ថ្មីៗនេះក្រុមហ៊ុនផលិតកាហ្វេធំជាងគេបំផុតរបស់ឡាវយីហោDao Heuang Group បានត្រៀមខ្លួនចូលប្រឡូកនៅក្នុងទីផ្សារប្រទេសថៃនៅឆ្នាំក្រោយតាមរយៈកុងត្រានៃការបង្កើនផ្ទៃដីដាំកាហ្វេទំហំ១.០០០រ៉ាយ ស្មើនឹង១៦០ហិកតានៅភាគខាងជើងប្រទេស។
អ្នកស្រីBoonheuag Litdang អនុប្រធានក្រុមហ៊ុនHeuang Group បានថ្លែងថា «នេះគឺជាគម្រោងនៃការជំរុញសមត្ថភាពផលិតកម្មរបស់ក្រុមហ៊ុនដើម្បីបង្កើតតម្រូវការនៅក្នុងសមាគមសេដ្ឋកិច្ចអាស៊ាននាឆ្នាំ២០១៥ ខាងមុខនេះ» ។ មួយវិញទៀតយើងនឹងបង្កើនទីផ្សារកាហ្វេនេះនៅក្នុងប្រទេសថៃដើម្បីនឹងបម្រើការដល់ការបង្កើនតម្រូវការនៅក្នុងប្រទេសសមាជិកអាស៊ានដទៃទៀត ។
លោកស្រីបានថ្លែងថា «ក្រុមហ៊ុនក៏បាននិងកំពុងរៀបចំរោងចក្រនៅក្នុងស្រុកWarin Chamrap ក្នុងខេត្តអ៊ូប៊ុន ឆ្នាំ២០១៤នេះ ។ គម្រោងនេះគឺបន្ទាប់ពីក្រុមហ៊ុនទទួលបាននូវរបាយការណ៍នៃការលក់ផលិតផលកាហ្វេកាលពីឆ្នាំ២០១៣បានចំនួន២០លានដុល្លារអាមេរិក៦០០លានបាតនៅក្នុងប្រទេសថៃ ។ លើសពីនេះក្រុមហ៊ុនក៏កំពុងរៀបចំផែនការបើកហាងកាហ្វេរួចពន្ធជាលើកដំបូងនៅក្នុងប្រទេសវៀតណាម ផងដែរនៅឆ្នាំ២០១៥ខាងមុខនេះ ដែលមានទំហំទឹកប្រាក់១០លានបាត ។គួរបញ្ជាក់ថា ក្រុមហ៊ុនកាហ្វេរបស់ឡាវមួយនេះបាននាំចេញទៅប្រទេសជប៉ុន,សហរដ្ឋអាមេរិក,អឺរ៉ុប,ចិន,វៀតណាម,មីយ៉ាន់ម៉ា និងកម្ពុជាផងដែរ ៕
ចែករំលែកព័តមាននេះ