សារព័ត៌មានរបស់ចិន ផ្សាយថា មន្ត្រីរដ្ឋដែលតែងតែខ្ជះខ្ជាយលើការរៀបចំពិធីជប់លៀង ត្រូវកាត់បន្ថយការខ្ជះខ្ជាយ ក្រោយពីរដ្ឋាភិបាលរឹតបន្តឹងមិនឱ្យរៀបចំពិធីជប់លៀង ឬកិច្ចប្រជុំនៅក្នុងសណ្ឋាគារផ្កាយ៥ ។ សារព័ត៌មាន «ប៉េជីងដេលី» ផ្សាយថា ការកាត់បន្ថយការចំណាយលើពិធីជប់លៀង គឺក្នុងគោលនយោបាយបង្ក្រាបអំពើពុករលួយគ្រប់រូបភាពរបស់រដ្ឋាភិបាល ។ លោកប្រធានា
សារព័ត៌មានរបស់ចិន ផ្សាយថា មន្ត្រីរដ្ឋដែលតែងតែខ្ជះខ្ជាយលើការរៀបចំពិធីជប់លៀង ត្រូវកាត់បន្ថយការខ្ជះខ្ជាយ ក្រោយពីរដ្ឋាភិបាលរឹតបន្តឹងមិនឱ្យរៀបចំពិធីជប់លៀង ឬកិច្ចប្រជុំនៅក្នុងសណ្ឋាគារផ្កាយ៥ ។ សារព័ត៌មាន «ប៉េជីងដេលី» ផ្សាយថា ការកាត់បន្ថយការចំណាយលើពិធីជប់លៀង គឺក្នុងគោលនយោបាយបង្ក្រាបអំពើពុករលួយគ្រប់រូបភាពរបស់រដ្ឋាភិបាល ។ លោកប្រធានាធិបតី សុី ជីនពីង បានចេញគោលការណ៍ចំនួន៨ចំណុច សម្រាប់ប្រើនៅក្នុងស្ថាប័នរដ្ឋ ដើម្បីគ្រប់គ្រងប្រាក់ជាតិ និងការប្រព្រឹត្តអំពើទុច្ចរិត រួមទាំងការចាយវាយប្រាក់របស់រដ្ឋដោយឥតប្រយោជន៍ ។
ប្រភពនោះបន្តទៀតថា មន្ត្រីរដ្ឋាភិបាលបានទទួលបញ្ជាឱ្យប្តូរទីតាំងរៀបចំពិធីជប់លៀង និងកិច្ចប្រជុំ ដែលកាលពីមុនរមែងរៀបចំឡើងនៅក្នុងសណ្ឋាគារលំដាប់ខ្ពស់ ដោយត្រូវងាកទៅប្រើប្រាស់រោងភាពយន្តជំនួសវិញ ។ កាលពីដើមឆ្នាំកន្លងមក ប្រាក់សម្រាប់ចំណាយលើកិច្ចប្រជុំរបស់មន្ត្រីម្នាក់៥៥០យាន់ ក្នុងមួយថ្ងៃ រួមទាំងប្រាក់ចំណាយលើកន្លែងស្នាក់នៅ និងថ្លៃម្ហូបអាហារ ។ ដូច្នេះចាប់ពីពេលនេះទៅ កិច្ចប្រជុំមិនអាចដំណើរការនៅតាមសណ្ឋាគារថ្នាក់ផ្កាយ៥ទៀតឡើយ ។
ក្រៅពីនេះ រដ្ឋាភិបាលកំណត់មិនឱ្យអូសបន្លាយពេលកិច្ចប្រជុំយូរលើសពី២ថ្ងៃ និងត្រូវកាត់បន្ថយចំនួនអ្នកចូលរួមនៅក្នុងកិច្ចប្រជុំ ដែលពីមុនមានប្រហែល២០០នាក់ កំណត់ឱ្យនៅប្រហែល៥០នាក់ ។ នាយកដ្ឋានហិរញ្ញវត្ថុក្រុងប៉េកាំង ឱ្យដឹងថា ថ្លៃចំណាយក្នុងការស្វាគមន៍មន្ត្រីដែលធ្វើដំណើរចូលរួមប្រជុំប្រចាំឆ្នាំ មានតម្លៃ៦,៤៥លានយាន់ ដោយធ្លាក់ចុះកាលពីឆ្នាំ២០១៣ មានប្រហែល៧,៥លានយាន់ ៕
ចែករំលែកព័តមាននេះ