ទីផ្សាររថយន្តនៅលើពិភពលោកឆ្នាំ២០១៤ បានចាប់ផ្តើមយ៉ាងល្អបំផុតពិសេសនៅក្នុងខែកុម្ភៈ ដែលរក្សាបាននូវការបោះជំហានឆ្ពោះទៅមុខជាមួយនឹងការលក់រាយបាន៦,៤លានគ្រឿង កើនឡើង៥,៥%ធៀបនឹងឆ្នាំមុន ជាមួយនឹងការកើនឡើងនៃការលក់៤% ស្មើនឹង១៣,៣លាន គ្រឿង ។ ទិន្នន័យជាបឋមនៅខែមីនា ឆ្នាំ២០១៤ សម្រេចបាននូវអត្រាលក់៨,៤លានគ្រឿងកើនឡើង៤% ។
តំបន់អាស៊ី ប្រទេសចិនបង្កើនការលក់បាន១៣,៤% ដែលធ្វើឱ្យប្រសើរឡើងវិញពីខែមករា ត្រឹមតែ៧%ប៉ុណ្ណោះ និងរក្សាបាននូវការបង្កើននិន្នាការនៃអត្រាលក់ទ្វេដង ដែលជាការគ្រោងទុកសម្រាប់ឆ្នាំនេះ មិនលើសពី២៥លានគ្រឿង ។ ចំណែកជប៉ុនវិញបានបង្កើនទីផ្សារលក់របស់ខ្លួន ១៨%ដែលបានជំរុញ ដោយការព្យាករទុកជាមុននៃតម្រូវការ មុននឹងការដំឡើងថ្លៃពន្ធដារ ខែមេសានេះ ខណៈប្រទេសឥណ្ឌាឯណោះវិញ បានធ្លាក់ចុះដដែល រីឯកូរ៉េខាងត្បូងបង្កើនការលក់យ៉ាងខ្លាំងក្លាកើនឡើងទ្វេដង រហូតឈោងចាប់បានកៅអីមួយក្នុងលំដាប់កំពូលទាំង១០នៃប្រទេសលក់រថយន្តដាច់ជាងគេលើពិភពលោក។
តំបន់អាមេរិក ទីផ្សារសហរដ្ឋអាមេរិកមានកម្រិតថេរធៀបនឹងឆ្នាំមុន បណ្តាលមកពីការអូសបន្លាយពេលនៃបញ្ហាអាកាសធាតុមិនអំណោយផល ។ ជាមួយគ្នានោះដែរ ប្រទេសកាណាដា និងមិុកសុិកក៏មានអត្រាលក់ថេរប្រហាក់ប្រហែលនឹងសហរដ្ឋអាមេរិកដែរ ។ រីឯប្រេស៊ីល មិនមានក្តីរំពឹងថាមានការកើនឡើងខ្លាំងក្លានោះឡើយ ខណៈចក្ខុវិស័យនៃទីផ្សាររបស់គេនៅតែអវិជ្ជមានសម្រាប់ឆ្នាំនេះ ។ នៅគ្រានោះដែរ ប្រទេសអាហ្សង់ទីន បរិយាកាសសេដ្ឋកិច្ចកំពុងតែមានលក្ខណៈមិនអំណោយទាន ទីផ្សារបានកាត់ផ្តាច់នូវនិន្នាការនៃហានិភ័យនៅក្នុងកំណើនដែលអាចភ្លាត់ស្នៀតធ្លាក់ចុះមួយរំពេចនៅក្នុងពេលអនាគតដ៏ខ្លី ។ ចំណែកឯប្រទេសស៊ីលី ជាប់លំដាប់ថ្នាក់ទី៣ នៅលើទីផ្សារអាមេរិកខាងត្បូង និងទី៣០នៅលើពិភពលោក ។
តំបន់អឺរ៉ុប ចក្រភពអង់គ្លេសធ្លាក់មកលេខ១៤ នៅក្នុងទីផ្សារលក់រថយន្តក្នុងខែកុម្ភៈ ដែលល្បឿនលក់មានកម្រិតយឺតបន្តិចប៉ុន្តែគ្រប់ទីផ្សារនៅតំបន់អឺរ៉ុបកំពុងកើនឡើងលើកលែងតែប្រទេសរុស្ស៊ី និងតួកគីប៉ុណ្ណោះ ដែលធ្លាក់ចុះ២៧%រហូតធ្លាក់ចេញពីបញ្ជីលំដាប់កំពូលទាំង២៥ ។ ដោយឡែកប្រទេសប៉ូឡូញកើនឡើងជាង៣៣%ឡើងមកចំណាត់ថ្នាក់ទី២៦ ក្នុងបញ្ជីប្រទេសដែលលក់រថយន្តដាច់ជាងគេបំផុតលើពិភពលោកប្រចាំខែកុម្ភៈ ឆ្នាំ២០១៤ ។
ខាងក្រោមនេះ គឺជាបញ្ជីប្រទេសដែលលក់រថយន្តដាច់ជាងគេបំផុតលំដាប់កំពូលទាំង១០លើពិភពលោក ប្រចាំខែកុម្ភៈ ឆ្នាំ២០១៤ ៖
ចែករំលែកព័តមាននេះ