អ្នកប្រកាសខ្លួនឯងជាអភិបាលក្រុងស្លាវីយ៉ានស្ក៍ របស់អ៊ុយក្រែនកាន់កា.ប់ដោយពួកបំបែកខ្លួននិយមស្និទ្ធរុស្សុី កាលពីថ្ងៃទី២០ មេសា បានស្នើដល់ប្រធានាធិបតីរុស្សុី លោក វ្ល៉ាឌីមៀរពូទីន បញ្ជូនកងទ័ព ឬផ្ដល់អាវុធដើម្បីការពារប្រជាជនមូលដ្ឋាន ក្រោយការវាយប្រហារបង្ហូរឈាមនាថ្ងៃបុណ្យ PAQUE របស់គ្រឹស្ដសាសនា ។
អ្នកប្រកាសខ្លួនឯងជាអភិបាលក្រុងស្លាវីយ៉ានស្ក៍ របស់អ៊ុយក្រែនកាន់កាប់ដោយពួកបំបែកខ្លួននិយមស្និទ្ធរុស្សុី កាលពីថ្ងៃទី២០ មេសា បានស្នើដល់ប្រធានាធិបតីរុស្សុី លោក វ្ល៉ាឌីមៀរពូទីន បញ្ជូនកងទ័ព ឬផ្ដល់អាវុធដើម្បីការពារប្រជាជនមូលដ្ឋាន ក្រោយការវាយប្រហារបង្ហូរឈាមនាថ្ងៃបុណ្យ PAQUE របស់គ្រឹស្ដសាសនា ។
ក្នុងការអំពាវនាវមួយដល់លោកពូទីន នាឱកាសនៃសន្និសីទសារព័ត៌មានមួយនៅទីក្រុងស្លាវីយានស្ក៍ អភិបាលក្រុងប្រកាសដោយខ្លួនឯងរូបនេះ លោក វីយ៉ាតឆេស្លាវ ប៉ូណូម៉ារេវ ថ្លែងថា យើងស្នើដល់លោកពូទីនឱ្យពិនិត្យដោយឆាប់រហ័សបំផុតពីលទ្ធភាពបញ្ជូនកងទ័ពរក្សាសន្ដិភាពដើម្បីការពារប្រជាជនប្រឆាំងពួកហ្វាស៊ីស្ដ ។ ប្រសិនបើការជ្រើសរើសបែបនេះពុំបានគ្រោងទេ សូមលោកជួយផ្ដល់អាវុធឱ្យយើង ។ អភិបាលក្រុងរូបនោះប្រកាសបែបនេះក្រោយចេញបំរាមគោចរក្នុងទីក្រុងដែលត្រួតត្រាទាំងស្រុងដោយពួកបំបែកខ្លួននិយមចាប់តាំងពីជាង១សប្ដាហ៍មកហើយ ។
យោងតាមលោក ប៉ូណូម៉ារេវ ថាការវាយប្រហារដែលកើតមាននាពេលយប់ជិតបារ៉ាស់មួយដាក់ដោយពួកបះបោរក្នុងភូមិ ប៊ីលបាស៊ីវកា ខាងលិចក្រុងស្លាវីយ៉ានស្ក៍ បណ្ដាលឱ្យមនុស្សស្លាប់៥នាក់ ក្នុងនោះមានជនសកម្មប្រយុទ្ធស្និទ្ធរុស្សុី៣នាក់ និងអ្នកវាយប្រហារ២នាក់ ។
ប្រទេសរុស្សុីភ្លាមៗបានសម្ដែងពីការក្ដៅក្រហាយចំពោះការវាយប្រហារនេះ ហើយបរិហារថា ជាការវាយប្រហារប្រឆាំងបណ្ដាជនស៊ីវិលស្លូតត្រង់ ដែលខ្លួនថា ជាអំពើរបស់ពួកជាតិនិយមជ្រុលអ៊ុយក្រែន ។ ក្រសួងការបរទេសរុស្សុីគូសបញ្ជាក់ថា រុស្សុីមានការក្ដៅក្រហាយចំពោះអំពើបង្កហេតុនេះ ដែលបង្ហាញពីអវត្ដមាននៃសុឆន្ទៈរបស់អាជ្ញាធរក្រុងគៀវ ក្នុងការរំសាយអាវុធពីពួកជាតិនិយម និងពីពួកនិយមជ្រុល ៕
ចែករំលែកព័តមាននេះ