ប៉ូលិសជាង១.០០០នាក់ នៃទីក្រុងសៀងហៃ របស់ចិន ចាប់ផ្តើមកាលពីថ្ងៃទី២០ មេសា នូវការដើរល្បាតដោយមានកាំភ្លើងខ្លី នៅចង្កេះ ខណៈពេលចិនកំពុងពង្រឹងសន្តិសុខសាធារណៈ ដើម្បីតស៊ូប្រឆាំងអំពើឧក្រិដ្ឋហិ.ង្សាទាំងឡាយ ។ យោងតាមការិយាល័យសន្តិសុខសាធារណៈក្រុងសៀងហៃ ថា ប៉ូលិសទាំងនោះទទួលការហ្វឹកហ្វឺន និងពិនិត្យរោគចិត្តមុនពេលអនុញ្ញាតឱ្យកាន់កាំភ្លើង ។ ពួកគេ
ប៉ូលិសជាង១.០០០នាក់ នៃទីក្រុងសៀងហៃ របស់ចិន ចាប់ផ្តើមកាលពីថ្ងៃទី២០ មេសា នូវការដើរល្បាតដោយមានកាំភ្លើងខ្លី នៅចង្កេះ ខណៈពេលចិនកំពុងពង្រឹងសន្តិសុខសាធារណៈ ដើម្បីតស៊ូប្រឆាំងអំពើឧក្រិដ្ឋហិង្សាទាំងឡាយ ។ យោងតាមការិយាល័យសន្តិសុខសាធារណៈក្រុងសៀងហៃ ថា ប៉ូលិសទាំងនោះទទួលការហ្វឹកហ្វឺន និងពិនិត្យរោគចិត្តមុនពេលអនុញ្ញាតឱ្យកាន់កាំភ្លើង ។ ពួកគេដើរល្បាតជាទម្លាប់ក្នុងបណ្តាតំបន់មានមនុស្សកុះករខ្លាំង ពិសេសនៅកណ្តាលក្រុង និងក្នុងបណ្តាមជ្ឈមណ្ឌលដឹកជញ្ជូន។
ប៉ូលិសចិនជាទូទៅពុំបំពាក់អាវុធឡើយ រួចអំពើឧក្រិដ្ឋដោយប្រើកាំភ្លើងកម្រកើតមានណាស់នៅចិន ជាប្រទេសមួយមានច្បាប់តឹងតែងបំផុត ដើម្បីត្រួតពិនិត្យអាវុធ ។ ប៉ុន្តែក្រោយការវាយប្រហារសម្លាប់មនុស្សដោយប្រើកាំបិតកើតមានច្រើននាឆ្នាំនេះ នៅទីក្រុងគុនមីញ និងនៅក្រុងចាងសា ទើបក្រសួងសន្តិសុខសាធារណៈចិន ប្រកាសកាលពីពាក់កណ្តាលខែមីនា ថា ប៉ូលិសនឹងធ្វើការចេញល្បាតបំពាក់ដោយអាវុធ ដើម្បីអាចទប់ទល់នឹងអំពើឧក្រិដ្ឋហិង្សានានា ។ក្រសួងនេះក៏លើកឡើងផងដែរកាលពីដើមខែមីនា នូវកម្មវិធីមួយមានរយៈពេល៣ខែ សម្រាប់បណ្តុះបណ្តាលកងកម្លាំងប៉ូលិសក្នុងការប្រើកាំភ្លើង យោងទៅតាមច្បាប់ ៕
ចែករំលែកព័តមាននេះ