រាជធានីភ្នំពេញ ៖ ហ្វាន់តាបានបង្កើតនូវយុទ្ធនាការថ្មីមួយទៀត ដែលផ្ដល់នូវភាពសប្បាយរីករាយកាន់តែអស្ចារ្យសម្រាប់យុវវ័យដែលតែងតែនិយមគាំទ្រផលិតផលរបស់ខ្លួន ។ កម្មវិធីសប្បាយៗនេះនឹងធ្វើឡើងនៅរៀងរាល់ចុងសប្ដាហ៍រយៈពេល៣សប្ដាហ៍ជាប់ៗគ្នា ចាប់ពីម៉ោង២រសៀលដល់ម៉ោង៨យប់នៅកោះពេជ្រ ហើយចាប់ផ្ដើមពីថ្ងៃសៅរ៍ទី២៩ មីនា និងបានបញ្ចប់ទៅវិញនៅថ្ងៃទី១៣ មេសា ២០១៤កន្លងមកនេះ ។
យុទ្ធនាការ«មានហ្វាន់តាច្រើន បង្កើនភាពរីករាយ» របស់ហ្វាន់តា គឺជាយុទ្ធនាការមួយថ្មី ដែលបានរៀបចំឡើងយ៉ាងធំ និងនៅទីតាំងដ៏ធំទូលាយ ដែលសកម្មភាពទាំងនេះគឺជាផ្នែកមួយនៃយុទ្ធនាការ Bounce ដោយនាំមកនូវកម្មវិធីកម្សាន្ដជាច្រើនទៀតដូចជាហ្គេមស៊ូម៉ូ ប្រណាំងជិះបាល់ លោតចាប់រង្វាន់ហ្វាន់តា និងល្បែងកម្សាន្ដជាច្រើនទៀត ហើយយុវវ័យមិនត្រឹមតែទទួលបាននូវភាពសប្បាយរីករាយដ៏រំជើបរំជួលទេ គឺថែមទាំងទទួលបានរង្វាន់លួងចិត្ដជាច្រើនថែមទៀតផង ។
ការបង្កើតកម្មវិធីនេះ ដែលសកម្មភាពភាគច្រើនដូចគ្នាទៅនឹងយុទ្ធនាការ Bounce ដែលបានចាក់ផ្សាយនៅតាមទូរទស្សន៍នានានៅទូទាំងប្រទេស ។ សកម្មភាពកម្សាន្ដទាំងនេះផ្ដល់ជូននូវអត្ដសញ្ញាណរបស់ហ្វាន់តា ដែលតំណាងនូវភាពរីករាយជានិច្ច ។ ជាមួយនឹងការផ្សព្វផ្សាយយ៉ាងទូលំទូលាយតាមរយៈបណ្ដាញទូរទស្សន៍ ផ្ទាំងប៉ាណូ និងខិត្ដប័ណ្ណផ្សេងៗនោះយុទ្ធនាការ «មានហ្វាន់តាច្រើន បង្កើនភាពរីករាយ» បាននាំមកនូវការគាំទ្រ និងពេញនិយមពីសំណាក់យុវវ័យយ៉ាងច្រើនសន្ធឹកសន្ធាប់ ដែលជាជោគជ័យថ្មីមួយទៀតសម្រាប់ផលិតផលហ្វាន់តា ដែលជាផលិតផលរបស់ក្រុមហ៊ុនភេសជ្ជៈកម្ពុជា កូកា-កូឡា ៕
ចែករំលែកព័តមាននេះ