងផ្អែកលើការប្រើប្រាស់ទឹកទន្លេនោះ ។
ទឹកទន្លេបានប្តូរពណ៌ស្របតាមសារធាតុគីមីដែលរោងចក្របង្ហូរចូល និងធ្វើឱ្យពលរដ្ឋប្រឈមមុខនឹងជំងឺមហារីកខ្ពស់ រួមទាំងកើតជំងឺសើស្បែក ផ្លូវចិត្ត និងបង្កឱ្យអាក់ខានដល់ការរីកធំធាត់របស់កុមារ ។ ពលរដ្ឋម្នាក់បញ្ជាក់ថា គេមិនអាចនេសាទត្រីបានទៀតឡើយ និងថែមទាំងបានដឹងថា ទន្លេដែលមានស្ថានភាពបែបនោះ ព្រោះតែការចោលសម្រាមដែលមានច្បាប់គ្រប់គ្រង ប៉ុន្តែគ្មាននរណាម្នាក់យកចិត្តទុកដាក់ក្នុងការថែរក្សាទន្លេ ។
បច្ចុប្បន្នគេហៅទន្លេមួយខ្សែនោះថា ជាជង្រុកសម្រាប់ផ្ទុកកាកសំណល់របស់ឧស្សាហកម្មផលិតទំនិញដែលគ្មានការទទួលខុសត្រូវ ៕
ចែករំលែកព័តមាននេះ