ផ្នែកសារព័ត៌មានរបស់វិមានក្រឹមឡាំងថ្លែងកាលពីថ្ងៃទី២១ មេសាថា រដ្ឋាភិបាលរុស្ស៊ីបានបង្កើតគណៈកម្មាធិការមួយទទួលបន្ទុកគ្រប់គ្រងកិច្ចការអភិវឌ្ឍសង្គម-សេដ្ឋកិច្ចនៅសាធារណរដ្ឋគ្រីមេ និងនៅទីក្រុងសេបាស្តូប៉ូល ។ គណៈកម្មាធិការនោះរួមមាន សមាជិក៤៥រូបដឹកនាំដោយឧបនាយករដ្ឋមន្ត្រីរុស្ស៊ី លោកឌីមឺឌ្រី កូហ្សាក់ មានភារកិច្ចលើកកម្ពស់កម្រិតជីវភាពរបស់ប្រជាជនគ្រីមេ ឱ្យដល់
ផ្នែកសារព័ត៌មានរបស់វិមានក្រឹមឡាំងថ្លែងកាលពីថ្ងៃទី២១ មេសាថា រដ្ឋាភិបាលរុស្ស៊ីបានបង្កើតគណៈកម្មាធិការមួយទទួលបន្ទុកគ្រប់គ្រងកិច្ចការអភិវឌ្ឍសង្គម-សេដ្ឋកិច្ចនៅសាធារណរដ្ឋគ្រីមេ និងនៅទីក្រុងសេបាស្តូប៉ូល ។ គណៈកម្មាធិការនោះរួមមាន សមាជិក៤៥រូបដឹកនាំដោយឧបនាយករដ្ឋមន្ត្រីរុស្ស៊ី លោកឌីមឺឌ្រី កូហ្សាក់ មានភារកិច្ចលើកកម្ពស់កម្រិតជីវភាពរបស់ប្រជាជនគ្រីមេ ឱ្យដល់កម្រិតមធ្យមនៅរុស្ស៊ី ។ ក្នុងចំណោមវិធានការដែលគ្រោងចាត់រដ្ឋាភិបាលរុស្ស៊ីនឹងបើកសាខាធនាគាររុស្ស៊ីជាង២០០ នៅឧបទ្វីបនេះនឹងកាត់បន្ថយយ៉ាងខ្លាំងនូវការខ្វះខាតទឹក ហើយបើកនៅគ្រីមេនូវសាខាបណ្ឌិតសភាវិទ្យាសាស្ត្ររុស្ស៊ីមួយ ។
ម្យ៉ាងវិញទៀត ប្រធានាធិបតីរុស្ស៊ី លោកវ៉្លាឌីមៀរ ពូទីន ក៏ស្នើដែរកាលពីថ្ងៃទី២១ មេសា ធ្វើឱ្យគ្រីមេក្លាយជាតំបន់ពិសេសទី៥ របស់ប្រទេស បន្ទាប់ពីតំបន់អាល់តៃ តំបន់ក្រាស្នូដា តំបន់ម៉ារីទីម និងតំបន់កាលឺនីនហ្គ្រាដ ។ កាលពីដើមខែមេសានេះ រដ្ឋាភិបាលរុស្ស៊ីធ្លាប់បានប្រកាសពីផែនការដើម្បីបង្កើតតំបន់សេដ្ឋកិច្ចពិសេសមួយនៅគ្រីមេ ជាមួយការទទួលបានអត្ថប្រយោជន៍យ៉ាងច្រើន ៕
ចែករំលែកព័តមាននេះ